1 SAMUEL 14:38 - KITTA' MATANGKASA'

³⁸ Lanri kammana nakanamo Saul mae ri sikamma pamimping ra'yaka, “Mae ngasengko anrinni, nampa nuparessa ngaseng dosa apa le'ba' nigaukang anne alloa.

1 SAMUEL 14:38 ပူးပေါင်းရင်းမြစ်များ

2 SAMUEL 18:3

Mingka appialimi sikamma anjo taua angkana, “Teaki' karaeng. Nasaba' punna tarpassa musti lari ikambe, yareka manna tawaruanaja battu ri kambe mate, tenapa nasukku' pakkasia'na musua, nasaba' ikatteji naboya karaeng. Ikatte sangkammaki' sampuloa sa'bu battu ri kambe anggaranta. Nampa pole bajikangngangi akkiring maki' bantuang mae ri kambe battu lalang ri kotaya.”

PAMMUJI 47:9

Ammempoi Allata'ala irate ri empoang kala'birang matangkasa'Na; ammarentai mae ri bansa-bansaya.

ZAKHARIA 10:4

Battu ri tangnga-tangngana ke'nanga laKupilei tukoasaya, pamimpinga, siagang panglima lammarentaya ri ummakKu.”

PAMMILANGNGANG 24:17

Kuciniki, mingka teai ri kamma-kammana anne; kuparhatikangi, mingka battu bellai. Sitau karaeng battu ri Israel assala'na, labattu sanrapang bintoeng accaya. Lanalissaraki sikamma pamimpinna Moab lanaancuruki bansa Set.

MATIUS 21:42

Jari Nakanamo Isa ri ke'nanga, “Tale'bakapi nubaca niaka tattulisi' lalang ri Kittaka angkanaya, ‘Batu tenaya napakei tukanga a'jarimi batu panjarreki. Iaminne Napareka Allata'ala; natamaka ga'gana!’ ”

EFESUS 2:20

Nibangung tommako irate ri batu le'baka napadongko' sikamma tunisuroNa Allata'ala siagang na'bi-na'biNa; nampa Isa Almasi a'jari sanrapang batu malompona anjo bangunanga.

YOSUA 7:11

A'gau' dosami tu Israel. Le'ba'mi Kuparentakang mae ri ke'nanga sollanna naturuki parjanjiangKu siagang ke'nanga, mingka nadakkaimi ke'nanga anjo parentaKu! Sikamma barang-barang mustia niancuru', naallei ke'nanga. Nalukkaki ke'nanga siagang nacokkoi ri alla'na barang-baranna ke'nanga sollanna tena nakaassengang.

YOSUA 7:12

Iaminjo saba'na natenamo nakkulle attahang ke'nanga andallekangi musua. Nitunrungi nipamono' boko ke'nanga ri musua, lanri kalenna ke'nanga nipitujuimi hukkungang untu' niancuru'. Tenamo nalaKururungangko, punna tenapa naniancuruki anjo barang-barang tenaya nakkulle nialle.

HAKING-HAKING 20:2

Yangasenna nia' 400.000 tantara a'jappa bangkeng. Sikamma pamimpinna massing sukua ri bansa Israel hadere' ngaseng tongi anjoreng.