1 SAMUEL 15:8 - KITTA' MATANGKASA'

^8-9 Sikontu ra'ya'na siagang tantarana tu Amalek nibuno ngasemmi ri Saul. Mingka Agag karaenna tu Amalek najakkala' attallasaki nanaboli' Saul siagang tantarana attallasa'. Kammayatompa sikamma gimbala'na siagang sapina kaminang bajika, ana' sapina siagang ana' gimbala'na kaminang co'moka, kammayatompa sikontu apa-apa lompoa anggaranna; iaji bawang olo'-olo' tenaya matu-matunna siagang tenaya anggaranna naancuru'.

1 SAMUEL 15:8 ပူးပေါင်းရင်းမြစ်များ

1 KARAENG-KARAENG 20:30

Sikamma tau lappasaka, lari mange ri kota Afek, mingka rumbangi tembo'na anjo kotaya, na nia' 27.000 tau ri ke'nanga nituju. Lari tommi Benhadad mange anjoreng ri kotaya nampa accokko ri se'reang balla' ri kamara' bageang lalang.

1 PATTOTTORANG 4:43

Nabunoi ke'nanga sikamma tu Amalek niaka tassesa, nampa appakkaramula anjo wattua ammantang tulimi ke'nanga anjoreng.

ESTER 3:1

Siapa are wattu ribokoanganna angngangka'mi Karaeng Ahasyweros sitau kapala pamarenta, iamintu niarenga Haman. Anjo Haman, ana'na Hamedata, turungang battu ri Agag.

KAIMANGNGANG 27:29

Ba'lalo tau le'bakamo nisa'la' mae ri Batara sollanna nipanraki takkulleai nipasulu'; musti nibunoi anjo taua.

PAMMILANGNGANG 24:7

Anggappai je'ne' bosi alla'bi-la'bi, anggappai jai je'ne' bine lamunganna. Lamala'biriki karaenna, la'biangang na Karaeng Agag, na lanipakala'biri' kakaraenganna.

YOSUA 10:39

Naallemi Yosua anjo kotaya siagang karaenna kammayatompa sikontu kota maraeng niaka ri tammulilina. Nibuno kabusuki taua anjoreng. Nagaukammi Yosua mae ri Debir siagang karaenna sangkamma apa le'baka nagaukang mae ri Hebron siagang Libna kammayatompa karaenna.

YOSUA 11:12

Sikontu anjo kota-kotaya naalle ngasemmi Yosua, siagang najakkala'mi na nabuno sikontu karaenna situru' parentana Musa, anjo atanNaya Batara.

YOSUA 8:23

pantaranganna karaeng Ai. Nijakkalaki anjo karaenga nampa nierang mange andallekang ri Yosua.

1 SAMUEL 15:20

Appialimi Saul angkana, “Kuturukimi parentaNa Batara, siagang a'bundu'ma' situru' passuroNa mae ri nakke. Agag karaeng Amalek kujakkala'mi nampa sikontu tu Amalek le'ba'mi kubuno.

1 SAMUEL 15:3

Jari a'lampako siagang bunduki tu Amalek na nuancuru' sikamma apa-apanna ke'nanga. Teako niakki apa-apa nuboli' tassesa. Bunoi sikontu tu bura'nea, bai'-bainea, ana'-anaka, siagang ana' loloa. Kammayatompa sapia, gimbalaka, untaya siagang keledaia.”

1 SAMUEL 22:19

Nasuro buno tommi Saul sikontu pandudu'na Nob, anjo kota imanga; bura'-bura'ne, baine, ana'-ana' siagang ana' lolo, kammayatompa sapi, keledai, siagang gimbala', yangasenna nibuno ngasengi.

1 SAMUEL 30:1

Ruangallo ribokoanganna, Daud siagang ana' buana ammotere'mi mange ri Ziklag. Ri wattunna battu ke'nanga mange anjoreng, narapikammi ke'nanga angkanaya nabundukimi tu Amalek bageang timboranna pa'rasangang Yehuda nampa nabunduki Ziklag. Tena nabunoi ke'nanga manna pole sitau. Mingka natunu ngasengi ke'nanga sikontu kotaya sa'genna la'busu', nampa napannarrusu' jappana ke'nanga na naerang sikamma tubai'-bainea, ana'-anaka siagang pandudu' maraengannaya. Najakkala' tommi ke'nanga kaluargana Daud siagang sikamma kaluargana ana' buana, kammayatompa ruaya bainenna Daud, iamintu Ahinoam siagang Abigail. Sanna'mi si'nana pa'mai'na Daud siagang ana' buana, nampa tenamo ammarina angngarru' ke'nanga sa'genna mangngang.