1 SAMUEL 17:12 - KITTA' MATANGKASA'

¹² Daud iamintu ana'na Isai tu Efrata, battu ri Betlehem ri Yehuda. Isai nia' sagantuju ana'na bura'ne. Na ri wattu pamarentahanna Saul, toa sikalimi Isai.

1 SAMUEL 17:12 ပူးပေါင်းရင်းမြစ်များ

PA'JARIANG 35:19

Matenamo Rahel, nitarawammi ri biring agang mangea ri Efrata, ia niarenga kamma-kamma anne Betlehem.

2 SAMUEL 23:1

Nipilei Daud ana'na Isai a'jari karaeng siagang nipa'jari tumalompoi ri Allata'alana Yakub. Iami appare' kelong-kelong untu' tu Israel. Na iaminne kana-kananna Daud kala'busanga:

PAMMUJI 132:6

Ri Betlehem nilangngereki passala' Patti Parjanjianga, nampa nibuntulu' ri parang Yaar.

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

MATIUS 2:1

Anjorengi ri kota Betlehem, ri pa'rasangang Yudea, nilassukang Isa, ri wattunna Herodes ammarenta. Anjo wattua nia'mo siapa are tucara'de' accini' bintoeng, battu raya mange ri Yerusalem.

MATIUS 2:6

‘Ikau Betlehem, ri pa'rasangang Yudea, Tena sikali naikau kaminang tuna ri alla'na sikamma kota lompo niaka ri Yudea, Nasaba' battu ri kaumi lammumba sitau pamimping eroka ampimpingi ummakKu Israel.’ ”

RUT 4:17

Sikamma bai'-baine siampi'-ampi' balla'na ke'nanga assarei areng anjo anaka nikana Obed. Mae ri sikamma taua nakana ke'nanga, “Nia'mo ana'na Naomi sitau bura'ne!” Iaminne Obed sallang a'jari manggena Isai, nampa Isai iami manggena Daud.

1 SAMUEL 1:1

Nia' sitau bura'ne niareng Elkana, battu ri suku Efraim. Ammantangi ri kota Rama, ri daera pa'monconganna Efraim. Elkana iamintu ana'na Yeroham, na cucunna Elihu. Antamaki golonganna kaluarga Tohu, tangke passibijang battu ri Zuf.

1 SAMUEL 16:1

Siapa are wattu ribokoanganna, Nakanamo Batara mae ri Samuel, “Siapapi sallonu lasi'na pa'mai' passabakkang Saul? Sai ia tenamo naniakui salaku karaeng Israel? Kamma-kamma anne angngalleko minynya' zaitun, siagang a'lampako mange ri Betlehem, mange ri se'reang tau niarenga Isai, nasaba' kalase'renna ana'na Kupilei a'jari karaeng.”

1 SAMUEL 16:18

Nalangngere'na anjo, nia'mo kalase'renna atanna angkana, “Isai pandudu'na Betlehem, nia' sitau ana'na bura'ne cara'de' akkarena musi'. Ia tubarani, siagang se're tantara baji'. Nampa pole gammaraki nacara'de' a'bicara, siagang tuli nitulungi ri Batara.”

1 SAMUEL 17:11

Nalangngere'na Saul siagang sikamma taunna anjo pa'ngaraya, ta'bangkami ke'nanga siagang a'jari malla' sikalimi.

1 SAMUEL 17:58

Akkuta'nammi Saul ri ia angkana, “E turungka, inaiko antu?” Appialimi Daud angkana, “Anne atanta ana'nai Isai battu ri Betlehem.”