1 SAMUEL 15:11 - KITTA' MATANGKASA'

¹¹ “Assesse'lalangA' angngangkakko a'jari karaeng, nasaba' a'bokoko battu ri Nakke, siagang tena nugaukangi apa Kuparentakanga.” Si'nami nyawana Samuel, siagang sila'busu' bangngimi akkunrareng mae ri Batara.

1 SAMUEL 15:11 ပူးပေါင်းရင်းမြစ်များ

PA'JARIANG 6:6

Assesse'lalammi lanri Napa'jarina ke'nanga siagang Naboli'na ammantang ri lino. La'ba sikalimi nyawaNa,

PA'JARIANG 6:7

sa'genna Nakana, “LaKuancuruki anjo rupatau le'baka Kupa'jari, kammayatompa sikamma jangang-jangang siagang olo'-olo' maraengannaya, lanri assesse' lalangKu ampa'jari ke'nanga.”

2 SAMUEL 24:16

Anjo malaeka'Na Batara angngeranga bala kamateang anrapi'mi mange ri tampa' panggilingang gandunna Arauna, tu Yebus. Ri wattunna Nacini' Batara angkanaya sadiami anjo malaekaka untu' amputtai Yerusalem, Napinrami Batara kaputusanNa, siagang ammari anghukkungi anjo bansaya. Nakana ri anjo malaekaka, “Ganna'mi! Ammari mako!”

1 KARAENG-KARAENG 11:9

Pinruammi Batara, Allata'alana Israel Napappicinikang KalenNa mae ri Salomo siagang Napakainga' angkanaya takkuleai anynyomba mae ri rewata-rewata maraenga. Mingka Salomo tena namappilangngeri ri Batara. Ba'lalo nabokoimi Batara sa'genna larromi Batara mae ri ia.

1 PATTOTTORANG 10:13

Matei Saul lanri amminrai mae ri Batara, siagang tena naturuki sikamma parentaNa. Tena nappala' pitunju' ri Batara, mingka appala' maei ri roh-rohna tu matea. Iaminjo saba'na nanihukkung ri Batara, siagang nipassareang kakaraenganna mae ri Daud ana'na Isai.

1 PATTOTTORANG 21:15

Nampa nia'mo malaeka' Nasuro Batara angngancuruki Yerusalem. Mingka ri wattunna battumo anjo malaekaka ri ampi'na panggilingang gandunna Arauna tu Yebus, Napinrami Batara kaputusanNa untu' anghukkungi anjo bansaya. Nakanamo ri anjo malaekaka, “Angganna'mi! Sudamo!”

AYUB 34:27

Saba', tamannurukiai ke'nanga ri ero'Na na tanajampangia sikontu parentaNa.

PAMMUJI 109:4

Natudua' ke'nanga, manna nakukamaseang ke'nanga, siagang kupappala' doangammo ke'nanga.

PAMMUJI 110:4

Assumpai Batara a'janji, tena nalaNakaluppai, Nakana, “Ikaumi imang satunggu-tungguna, sanrapang Melkisedek.”

PAMMUJI 119:136

Assolongi je'ne' matangku sanrapang binanga, lanri tenana nituruki hukkunTa.

PAMMUJI 125:5

Mingka tau a'gau' jekkonga poro nihukkung laloi ri Batara siagang tau ja'dalaka. Poro salewangang lalo ummatTa!

PAMMUJI 36:3

Nakanai kalenna sanna' heba'na, sa'genna tanaassenga kasalanna, siagang tena nakabirisi.

PAMMUJI 78:41

A'mole-molei ke'nanga naso'ri Allata'ala, nasusai Kaminang Matangkasaka, Allata'alana Israel.

PAMMUJI 78:57

A'jari bali ke'nanga sangkamma boe-boena ke'nanga, takkulleai nipatappa' sanrapang jekkona anrong panaya.

