1 SAMUEL 17:34 - KITTA' MATANGKASA'

³⁴ Mingka appialimi Daud angkana, “Karaeng, biasai atanta akkalawaki gimbala'na manggena atanta. Punna nia' singa yareka beruang battu ambakkai gimbala',

1 SAMUEL 17:34 ပူးပေါင်းရင်းမြစ်များ

PA'JARIANG 31:39

Ia matea nikokko' ri olo'-olo' sekke' tale'bakai kuerang mae ri katte, mingka kalengku assambei. Ia nilukkaka ri alloa yareka ri bangngia, tuli kituntuki ri nakke sollanna kusambei.

2 SAMUEL 17:8

Tantu kiassengi karaeng angkanaya anjo Daud siagang ana' buana sangnging pajuang barani. Pallaki ke'nanga rapang beruang tappelaka ana'na. Nampa pole anjo Daud iami tantara jai pangalamanna, tenaya nale'ba' sipa'bangngiang siagang ana' buana.

2 SAMUEL 23:20

Nia' sitau maraengannaya masahoro' iamintu Benaya ana'na Yoyada tu Kabzeel. Ia sanna' baranina. Nia' rua pahlawang lompo battu ri Moab le'ba' nabuno. Le'baki ri se'reang allo ri wattu naunna bosi kammaya es batu, nantama' ri se'reang kali'bong nampa ammuno sikayu singa lalang.

1 PATTOTTORANG 11:22

Nia' pole sitau perwira masahoro', iamintu Benaya, ana'na Yoyada, tu Kabzeel. Sannaki baranina. Le'baki nia' rua tubaranina Moab nabuno. Le'baki ri se'reang wattu sanna' dinginna, nantama' ri se'reang kali'bong ammuno singa lalang.

PAMMUJI 143:5

Kuu'rangi allo-allo allaloa; kunawa-nawai sikontu panggaukanTa, kupikki'-pikkiri' sikamma bate paretTa.

YEHEZKIEL 34:12

sangkamma sitau pakalawaki amboyai siagang ampa'rappungi sikamma gimbala'na tassiaraka nampa naparakai ke'nanga. LaKuerangi ke'nanga ammotere' battu ri sikontu tampa'na tassiara' ri anjo allo sassanga siagang battuna balaya.

AMOS 3:12

Rapang sitau pakalawaki anggappayai ammotere' bangkenna mami yareka sipolong mami tolinna gimbala'na le'baka nikanre ri singa, kamma tomminjo sike'de' dudu mami lammantang battu ri pandudu'na Samaria attinro baji'-bajika pakkasia'na ri katinroang ga'gana.”

ZAKHARIA 11:16

Nasaba' nia' sitau pakalawaki laKusuro untu' anjagai sikamma gimbalakKu, mingka tena najampangi gimbala' tappelaka; tena naboyai gimbala' sala oloanga, tena todong naballei gimbala' bokkaka, kammayatompa tena nasarei kanre gimbala' attallasaka ija. Ba'lalo ia kalenna angkanrei dagenna gimbala' kaminang co'moka siagang nabi'buki sikamma kanukunna anjo olo'-oloka.

ZAKHARIA 9:7

Talangnganreami ke'nanga dageng acceraka ija siagang kanre maraengang nipappisangkanga. Sikontu tau tassesaya la'jari ummakKu siagang nipasangkammai salaku bageang battu ri suku Yehuda. Ekron la'jari anggota ummakKu, sangkamma tu Yebus ri jammang riolo.

LUKAS 2:8

Anjo bangngia nia' siapa are pakalawaki sitabang anjagai sapinna ri paranga ri anjo daeraya. Anjo wattua lantammi bangngia.

YOHANES 10:11

INakkemi pakalawaki bajika. Ia pakalawaki bajika, napassareangi nyawana untu' katallassanna gimbala'na ngaseng.

ROMA 5:4

na anjo majarreka ampa'jariki' tau attahanga ri paccobaya; iaminne assareki' panrannuang.

IBRANI 11:33

Lanri tappa'na ngaseng ke'nanga, nanabetamo sikamma karaeng ammarentaya. Nagaukangi ke'nanga apa-apa tojenga, sa'genna natarimamo apa Napa'janjianga Allata'ala. Natongkoki ke'nanga bawana singa-singaya,

PAPPICINI' 13:2

Anjo olo'-oloka sangkammai kucini' macang burika, na bangkenna sangkammai bangkeng beruang, kammayatompa muncenna sangkammai munceng singa. Nampa napassareang anjo nagaya kagassingang kalenna mae ri anjo olo'-oloka; kammayatompa empoang kala'biranna siagang kakoasang lompona nasareang tommi.

HAKING-HAKING 14:6

na ti'ring a'jari kassa'mo Simson lanri kakoasanNa Batara. Na nabi'nya'-bi'nyara'mo anjo singaya siagang limanna, sangkamma le'ba' angkana bembeji anjo singaya. Tena nacaritai Simson mae ri tau toana anjo apa kajarianga.

1 SAMUEL 17:15

biasai Daud a'lampa ambokoi Saul siagang ammotere' mange ri Betlehem untu' angkalawaki gimbala'na manggena.

1 SAMUEL 17:33

Appialimi Saul angkana, “Teako! Antekamma olona ikau lattanding siagang ia? Ikau rungka dudu ijako, nampa tenapa nubiasa a'bundu' battu ri rungkanu.”

1 SAMUEL 17:35

naondangi atanta anjo olo'-olo' kammaya nampa nalappassangngi, sa'genna napasalama'mo atanta anjo gimbalaka. Siagang punna singa siagang beruang angngewai atanta, nata'gala'mi atanta kallonna, nampa natunrung atanta sa'genna mate.