1 SAMUEL 17:20 - KITTA' MATANGKASA'

²⁰ Ammukona bari'basa', ambangummi Daud nampa apparuru. Gimbala'na nasuro jagai ri se'reang pakalawaki, nampa naalle apa-apa lanaeranga na'lampa situru' naparentakanga manggena. Battui mange ri kemana tu Israel sitabanna ero' a'lampa tu Israel mange a'bundu' ri tampa' pa'bundukanga, a'gora-gora ampakalompoi sumanga'na ke'nanga.

1 SAMUEL 17:20 ပူးပေါင်းရင်းမြစ်များ

LUKAS 19:43

Nia' sallang se're wattu nabattu musunnu ampangngalakkiko ri tammulilinu; lanakurungko ke'nanga, siagang lanabundukiko battu ri sikontu oloang niaka ri tammulilinu.

YOSUA 3:1

Ammukona, ambangung bari'basa' dudumi Yosua siagang sikontu umma' Israel, nampa nabokoi tampa' pakkemaanna ke'nanga ri Sitim, siagang a'lampa mange ri Binanga Yordan. Anjoreng akkemami ke'nanga siagang attayammi wattu untu' a'limbang.

1 SAMUEL 15:12

Ammukona bari'basa', a'lampami Samuel ero' mange angngagangi sibuntulu' Saul. Nipauammi angkanaya a'lampami Saul mange ri kota Karmel untu' ambangung batu pappakainga' untu' kalenna anjoreng, nampa tulusu' mange ri Gilgal.

1 SAMUEL 17:19

Niaki ke'nanga ri Lappara' Ela siagang Karaeng Saul, kammayatompa sikamma tu Israel a'bunduka angngewai tu Filistin.”

1 SAMUEL 17:21

Assidallekammi tantara Filistin siagang tantara Israel para sadia untu' a'bundu.

1 SAMUEL 17:28

Eliab daenna Daud toaya nalangngereki Daud a'bicara siagang anjo taua. Sanna'mi larrona mae ri Daud na nakana, “Angngapa nubattu mae anrinni? Inaimi nusuro angngurusuki sikamma gimbalaka anjo pirang kayua ri paranga? Kuassengi, angkana ero' nikanako barani. Battuko mae kaero'nuji bawang anciniki pa'bundukanga!”

1 SAMUEL 26:5

Akkaro-karomi Daud a'lampa mange ri tampa' kemana Saul. Na nagappamo kema napammantangia Saul sitabanga attinro ri ampi'na Abner ana'na Ner. Anjo kemana Saul niaki ri tangnga-tangnga, nampa tantarana akkemai akkuliling.

1 SAMUEL 26:7

Jari anjo bangngia Daud siagang Abisai antama' cokko-cokkomi ri anjo kemaya na narapikammo Saul sitabang attinro ri tangnga-tangngana kemaya. Pokena tattintingi ri buttaya ri ampi' ulunna. Abner siagang pasukanna attinroi angkulilingi Saul.