1 SAMUEL 16:11 - KITTA' MATANGKASA'

¹¹ Nampa akkuta'nang Samuel ri ia angkana, “Ia ngasenji anne bawang ana'nu bura'nea?” Appialimi Isai angkana, “Nia' ija sitaupi, iamintu bungkoa, mingka sitabangi a'lampa akkalawaki gimbala'.” Nakanamo Samuel, “Suro kioki, nasaba' tena kilangnganre punna tenapa nabattu.”

1 SAMUEL 16:11 ပူးပေါင်းရင်းမြစ်များ

2 SAMUEL 13:3

Nia' sitau aganna Amnon sanna' porena akkala'na, niareng Yonadab ana'na Simea daenna Daud.

2 SAMUEL 7:8

Lanri kammana anjo Natan, pauangi atangKu Daud, angkanaya iNakke Batara Kaminang Koasaya, angkana ri ia, ‘Le'ba' mako Kualle battu ri jama-jamannu akkalawakia gimbala' ri paranga siagang Kuangkakko a'jari karaeng mae ri ummakKu Israel.

1 PATTOTTORANG 17:7

Lanri kammana, ikau Natan, pabattui mae ri atangKu Daud angkanaya iNakke, Batara Kaminang Makoasaya, angkana ri ia, ‘Le'ba' mako Kualle battu ri jama-jamannu akkalawaki gimbala' ri paranga, nampa Kupa'jariko karaeng mae ri ummakKu Israel.

KALAPPASSANG 3:1

Anjo wattua nakalawaki Musa sikamma gimbala'na siagang bembena Yitro, iamintu matoanna, imanga ri butta Midian. Ri wattunna naemba anjo olo'-olo' piaraya anta'leang ri parang lompoa, battumi mange ri Moncong Sinai, iamintu moncong matangkasaka.

1 SAMUEL 16:10

Kammaminjo nanasuromo Isai a'le'basa' ana'na tuju andallekang ri Samuel, mingka nakana Samuel ri ia, “Tena ri ke'nanga nipile ri Batara.”

1 SAMUEL 17:28

Eliab daenna Daud toaya nalangngereki Daud a'bicara siagang anjo taua. Sanna'mi larrona mae ri Daud na nakana, “Angngapa nubattu mae anrinni? Inaimi nusuro angngurusuki sikamma gimbalaka anjo pirang kayua ri paranga? Kuassengi, angkana ero' nikanako barani. Battuko mae kaero'nuji bawang anciniki pa'bundukanga!”