1 SAMUEL 14:44 - KITTA' MATANGKASA'

⁴⁴ Nakanamo Saul ri ia, “Tapporo Nahukkunga' Allata'ala punna tena nihukkung mateko Yonatan!”

1 SAMUEL 14:44 ပူးပေါင်းရင်းမြစ်များ

PA'JARIANG 38:24

Kira-kira tallum bulang ribokoanganna anggappami kabara' Yehuda angkanaya anjo mintunna, iamintu Tamar, a'jari baine ja'dalaki siagang attianammi. Jari naparentakammi Yehuda angkana, “Allei anjo bainea nampa nitunu sa'genna mate!”

2 SAMUEL 12:31

Pantaranganna anjo nierammi pandudu'na, siagang nisuroi angngerang garagaji, bingkung bassi, pangkulu' bassi, nampa nipajama ke'nanga ri tampa' papparekang batu bataya. Kamma tomminjo nagaukang mae ri pandudu'na kota-kota Amon maraengannaya. Le'baki anjo ammotere'mi Daud siagang sikontu tantarana mange ri Yerusalem.

2 SAMUEL 12:5

Nalangngere'na Daud anjo carita kammaya, a'jari teaimi sipato' larrona mae ri panggaukanna anjo lapung tau kalumanynyanga siagang nakanamo, “Palla' sikali anjo tau kalumanynyanga! Lanri Batara, anjo taua musti nasambei anjo ana' gimbalaka a'lappi appa' siagang musti nihukkung matei!”

2 SAMUEL 19:13

Nasuro tommi Daud ke'nanga ampaui mae ri Amasa kammaya anne, “Sai ikau sibijaki'? Appakkaramula kamma-kamma anne kuangkakko a'jari panglima tantaraku ansambeangi Yoab. Poro Nabuno laloa' Allata'ala punna tena nakurupai anjo kanangku!”

2 SAMUEL 3:9

Bajikangngang Daud kutulung, la'biangampa lanri le'ba'na a'janji Batara mae ri ia laNaalle anne kakaraenganga battu ri Saul siagang jari-jarina, nampa Naangka' Daud a'jari karaeng mae ri sikontu tu Israel siagang tu Yehuda. Dasi-dasi naNabunoa' Allata'ala, punna tena nakugaukangi janjinNa Allata'ala mae ri anjo Daud!”

PANGNGEBARANG 25:16

Teako angnganrei bani jai dudu; gassingka napa'jari takkoakko.

HAKING-HAKING 11:35

Kamma nacini'na Yefta anjo ana'na, sanna'mi si'nana nyawana. Nakkeke'-kekke'mi bajunna, na nakana, “O Anakku, panra'mi atingku! Le'ba'ma' assumpa ri Batara, na takkulleamo kupinra!”

RUT 1:17

Kemae-kemaeki' mate, anjoreng tomma' ero' mate siagang nitarawang. Poro Nahukkunga' Batara sibatta'-battala'na, punna erokka' assisa'la' siagang ikatte, pantaranganna kamateanga ampasisa'lakki'!”

1 SAMUEL 14:39

A'janjia', lanri Batara attallasaka, ia le'baka assarei Israel pammetang, angkanaya tau salaya lanihukkung matei, manna pole ebara' angkana Yonatan ana' bura'neku.” Mingka tena manna sitau barani appiali.

1 SAMUEL 25:22

Tapporo Nabuno laloa' Allata'ala punna tena nakubuno ngaseng sikontu tu bura'ne niaka anjoreng lalang tenanapa nammumba alloa!”

1 SAMUEL 3:17

Akkuta'nammi Eli angkana, “Apa Napau Batara mae ri kau? Carita ngasemmi mae ri nakke. Punna nia' apa-apa nucokkoi, mattantu Nahukkungko Allata'ala.”