1 SAMUEL 15:6 - KITTA' MATANGKASA'

⁶ Akkiring tommi pasang pappakainga' mae ri tu Keni angkana, “A'lampako siagang bokoi tu Amalek, sollanna tena nutappinawang niancuru' siagang ke'nanga. Nasaba' riolo boe-boenu napare' passari'battangangi tu Israel ri wattunna nia' tu Israel battu ri Mesir.” Jari a'lampami tu Keni battu anjoreng.

1 SAMUEL 15:6 ပူးပေါင်းရင်းမြစ်များ

PA'JARIANG 15:19

kammayatompa butta Keni, Kenas, Kadmon,

PA'JARIANG 18:25

Tea laloi nanibunoi anjo tau tenaya salana assama-sama siagang tau salaya. TeaKi' Batara! Nasaba' punna kamma anjo laKigaukang, ma'nassa anjo tau tenaya salana lanipasihukkungi siagang tau niaka salana. Maka akkullei hakinna sikontu linoa la'gau' tena adele'!”

1 PATTOTTORANG 2:55

Battu ri tu Tirati, Simati, siagang Sukati, ammantanga ri kota Yabes, nia' siapa are tu cara'de' ri jama-jamang annulisika siagang ampalembai sura'-sura' parallua. Ia ke'nanga iamintu tu Keni, a'buntinga siagang tu Rekab.

KALAPPASSANG 18:19

Pilangngeri anne kanangku na Natulungko Allata'ala. Memang bajiki punna nuwakkeli anne bansaya ri dallekanNa Allata'ala siagang nuerang parkarana mae ri dallekanNa.

PANGNGEBARANG 9:6

Bokoi kadongokanga, sollannu attallasa' mate'ne. Pinawangi oloanna tau cara'deka.”

PAMMILANGNGANG 16:34

Sikontu tu Israel niaka anjoreng lari ngasemmi ri wattunna nalangngere' ke'nanga ammarrang; nakana ke'nanga, “Lariko! Naa'lukki' sallang buttaya!”

LAMPA-LAMPANA 2:40

Kammaminjo napakasingaraka Petrus mae ri ke'nanga. Siagang ilalang a'rupa-rupa bicara maraengang, napakainga' tommi ke'nanga sollanna napakabella kalenna ke'nanga battu ri anne bansa ja'dalaka laNahukkunga sallang Allata'ala.

2 KORINTUS 6:17

Lanri kammana, bokoimi anjo tau tenaya namangngasseng ri Allata'ala, siagang pakabellami kalennu battu ri ke'nanga. Tea' laloko sikarapiki siagang apa-apa ra'masaka, nampa Kutarimako mae ri KalengKu.

2 TIMOTIUS 1:16

Mingka a'mole-molema' nipakarannu ri Onesiforus siagang sikamma tubone balla'na. Poro nisare laloi pangngamaseang ke'nanga ri Batara. Manna kulalang ri tarungkua, mingka tena nakasirikanga' Onesiforus.

PAPPICINI' 18:14

Nakanamo sikamma padangganga mae ri anjo bainea, “Tena ngasemmi sikamma apa nukaerokia; siagang tappela' ngaseng tommi kakalumanynyanganga siagang kagammarranga. Tenamo nalanugappa ammotere'!”

HAKING-HAKING 1:16

Ia turunganna matoang bura'nena Musa, iamintu tu Keni. Amminawangi ke'nanga ri tu Yehudaya assulu'na battu ri kota Yerikho, niarenga kota Kurma. Nampa a'lampa ke'nanga mange ri daera tenaya coppong buttana, niaka ri timboranna Arad ri pa'rasangang Yehuda. Ammantammi ke'nanga ri tangnga-tangngana tuma'buttaya anjoreng, niarenga bansa Amalek.

HAKING-HAKING 4:11

Anjo wattua nia' se're tau nikana Heber tu Keni, nasa'la'mi kalenna battu ri bansana (anjo bansa Keni turungang battu ri Hobab, ipara'na Musa). A'lampami Heber appaenteng siapa are jaina kema rampi'na poko'-poko' niarenga poko' terpentin ri Zaanaim, tena nabella battu ri Kedes.

HAKING-HAKING 5:24

Upaki Yael bainenna Heber, tu Keni; ri sikontu bonena kemaya, iami kaminang nibarakkaki.

1 SAMUEL 15:5

Le'baki anjo a'lampami Saul siagang ana' buana mange ri kota Amalek, nampa naruppai musua irawa ri binanga kalotoroka.

1 SAMUEL 27:10

Punna akkuta'nang Akhis ri ia angkana, “Kemaeko a'bundu' ri kamma-kammaya anne?” Jari appialimi Daud angkanaya a'lampai mange ri bageang timboranna Yehuda yareka ri daerana tu Yerahmeel yareka ri daera pammantanganna tu Keni.