1 SAMUEL 14:27 - KITTA' MATANGKASA'

²⁷ Mingka Yonatan tanaassengai angkanaya le'baki manggena assumpa kamma anjo mae ri ra'yaka. Jari napajonjomi takkanna naeranga na napato'do' antama' ri anjo ru'mung bania, nampa naalle banina na nakanre. Tasalloai nabaji'mo pakkasia'na siagang gassimmi nasa'ring.

1 SAMUEL 14:27 ပူးပေါင်းရင်းမြစ်များ

PANGNGEBARANG 24:13

Ana', angnganreko bani, saba' anjo bajiki. Sangkamma anjo je'ne' bania battui ri ru'mung bania, te'nei untu' nikanre,

PANGNGEBARANG 25:26

Tau bajika, ampappibetangai kalenna mae ri tau dorakaya sanrapangi timbuseng je'ne' pucca' yareka bungung ra'masaka.

1 SAMUEL 14:28

Nampa nia'mo kalase'renna anjo tantaraya angkana ri ia, “Ikambe anne tena ngasemmo nikullei lanri cipurutta. Mingka le'ba'mi manggeta ansumpaki angkana ‘Cilakai tau angnganrea anne alloa.’ ”

1 SAMUEL 14:29

Appialimi Yonatan angkana, “Teai sipato' ta'liwa'-liwa'na anjo panggaukanna manggeku mae ri bansata! Ciniki, kamma-kamma anne bella baji'na pakkasiakku ri le'bakkumo angnganre sike'de' bani.

1 SAMUEL 14:43

Nampa nakanamo Saul mae ri Yonatan, “Apa le'ba' nugaukang?” Appialimi Yonatan angkana, “Le'baka' angnganre sike'de' bani kuallea siagang cappa' takkangku. Sadiama' untu' mate.”

1 SAMUEL 30:12

kammayatompa kanrejawa rappo ara, siagang ruang tangke anggoro' kalotoro'. Le'baki angnganre, gassimmi ammotere'. Ma'nassami angkana tallungallomi tangnganre tangnginung!