1 SAMUEL 16:14 - KITTA' MATANGKASA'

¹⁴ Anjo lapung Saul nibokoimi ri RohNa Batara, siagang nisessami ri roh ja'dala' Nasuroa Batara.

1 SAMUEL 16:14 ပူးပေါင်းရင်းမြစ်များ

2 SAMUEL 7:15

Mingka tuli laKugaukangi apa bajika mae ri ia situru' janjingKu. Tuli laKuta'gala' jarreki janjingKu mae ri ia, tena nasangkamma apa le'baka Kugaukang mae ri Saul Kupalessoka battu ri empoanna sollannu akkulle a'jari karaeng.

1 KARAENG-KARAENG 22:19

Nakanamo pole Mikha, “Kamma-kamma anne pilangngeri apa Napaua Batara! Kuciniki Batara ammempo ri empoang kala'biranNa ri suruga, siagang sikontu malaekaka ammentengi ri ampi'Na.

1 KARAENG-KARAENG 22:22

Akkuta'nammi Batara angkana, ‘Antekamma carana?’ Appialimi anjo roh angkana, ‘La'lampa' nampa kupa'jari a'balle-balle ngaseng na'bi-na'bina Ahab.’ Nakanamo Batara, ‘Baji'mi, gaukammi anjo, lakkulleko antu anynyonyoki.’ ”

PAMMUJI 51:11

Kialleimi rupanTa battu ri dosa-dosaku, siagang lu'lu'mi sikontu kasalangku.

HOSEA 9:12

Mingka manna pole nania' ana'-ana' nilassukang siagang nipakalompo, laKuallei ke'nanga; tena manna sitau laKulappassang attallasa'. Cilaka ngaseng mako ikau, he bansa Israel, punna Kubokoi ngaseng mako!”

HAKING-HAKING 16:20

Nampa ammarrang angkana, “Simson! Niaki battu tu Filistin!” Ambangummi Simson nanapikkiri' kapang angkana akkullei tallappasa' sangkamma allalo-lalloa. Tanaassengai angkanaya nibokoimi ri Batara.

HAKING-HAKING 16:29

Le'baki anjo nata'gala'mi Simson anjo ruaya benteng pattula' lompona bangunanga. Nampa atu'dang rua-rua limanna ri anjo benteng pattula' lompoa.

HAKING-HAKING 9:23

Nampa Napasimusumo Batara anjo Abimelekh siagang taua ri Sikhem. Sa'genna niewamo Abimelekh ri ke'nanga.

1 SAMUEL 11:6

Nalangngere'na Saul anjo kabaraka, nikoasaimi ri RohNa Allata'ala.

1 SAMUEL 16:15

Lanri kammana nakanamo sikamma atanna Saul ri ia, “Naassengi ikambe angkanaya roh ja'dala' Nasuroa Batara assessaki'.

1 SAMUEL 16:16

Punna kisitujui, eroki ikambe a'lampa ampa'boyangki' tau cara'deka akkacapi. Punna nisessaki' ri roh ja'dalaka, anjo taua akkullei napasa'ra kacapinna, nakkulle baji' ammotere' pakkasiatta.”

1 SAMUEL 16:23

Appakkaramula anjo wattua, punna nibattui Saul ri roh ja'dala', naallemi kacapinna Daud nampa napasa'ra. Nampa sannammo siagang nyamammi ammotere' pakkasia'na, lanri nibokoi ri anjo roh ja'dalaka.

1 SAMUEL 18:10

Ammukona niaki Saul lalang ri balla'na, sitabang nata'galaki pokena. Nati'ring nibattuimo ri roh ja'dala' nisuroa ri Allata'ala, sa'genna a'jallo'mo sangkamma tupongoro'. Anjo wattua sitabangi Daud akkarena kacapi sangkamma biasa.

1 SAMUEL 18:12

Naassemmi ri kalenna Saul angkanaya nila'langi ri Batara anjo Daud, nampa kalenna nibokoimi ri Batara. Lanri kammana anjo, a'jari malla'mi ri Daud.

1 SAMUEL 28:15

Le'baki anjo nakanamo Samuel ri Saul, “Angngapa nanuganggua'? Angngapa nukiokka' ammotere'?” Appialimi Saul angkana, “Sanna' linguku lanri nibundukia' ri tu Filistin, nampa Nabokoima' Allata'ala. Tenamo Napialia', baji' tete ri sikamma na'bia, kammayatompa lalang so'na. Lanri kammana kupalaki ri katte Bapa', sollanna kipauanga' apa musti kugaukang.”