1 SAMUEL 14:41 - KITTA' MATANGKASA'

⁴¹ Appala' doammi Saul angkana, “O Batara, Allata'alana Israel, angngapai naKitaeroka ampialia' anne alloa? Appiali maKi' Batara, battu lalang ri anne batu-batu matangkasaka. Punna anjo kasalanga niaki ri nakke yareka ri Yonatan, appiali maki' siagang batu Urim, mingka punna anjo kasalanga niaki ri ummatTa Israel, appiali maki' siagang batu Tumim.” Appialimi Karaeng Allata'ala, na Yonatan siagang Saul najo'jo'. Lalang kammana anjo ma'nassami angkanaya tena nara'yaka sala.

1 SAMUEL 14:41 ပူးပေါင်းရင်းမြစ်များ

PANGNGEBARANG 16:33

Untu' angngassengi sarenna, ammuangi taua campalle', mingka ampattantuai kale'bakkanna, Bataraji bawang.

PANGNGEBARANG 18:18

Lanri nigoccanna nomoroka, akkullei nipakabaji' passisalanga, ba'lalo passisalanna tukoasaya akkulle tongi nipakabaji'.

YUNUS 1:7

Wattunna nai'mo Yunus siagang anjo juraganga, massing nakanamo para ia anjo ana'-ana' kappalaka, “Umba nanigoccangi arenga sollanna naniassengi angkana inai sala sa'genta nituju ri anne balaya!” Nagoccammi arenna ke'nanga, na arennamo Yunus nai'.

LAMPA-LAMPANA 1:24

Nampa appala' doang ke'nanga. Nakana ke'nanga, “O Batara, iKatte angngasseng ngasengi atinna sikontu rupataua. Tu'guru'mi Yudas battu ri empoanna salaku tunisuroTa, siagang matemi. Jari Kijo'jokang sai ikambe, kereanga ri anne tau ruaya Kipile antarimai anne jama-jamanga, ansambeangai Yudas.”

LAMPA-LAMPANA 1:26

Le'baki anjo, nilotereimi anjo ruaya areng, natu'guru' mae ri Matias. Jari niangka'mi Matias a'jari tunisuro, lasiaganga anjo sampuloa asse're tunisuroNa Allata'ala.

1 SAMUEL 14:40

Nampa nakanamo Saul mae ri sikontu Israel, “Ammenteng ngasengko ba'leang anrinni.” Appialimi ke'nanga angkana, “Kigaukammi apa kikanaya baji' karaeng.”

1 SAMUEL 14:42

Nakanamo Saul, “O Batara, pattantumi, inakkeka yareka Yonatan.” Nampa Yonatan nipattantu sala.