1 SAMUEL 14:11 - KITTA' MATANGKASA'

¹¹ Ri wattunna napappicinikang kalenna ke'nanga mae ri tu Filistin ri anjo balla' jagaya, nakanamo anjo tu Filistinga, “Ciniki, nia' tu Ibrani assulu' battu ri kali'bong paccokkoanna!”

1 SAMUEL 14:11 ပူးပေါင်းရင်းမြစ်များ

2 SAMUEL 22:46

Lanynya'mi kabaranianna ke'nanga; annenremmi siagang assulu'mi ke'nanga battu ri paccokkoanna.

HAKING-HAKING 6:2

Lanri malla' duduna tu Israel mae ri tu Midian, sa'genna mangemi ke'nanga accokko lalang ri kali'bong batu, yareka ri tampa'-tampa' amanga ri moncong-monconga.

1 SAMUEL 13:6

Nampa a'bakkamo ke'nanga maju, ambunduki hebaki tu Israel, sa'genna nia'mi lalang bahaya lompo tu Israel. Accokkomi sipa'gang tu Israelka lalang ri kali'bong batua ri monconga yareka ri alla'-alla'na batu karanga, yareka lalang ri bungunga siagang kalo'bang lalanga ri buttaya.

1 SAMUEL 14:22

Kammayatompa tu Israel accokkoa ri bulu'-buluka ri Efraim, allangngerekami angkanaya larimi tu Filistin, amminawang tommi a'gabung nampa nabunduki anjo tu Filistin.

1 SAMUEL 29:3

Sikamma panglimana tu Filistin naciniki ke'nanga nampa akkuta'nang angkana, “Untu' apa nania' anjo tu Ibrania anrinni?” Appialimi Akhis angkana, “Anne Daud, le'ba' pagawena Karaeng Saul battu ri Israel. Sallo-sallomi ammantang ri nakke. Baku' battuna mae ri nakke sa'genna kamma-kamma anne, tenale'bakapi kugappa a'gau' kasalang.”