1 SAMUEL 13:5 - KITTA' MATANGKASA'

⁵ Na lalanna anjo wattua, a'rappungang tommi tu Filistin untu' ambunduki tu Israel. Nia' 30.000 kareta bundu'na ke'nanga, 6.000 tau a'jarang, siagang tantara sanrapang kassika ri tamparang jaina. Appareki kema ke'nanga ri Mikhmas, ri bageang rayanganna Bet-Awen.

1 SAMUEL 13:5 ပူးပေါင်းရင်းမြစ်များ

PA'JARIANG 22:17

laKubarakkakiko alla'bi-la'bi siagang laKupa'jari jai turungannu sanrapang bintoenga jaina ri langi' siagang sanrapang kassika jaina ri biring tamparanga. Sikamma ana'-cucunnu lanabeta ngasengi sikamma musunna ke'nanga.

2 SAMUEL 17:11

Lanri kammana anjo inakke kamma anne pappakaingakku: Pa'rappungangi sikontu tu Israel battu ri sikontu pa'rasangang, sa'genna rapang kassi' biring tamparang jaina. Nampa kalenta maju ampimpingi ke'nanga a'bundu'.

1 KARAENG-KARAENG 20:27

Na tu Israel napasadia tommi tantarana nampa napagio' ke'nanga. Nampa majumo anjo tantarana Israel lalang rua pasukang, nampa akkema sidallekang siagang anjo tu Siria. Punna nipasimbandingi anjo tantara Siria jaia tassiara' anrassi anjo daeraya, sangkammaji nicini' tantara Israel ruang pa'rappungang bembe.

2 PATTOTTORANG 1:9

Kamma-kamma anne, o Karaeng Allata'ala, poro Kirupai laloi janjinTa mae ri manggeku. Le'ba'ma' Kiangka' a'jari karaeng mae ri anne bansa lompoa, tenaya nakkulle nirekeng siapa jaina.

YESAYA 10:28

Naempoimi tantara Asyur kota Ayat. Nalaloimi ke'nanga Migron! Bokonna ke'nanga naboliki ri Mikhmas!

YESAYA 48:19

Turungannu lajai rapang lisere' kassika; Kutanggongi angkanaya talanipanrakiai ke'nanga.”

YEREMIA 15:8

Larassi pa'rasangannu ri janda, la'biangngang na kassika ri biring tamparang jaina. LaKubunoi sikamma taua ri wattu rungkana sa'genna pa'risi' nasa'ring amma'na ke'nanga. Ri wattu alloa Kupabattui mae ri ke'nanga sitau tulammanraki sa'genna malla' siagang lussa' ke'nanga.

HOSEA 10:5

Pandudu'na Samaria lamallaki; ke'nanga siagang imang-imanna ke'nanga allayania ri anjo sapi bulaenga ri Betel lasi'nai siagang langngarruki lanri lanynya'mi sikontu kalompoanna anjo barhalana ke'nanga.

HOSEA 4:15

He ikau ngaseng tu Israel, tena namajarre' pa'mai'nu mae ri Nakke! Mingka, Kurannuangi Yehuda natenaja nagaukang tongi kasalang kammaya! Teako mangei anggaukangi ibadanu ri Gilgal yareka ri Betel. Teako assumpai anjoreng lanri arenNa Batara mattallasaka.

HOSEA 5:8

Tuiki tarompeka ri Gibea! Pasa'rai tanra pakkioka untu' mange a'bundu' ri Rama! Ammarrangko sa'ra pa'bundukang ri Betel. Umba, tu Benyamin, majuko a'bundu'!

ROMA 9:27

Naterassimi nakana Na'bi Yesaya ri sesena bansa Israelka, “Manna pole nasangkamma kassika ri tamparanga jaina bansa Israelka, mingka sike'de'ji lasalama';

YOSUA 11:4

Na battu ngasemmo anjo sikammaya karaeng siagang massing tantarana ke'nanga ia sannaka jaina rapang kassika ri biring tamparanga. Manna jaranna siagang kareta pa'bundukanna ke'nanga sanna todong jaina.

YOSUA 18:12

Ri bageang wara', pa'baeng-baenna buttana ke'nanga appakkaramulai battu ri Binanga Yordan, nampa nai' ri pungku'na moncong ri warakkanna Yerikho, nampa a'lampa kalau' allalo ri daera pa'monconganga sa'genna mange ri daera Bet-Awen.

YOSUA 7:2

Anjo wattua nia' siapa are tau nasuro Yosua battu ri Yerikho mange ri kota Ai, iamintu se'rea kota irayanganna Betel, ri ampi'na Bet-Awen. Anjo sikammaya tau nisarei tugasa' untu' a'lampa ansalidiki anjo daeraya. Le'ba'na nagaukang ke'nanga anjo tugasaka,

HAKING-HAKING 7:12

Anjo tu Midian, Amalek siagang tu battua ri parang kassika, tassia'-siaraki ri kere-kere mae anjoreng ri lapparaka. Sangkammai nicini' katimbang a'rappunganga. Unta-untana ke'nanga sanna' jaina sanrapang kassi' ri biring tamparang.

1 SAMUEL 13:11

Mingka akkuta'nammi Samuel angkana, “Apa anjo le'ba' nagaukang karaenga?” Appialimi Saul angkana, “Kuciniki ra'yaka appakkaramulami ambokoia', nampa tenaki' battu situru' wattu le'baka kitantukang. Na nampa pole nia'mi tu Filistin a'rappungang ri Mikhmas.

1 SAMUEL 13:2

ammilemi 3.000 tu Israel. 2.000 ammantang siagang ia ri Mikhmas siagang ri daera pa'moncongang Betel, siagang 1.000 maraengannaya a'lampai siagang Yonatan ana'na bura'nea mange ri Gibea ri daera suku Benyamin. La'binnaya battu ri anjo ra'yaka, nasuromi ammotere' massing mae ri balla'na.

1 SAMUEL 14:23

A'bundu'mi ke'nanga ri sikamma aganga sa'genna allalo ri Bet-Awen. Nipasalama'mi ri Batara tu Israel anjo alloa.

1 SAMUEL 14:52

Lalang attallasa'na tuli a'bundu' hebaki Saul angngewai tu Filistin. Lanri kammana, punna accini' Saul tu kassa' yareka tubarani, linta'mi naalle napa'jari anggota tantarana.

1 SAMUEL 17:1

Ri se'reang wattu napagioki tantarana tu Filistin untu' maju mange a'bundu'. Naatoro'mi barisi'na ke'nanga ri kota Sokho, ri daera Yehuda, nampa appare' kema ri alla'na Sokho siagang Azeka, ri ampi'na Efes-Damim.

1 SAMUEL 7:13

Kammaminjo nanibetamo tu Filistin. TaNapa'biangai Batara antama poleang ke'nanga ri daerana Israel, lalang attallasa'na ija Samuel.