1 SAMUEL 16:6 - KITTA' MATANGKASA'

⁶ Ri wattunna a'rappungammo ke'nanga siagang nacini'mi Samuel ana'na Isai, niarenga Eliab, napikkiri'mi angkana, “Ma'nassa iaminne laNapilea Batara.”

1 SAMUEL 16:6 ပူးပေါင်းရင်းမြစ်များ

1 KARAENG-KARAENG 12:26

Appikkiri' kammaminne lalang ri atinna, “Punna tuli a'lampa ra'yaka mange ri Yerusalem untu' assare koro'bang ri Balla'Na Batara sangkamma nagaukanga ri kamma-kammaya anne, lammotereki sallang amminawang ri Rehabeam, karaeng Yehuda, nampa nabunoa'.”

1 PATTOTTORANG 2:13

Ana' bura'nena Isai nia' tuju. Iaminne areng-arenna ke'nanga situru' susunang umuru'na: Eliab, Abinadab, Simea,

1 PATTOTTORANG 28:4

Batara, Allata'ala nasombaya tu Israel, le'ba' ampilea' siagang turungangku untu' ammarenta ri Israel sa'genna satunggu-tungguna. Untu' appasadia sitau pamimping, Napilemi suku Yehuda, na battu ri ia anjo sukua Napilemi kaluargana manggeku. Siagang battu ri sikontua kaluargana manggeku, rellami ampilea' siagang ampa'jaria' karaeng mae ri sikontu Israel.

2 PATTOTTORANG 11:18

A'buntingi Rehabeam siagang Mahalat; manggena Mahalat iamintu Yerimot ana' bura'nena Daud, na amma'na iamintu Abihail ana'na Eliab, cucunna Isai.

PAMMUJI 84:9

Kipilangngeri laloi pappala' doangku, o, Karaeng Allata'ala Kaminang Koasaya, Kipilangngeri laloi, o, Allata'alana Yakub.

HAKING-HAKING 8:18

Le'baki anjo akkuta'nammi Gideon mae ri Zebah siagang Salmuna angkana, “Antekamma tanja'na anjo sikamma tunubunoa ri Tabor”? Appialimi Zebah siagang Salmuna, “Ero' ngasengi ke'nanga santanja' ikau, sangkammai turungang karaeng.”

1 SAMUEL 17:13

Tallua ana' bura'ne toana Isai a'lampami a'bundu' ampinawangi Saul. Ia kaminang toaya niarengi Elia, makaruaya niarengi Abinadab, siagang makatallua niarengi Syama.

1 SAMUEL 17:22

Nampa napassareang naboli' anjo apa-apa naeranga mae ri pajaga parsadiaanna tantaraya, nampa lari mange ri tampa' pa'bundukanga untu' angngagangi sibuntulu' daenna ngaseng.