1 SAMUEL 14:33 - KITTA' MATANGKASA'

³³ Na nipauammo Saul anjo kammaya, angkana, “Karaeng, dorakami ra'yaka mae ri Batara, lanri angnganrei dageng siagang cera'na.” Ammarrammi Saul angkana, “Tau tena ngaseng pallangngere'nu! Anggulungko se're batu lompo mae anrinni.”

1 SAMUEL 14:33 ပူးပေါင်းရင်းမြစ်များ

PA'JARIANG 9:4

Tena ruanna takkullea nukanre, iamintu dageng niaka ija cera'na, nasaba' anjo nyawaya niaki lalang ri ceraka.

KAIMANGNGANG 17:10

Punna nia' tu Israel yareka bansa maraeng ammantang tulia ri alla'na tu Israel angnganre cera', lanihukkungi ri Batara siagang takkulleami nibilang anggota umma'Na Batara.

KAIMANGNGANG 19:26

Teako angnganrei cera'. Teako ammakei pangngassengang baca-baca.

KAIMANGNGANG 7:26

Tu Israel, manna pole kemae ammantang, takkulleai angnganre cera' jangang-jangang yareka cera' olo'-olo' maraengannaya.

KAIMANGNGANG 7:27

Inai-nai andakkai anjo paratoranga, tenamo nanibilangi anggota umma'Na Allata'ala.

MATIUS 7:5

E, munape'! Pasuluki rolong anjo batu niaka lalang ri matannu, nunampa akkulle accini' baji' ampasuluki anjo limbu'bu' niaka lalang ri matanna parannu tau.

LAMPA-LAMPANA 15:20

Mingka musti apparekki' sura' mae ri ke'nanga, na nipakainga' ke'nanga sollanna tena nanakanre ke'nanga kanre ra'masaka, iamintu kanre le'baka nipassareang mae ri barhalaya; kammayatompa ceraka, yareka olo'-olo' mate niaccekanga. Kammayatompa napakabellai kalenna ke'nanga battu ri panggaukang assalimaraka.

ROMA 2:1

Lanri kammana, sari'battangku ngaseng, inaiko kutadeng antu sa'gennu akkulle ampasalai tau maraenga? Tena sikali apa-apa ri kau untu' akkulle ampattojengi kalennu! Nasaba' punna nupasala parannu tau, padahala' kalennu anggaukangi anjo apa-apa nagaukanga ke'nanga, ikau tommi ampabattui hukkunganga mae ri kalennu.

PAOLE 12:16

Mingka cera'naji bawang takkullea nukanre, passangalinna musti nutumpai naung ri buttaya sangkamma je'ne'.

PAOLE 12:23

Mingka dageng niaka ija cera'na takkulleai nukanre, lanri anjo nyawaya niaki lalang ceraka, nampa takkulleako angkanrei nyawaya siagang dagenna.

PAOLE 15:23

Cera'na takkulleai nukanre, mingka musti nutumpai naung ri buttaya sangkamma je'ne'.”

1 SAMUEL 14:34

Nampa nakana pole, “Bagemi kalennu ri alla'na ra'yaka siagang suroi ke'nanga angngerangi sapina siagang gimbala'na mae anrinni, sollanna nipolong irate ri anne batua na nikanre anrinni. Jari tenamo nangnganre dageng siagang cera' ke'nanga, siagang tenamo nadoraka ke'nanga mae ri Batara.” Anjo memang bangngia, sikontu ra'yaka massing angngerammi olo'-olo' le'baka narampasa' ke'nanga lalang bundu' nampa napolong anjoreng.