1 SAMUEL 14:20 - KITTA' MATANGKASA'

²⁰ Nampa Saul siagang sikamma taunna appada-padami maju mange ri tampa' pa'bundukanga. Anjoreng nacini'mi ke'nanga karicuanga ri tu Filistin; para iami ke'nanga a'bundu' siagang sibuno-buno.

1 SAMUEL 14:20 ပူးပေါင်းရင်းမြစ်များ

1 KARAENG-KARAENG 20:21

Amminawang tongi Karaeng Ahab a'bundu', na naancuru' kareta-kareta pa'bundukanna musua siagang nabuno jaranna. Anjo alloa nibeta lompoi tu Siria.

2 PATTOTTORANG 20:23

Tantara Amon siagang Moab ambakkai tantara Edom nampa naancuru' tabasikali. Nampa a'giling ke'nanga para ia sibakkai a'bundu' lompo.

YESAYA 19:2

Nakana Batara, “LaKupa'jari pa'bundukanga ri para tussari'battanga ri Mesir: Sari'battang ambaliangi sari'battanna, siampi' balla'na ambaliangi siampi' balla'na, kota se'reanga ambaliangi kota maraenganga siagang kakaraengang se'rea ambaliangi kakaraengang maraengannaya.

YEHEZKIEL 38:21

Nampa laKupata'bangka Gog siagang a'rupa-rupa bala. INakke, Batara Kaminang Tinggia, anne akkana. Lasibunduki para ana' buana siagang pa'danna ke'nanga.

HAKING-HAKING 7:22

Ri wattunna napasa'ra tarompe'na Gideon siagang sikontu taunna, napasibundu'mi siagang Batara anjo tantara musua para ia. Larimi ke'nanga mange ri Zerera sa'genna Bet-Sita na kota Abel-Mehola rampi'na Tabat bellana.

1 SAMUEL 14:16

Lalanna anjo wattua, tantarana Saul niaka a'jaga ri Gibea ri daera Benyamin, nacini'mi tu Filistin piti lari-lari nipakamma ri kalinguang sanna'.

1 SAMUEL 9:16

“Ammuko bari'basa' kira-kira ri wattu kamma-kammaya anne, nia' laKusuro sitau battu ri suku Benyamin battu angngagangko sibuntulu'. Minynyaki siagang angka'mi anjo taua untu' a'jari karaeng mae ri ummakKu Israel. Ia lallappassangi ummakKu battu ri tu Filistin. Kucini'mi kasessanna ummakKu siagang Kulangngere'mi karru'na ke'nanga appala' tulung.”