1 SAMUEL 15:19 - KITTA' MATANGKASA'

¹⁹ Angngapa natena kigaukangi parentaNa Batara? Angngapa ki'lumba-lumbaeng angngalle barang-barang nirampasa', siagang lanri kammana anjo nakipakabirisi' atinNa Batara?”

1 SAMUEL 15:19 ပူးပေါင်းရင်းမြစ်များ

2 SAMUEL 12:9

Angngapa natena nujampangi parenta-parentaKu? Angngapa nanugaukang anjo kaja'dallang kammaya? Nusuro bunoi Uria lalang pa'bundukang; nulappassangi nibuno ri tu Amon, siagang nualleangi bainenna!

2 PATTOTTORANG 33:2

A'gau' dosai mae ri Batara sangkamma kaja'dallang nagaukanga bansa-bansa le'baka Nabongka Batara assulu' battu ri butta Kanaan ri wattunna napantamakki tu Israel anjo pa'rasanganga.

2 PATTOTTORANG 33:6

Ana'-ana' kalenna napassareang nipa'jari koro'bang nitunu ri Ka'bung Lappara' Hinom. Nagaukang tongi jama-jamang sanroa, pacinika, pangngissenganga, siagang appalaki pangngunju' mae ri roh-roh tanicinika. Teai sipato' dorakana mae ri Batara, sa'genna napakalarromo Batara.

2 PATTOTTORANG 36:12

Doraka tongi panggaukanna mae ri Karaeng Allata'alana. Taerokai ampakatunai kalenna siagang tena namappilangngeri ri Yeremia, ampabattuai pasanNa Batara mae ri ia.

PANGNGEBARANG 15:27

Inai a'boya passawallang tenaya nahallala', napanraki kaluarga kalenna. Inai angkabirisi doe' pammuccuka, lamate'nei.

YEREMIA 7:11

Nukanaka anne BallakKu pammantangngang paella'? Yangasenna anjo panggaukannu Kucini' ngasemmi.

PAMMILANGNGANG 14:41

Mingka nakanamo Musa, “Angngapa nuero' kamma-kamma anne andakkai parentaNa Batara? Tena nalanjari pattujunnu!

2 TIMOTIUS 4:10

nasaba' nabokoima' Demas lanri nakarimangnginna anne linoa. A'lampami mange ri Tesalonika. A'lampami Kreskes mange ri Galatia, siagang Titus a'lampami mange ri Dalmatia.

1 SAMUEL 14:32

sa'genna a'rampasa'mi ke'nanga angngallei apa-apa nirampasaka battu ri musua. Angngallei ke'nanga gimbala' siagang sapi nampa napolong anjoreng memang ri tampaka, nampa nakanre memang dagenna niaka ija cera'na.

1 SAMUEL 15:20

Appialimi Saul angkana, “Kuturukimi parentaNa Batara, siagang a'bundu'ma' situru' passuroNa mae ri nakke. Agag karaeng Amalek kujakkala'mi nampa sikontu tu Amalek le'ba'mi kubuno.