1 SAMUEL 17:43 - KITTA' MATANGKASA'

⁴³ Nakanamo Goliat ri Daud, “Lanuapai anjo takkanga? Apa nucini' kongkonga' anne?” Nampa nahinamo anjo Daud lalang arenna sikamma rewatana ke'nanga.

1 SAMUEL 17:43 ပူးပေါင်းရင်းမြစ်များ

PA'JARIANG 27:29

Poro a'jari atannu ngaseng sikamma bansa-bansaya, siagang tundu' ngaseng suku bansaya mae ri kau. Poro nukoasai ngaseng sikamma bija pammanakannu, siagang su'ju' ri kau turunganna amma'nu. Poro nitunra ngasengi sikamma tau antunrayako, siagang poro nibarakkaki ngaseng sikamma tau ambarakkakiako.”

2 SAMUEL 16:5

Ri wattunna battu Daud mange ri Bahurim, nia'mo se're tau battu anjoreng ri tampaka, siagang lalang a'reppese'na mange ri rombonganna karaenga, natunrami Daud. Anjo taua niarengi Simei ana'na Gera, battu ri bija pammanakanna Saul.

2 SAMUEL 16:9

Nakanamo Abisai andi'na Yoab ana'na Zeruya mae ri karaenga, “Apa saba'na nakilappassang anjo pangacoa antunraki' karaeng? Kikellaima' ansamballei kallonna!”

2 SAMUEL 3:8

Na'jari sanna'mo larrona Abner napakamma, siagang nakanamo, “Apa kikananga' karaeng a'bali' ballang mae ri Saul siagang agang mange ri tu Yehuda? Battu rioloji natena pamminrana nyawaku mae ri Saul manggena karaengku, siagang mae ri bija pammanakanna kammayatompa mae ri agang-aganna ngaseng. Le'ba'mi kutulung karaengku sa'genna takkulleaki' nibeta ri Daud. Mingka manna nakamma kihinaja' lanri passabakkang baineji bawang.

2 SAMUEL 9:8

Su'ju'mi pole Mefiboset siagang nakana, “Apa todong anggaranna anne atanta! Angngapa kibajikkamma mae ri atanta anne karaeng?”

1 KARAENG-KARAENG 20:10

“Lanakiringi karaenna ikambe sanna' jaina tantara untu' angngancuruki kotanu, sa'genna manna limbu'bu'na anne kotanu akkulle tongi naangka' ke'nanga naporo limannaji bawang nabonei. Assumpai angkanaya poro nihukkungi ri rewata-rewataya, ba'lalo manna pole nibunoi, punna tena nanagaukang anjo kammaya!”

2 KARAENG-KARAENG 8:13

Appialimi Hazael angkana, “Inakke anne tau tena anggarangku; tena olona lania' koasaku kammaya anjo lompona!” Appialimi Elisa angkana, “Le'ba'ma' Napaccinikang Batara angkanaya la'jariko karaeng ri Siria.”

PANGNGEBARANG 26:2

Sanrapang jangang-jangang anri'ba' siagang allayang ri alla', kamma tomminjo pattunraya takkulleai nataba tutenaya nasala.

PAMMILANGNGANG 22:6

La'bi kassakangngangi ke'nanga na ikambe. Jari battu sako mae! Tunraimi anjo ke'nanga untu' inakke. Gassingka akkulleji ikambe ambetai ke'nanga siagang ambongkai ke'nanga battu anrinni ri pa'rasanganga. Nasaba' tappaka' angkanaya inai-nai tau nubarakkaki, langgappai barakka', siagang inai-nai nutunrai langgappai bala.”

HAKING-HAKING 9:27

A'lampami ke'nanga angngalle rappo anggoro', ri koko-koko anggoroka, nampa napare' je'ne' anggoro'. Nampa appare' ke'nanga passua'-suarrang. Angnganre-nganremi ke'nanga ri tampa' panynyombang rewataya, nasumpa-sumpai tojeng Abimelekh.

1 SAMUEL 14:12

Nampa akkio' ke'nanga mae ri Yonatan siagang atanna angkana, “Naikko mae sollanna napaccinikangko ikambe se'reang apa-apa!” Nakanamo Yonatan ri anjo turungkaya, “Pinawanga', nasaba' Napassareammi Batara anjo ke'nanga mae ri tu Israel.”

1 SAMUEL 24:14

Kiparhatikangi anne atanta eroka nibuno ri karaenna Israel! Kiciniki anne atanta tuli niondanga! Anne atanta sanrapanji kongkong matea, sanrapangi sikayu kutu bawang.

1 SAMUEL 24:15

Batara la'jari haking mae ri katte sipa'rua, ikatte karaeng siagang anne atanta. Tapporo Naparessai anne parkaraya, na Nabantu atanta siagang Napasalama' atanta battu ri karaeng.”