KALAPPASSANG 32:11

Napala'mi Musa mae ri Karaeng Allata'alana, nakana, “O, Batara, angngapa namusti kamma anjo Kigaukang mae ri ke'nanga? Sai iKatte ampasalamaki ke'nanga battu ri Mesir siagang kakoasanTa na kagassingang lompoTa?

KALAPPASSANG 32:14

Jari Napinrami Batara pattujunNa siagang ta'jariami Nagaukang anjo bala laNapabattua mae ri anjo bansaya.

YEREMIA 11:10

Nagaukammi ke'nanga dosa le'baka nagaukang boe-boena riolo tenaya naero' mannuruki ri Nakke, anynyomba ri rewata-rewata maraeng siagang taerokai anturuki parentaKu. Baji' na Israel kammayatompa tu Yehuda, nadakkaimi parjanjiang le'baka Kupare' siagang boe-boena ke'nanga.

YEREMIA 13:17

Punna kuttu nyawanu mappilangngeri, la'mere'-merekia' angngarru'. Pacce pa'maikku angkarruki anjo katampoannu. Lammattiki je'ne' matangku lanri niengka'na umma'Na Batara salaku tunitahang.

YEREMIA 34:16

Sikamma pagawe pamarentahanna Yehuda siagang Yerusalem kammayatompa sikamma pagawe balla' karaenga, imang-imanga siagang sikontu pajaga tampa'nu le'ba'mi nuassai anjo parjanjianga lanri ammolong sapi, iamintu nupolong ruai, nampa a'jappako ri alla'na anjo ruang bageang polonganga. Mingka, ribokoanganna amminrai pikkirannu siagang nupakatunA'. Anjo sikamma ata le'baka nulappassang situru' nakaerokia ke'nanga, nuallei ammotere' siagang nupassai ammotere' a'jari atannu. Lanri kammana anjo, iNakke, Batara, Kukana angkanaya nudakkaimi parentaKu, siagang tena nuturuki sara'-sara'na, lanri tenana nanupakabesaki julu bansanu Israel. Jari, kamma-kamma anne, baji'mi naiNakke assareko kabebasang: kabebasang untu' mate lalang pa'bundukang yareka lanri garring, yareka lanri kacipurang. LaKugaukangi mae ri kau sangkamma nugaukanga mae ri sapi nupolonga anjo. LaKupa'jari sannaki malla'na sikontu bansaya ri lino anciniki apa Kugaukanga mae ri kau.

YEREMIA 9:1

Tamaka baji'na ka'de' ulungku rapangi bungung rassia je'ne', na matangku rapangi salu' je'ne' tulusu' assolonga je'ne'na! Nakuakkulle angngarru' allo bangngi, angkarruki julu bansaku nibuno ri musu.

YEREMIA 9:18

Nakana tu Yehuda, “Suroi ke'nanga akkelong linta' kelong-kelong susaya untu' ikatte ngaseng, sollanna assolong-solong je'ne' matanta ambasai pilisitta.”

YEHEZKIEL 18:24

Mingka punna nia' tau baji' natenamo nagaukangi bajika, ba'lalo appakkaramulami nagaukang kaja'dallanga siagang sikontu panggaukang appakaringi' biasaya nigaukang ri tau ja'dalaka, maka lakkullei tuli attallasa'? Tena! Battu ri sikamma anjo panggaukang-panggaukang baji'na, tena manna se're laniu'rangi poleang. Lamatei lanri nagaukanna dosaya siagang lanri tenana namajarre' mae ri Nakke.

AMOS 7:3

Napinrami rancanaNa Batara siagang Nakana, “Anjo apa nucinika tena nalakajariang.”

YUNUS 3:10

Nacini'mi Allata'ala panggaukanna ke'nanga; Naciniki angkanaya nabokoimi ke'nanga panggaukang ja'dala'na. Jari Napinrami kaputusanNa, siagang tanjariami Nahukkung ke'nanga.

