1 SAMUEL 16:12 - KITTA' MATANGKASA'

¹² Nampa nasuromo Isai mae angkioki anjo anaka. Niassemmi angkanaya anjo anaka se're turungka gammara' siagang bajiki kalenna, siagang ga'gai matanna. Nampa Nakanamo Batara ri Samuel, “Iaminne taunna. Minynyakimi na nuangka'!”

1 SAMUEL 16:12 ပူးပေါင်းရင်းမြစ်များ

PA'JARIANG 39:6

Sikontu apa-apa napatanga Potifar napappirannuang ngasengi mange ri Yusuf. Kammaminjo natenamo napangngassengi Potifar sikamma urusanga lalang balla'na, pantaranganna nikanaya apa nakanrea. Anjo Yusuf sanna' gammara'na siagang sanna' ga'gana.

2 SAMUEL 23:1

Nipilei Daud ana'na Isai a'jari karaeng siagang nipa'jari tumalompoi ri Allata'alana Yakub. Iami appare' kelong-kelong untu' tu Israel. Na iaminne kana-kananna Daud kala'busanga:

2 SAMUEL 7:8

Lanri kammana anjo Natan, pauangi atangKu Daud, angkanaya iNakke Batara Kaminang Koasaya, angkana ri ia, ‘Le'ba' mako Kualle battu ri jama-jamannu akkalawakia gimbala' ri paranga siagang Kuangkakko a'jari karaeng mae ri ummakKu Israel.

1 KARAENG-KARAENG 1:34

Anjoreng musti niangkaki ri Zadok siagang Natan a'jari karaeng Israel. Le'baki anjo musti nupasa'rai tarompeka nampa akkio' rannuko angkana, ‘Mattallasaki Karaeng Salomo!’

PAMMUJI 2:2

Assamai ambangung sikamma karaenna lino na situju sikamma pinggawaya mangngewa ri Batara karaeng nipileNa.

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

PAMMUJI 78:70

Napilei Daud atanNa, na Naalle battu ri alla'na olo'-olo' piarana,

KALAPPASSANG 2:2

Nammana'mo anjo bainea sitau ana' bura'ne. Nacini'na angkana sanna' ga'gana anjo anaka, nacokkomi nia' tallum bulang sallona.

KELONG MALA'BIRI' 5:10

Tanringku ga'gai siagang gammaraki, ia kaminang pore ri sampulo sa'bu tau.

PIRAUNG 4:7

Riolo pamimping-pamimpinna ikambe ci'nongi keboki kontu kapasa' matangkasaka. Mingka kassaki na gassing, akkamalei na tena garrinna.

ZAKHARIA 4:14

Nakanamo, “Iaminjo battuanna ruaya tau le'baka Napilei Batarana sikontu linoa siagang nijo'joka untu' a'jari palayanNa.”

LAMPA-LAMPANA 4:27

Nasaba' memang, a'rappungammi sipa'bicara Herodes, Pontius Pilatus, sikamma tu tenaya naassengi Batara, siagang tu Israel anrinni ri kotaya. A'rappungammi ke'nanga ero' angngewai Isa, Ana' matangkasatTa, le'baka Kiangka' a'jari Karaeng Mappasalama'.

LAMPA-LAMPANA 7:20

Iaminjo wattua nanilassukangi Musa; sanna' ga'gana ri wattunna ana' lolo. Tallum bulangi sallona niparakai cokko-cokko ri balla'na tau toana;

IBRANI 11:23

Lanri tappa'na, nanicokkomo Musa ri tau toana tallum bulang sallona ri wattunna beru nilassukang. Niciniki ri tau toana angkanaya sanna' ga'gana anjo anaka, siagang tena namalla' ke'nanga ambalang parekangi parentana karaenga.

1 SAMUEL 16:18

Nalangngere'na anjo, nia'mo kalase'renna atanna angkana, “Isai pandudu'na Betlehem, nia' sitau ana'na bura'ne cara'de' akkarena musi'. Ia tubarani, siagang se're tantara baji'. Nampa pole gammaraki nacara'de' a'bicara, siagang tuli nitulungi ri Batara.”

1 SAMUEL 17:42

Mingka nacini'na Daud nampa naparhatikang, ammakkala'mi Goliat ancau-caui Daud lanri rungka iji na ga'ga nacini'.

1 SAMUEL 17:55

Nacini'na Saul a'lampa Daud mange angngewai Goliat, akkuta'nammi ri Abner panglima tantarana angkana, “Abner, inai ana' anjo?” Appialimi Abner angkana, “Tanaassengai atanta karaeng.”

1 SAMUEL 9:17

Nacini'na Samuel anjo Saul, Nakanamo Batara ri ia, “Iaminne anjo tau Kupaua ri kau. Iami lammarenta ri ummakKu.”