YUNUS 4:2

Nampa appala' doang nakana, “O Batara, sai le'ba'mi kupau ri tenanapa ku'lampa ri ballakku pirangalloang, angkanaya tantu laKigaukanna anne kammaya? Iaminjo saba'na nakutulusu' lari mange ri Spanyol! Kuassengi angkanaya iKatte Allata'ala assayang siagang angngamaseang, la'bu ri sa'bara', lamma siagang alusu' pa'mai', siagang tuli sadiaKi' untu' ampinrai rancanaTa anghukkung.

ZEFANYA 1:6

LaKupanraki ke'nanga tau tenaya nabattu mae ri Nakke yareka tenaya naero' Kururungang kammayatompa ma'bokoa mae ri Nakke siagang tenayamo naero' amminawang mae ri Nakke.”

MATIUS 24:13

Mingka inai-nai attahang sa'genna kala'busang tallasa'na, iami lanipasalama'.

MATIUS 5:44

Mingka anne kamma Kukana ri kau ngaseng: kamaseangi sikontu balinnu siagang pappala' doangangi tau assessayako,

LUKAS 6:12

Anjo wattua naiki Isa ri se'reang bonto, untu' appala' doang. Appala' doangi anjoreng sipattang bujuru'.

IBRANI 10:38

Na ia ummakKu annabaya latappa'mi siagang lattallasa'mi; mingka punna nia' ri ke'nanga lammono'boko, tasannangai pa'maikKu mae ri ia.”

YOSUA 22:16

Nampa lalang arenna sikontu umma'Na Batara, nakanamo ke'nanga mae ri suku Ruben, suku Gad siagang suku Manasye rayaya ri Gilead, “Angngapa nugaukangi anne panggaukang ja'dala' kammaya mae ri Allata'alana Israel? Lanri nubangunna anne tampa' pakkoro'bangngang kalennu, nuewami Batara! Tenamo nanuturuki parenta-parentaNa!

1 SAMUEL 12:23

Na ri passala'na inakke, tapporo tena lalo kudoraka ri Batara lanri tenana kupappala' doangangko. Mingka tuli lakupangngajarrangi mae ri kau apa-apa bajika siagang tojenga.

1 SAMUEL 13:13

Nalangngere'na Samuel anjo, nakanamo ri Saul, “Dongo' sikali anjo panggaukanta karaeng. Ebara' angkana kituruki parentaNa Karaeng Allata'ala mae ri katte, ma'nassa laNapattantui Batara angkana ikatte siagang turunganta la'jari karaeng situlusu'na.

1 SAMUEL 15:10

Nampa Nakanamo Batara mae ri Saul,

1 SAMUEL 15:3

Jari a'lampako siagang bunduki tu Amalek na nuancuru' sikamma apa-apanna ke'nanga. Teako niakki apa-apa nuboli' tassesa. Bunoi sikontu tu bura'nea, bai'-bainea, ana'-anaka, siagang ana' loloa. Kammayatompa sapia, gimbalaka, untaya siagang keledaia.”

1 SAMUEL 15:35

Sa'genna kala'busang tallasa'na, tenamo nale'ba' assibuntulu' pole Samuel siagang Saul. Mingka si'nai pa'mai'na Samuel lanri assesse' lalanNa Batara angngangkaki Saul a'jari karaeng mae ri Israel.

1 SAMUEL 16:1

Siapa are wattu ribokoanganna, Nakanamo Batara mae ri Samuel, “Siapapi sallonu lasi'na pa'mai' passabakkang Saul? Sai ia tenamo naniakui salaku karaeng Israel? Kamma-kamma anne angngalleko minynya' zaitun, siagang a'lampako mange ri Betlehem, mange ri se'reang tau niarenga Isai, nasaba' kalase'renna ana'na Kupilei a'jari karaeng.”

1 SAMUEL 8:6

Mingka tena nasannang pa'mai'na Samuel ri anjo pappala'na ke'nanga. Jari appala' doammi mae ri Batara.