1 SAMUEL 12:24 - KITTA' MATANGKASA'

²⁴ Pakala'biriki Batara, siagang anynyombako mae ri Ia siagang teako amminrai lalang sikontu atinnu. U'rangi sikamma panggaukang malompoNa, ia le'baka Nagaukang mae ri kau.

1 SAMUEL 12:24 ပူးပေါင်းရင်းမြစ်များ

2 KARAENG-KARAENG 17:39

Mannurukiko ri Nakke, Karaeng Allata'alanu, nampa laKulappassangko battu ri musu-musunnu.”

AYUB 28:28

Nakana Allata'ala ri rupataua, ‘Punna ero' nugappa kacara'dekanga, musti nupakalompoi Allata'ala. Punna erokko ammahang, musti nupakabellai kaja'dallanga.’ ”

PAMMUJI 111:10

Inai ero' cara'de' musti napakalompoi Batara, Nasarei pammahang sikontu tau mannurukia. Nipujimi Batara satunggu-tungguna!

PAMMUJI 119:80

Poro tena nammengka pa'maikku battu ri katantuanTa, sollanna tena kunggappa siri'.

KALAPPASSANG 12:13

Anjo cera' niaka ri pakke'bu' balla'nu la'jari pammatei mae ri sikamma balla' pammantangannu. Punna Kuciniki anjo ceraka, laKulaloiko siagang tena naKupanrakiko ri wattunna Kuhukkung Mesir.

PANGNGEBARANG 1:7

Sollanna akkulle nigappa pangngassengang sitojennaya, uru-urua parallu niparhatikang iamintu parallui taua mappakala'biri' siagang malla' mae ri Batara. Tau toloa tena naanggaraki kacara'dekanga siagang taerokai niajara'.

KATO'BA 12:13

Le'ba' ngasenna kutimbang, iaminne bodona panggappaku. Mallakko ri Allata'ala siagang turuki sikontu parentaNa, nasaba' lanri iaminjo bawang naNapa'jari rupataua.

YESAYA 5:12

Nia' ri pa'gaukang-pa'gaukannu sa'ra kacapi, gambusu', rabana, siagang suling, siagang nia' inungang anggoro'. Mingka tena nujampangi bate pa'jariNa Batara siagang apa Nagaukanga.

YOHANES 1:47

Nacini'mi Isa nia' battu Natanael; na Napaumo passala' ri batangkalenna Natanael Nakana, “Ciniki, iaminjo tu Israel tojeng-tojenga. Tena apa-apa palassu lalang ri batangkalenna.”

ROMA 12:1

Sikamma sari'battangku! Sanna' baji'Na Allata'ala mae ri katte. Iaminjo saba'na nakupala' dudu ri kau ngaseng sollanna nupassareang sikontu batangkalennu a'jari koro'bang attallasa', siagang matangkasaka, kammayatompa nikarannuanga ri atinNa Allata'ala. Mustina kammaminjo caranu anynyomba mae ri Allata'ala.

PAOLE 10:21

Mammujiko mae ri Ia, nasaba' Iami Allata'alanu. Mata kalennumi le'ba' anciniki sikamma gau' malompo siagang gau' heba' Nagaukanga untu' ikau ngaseng.

PAOLE 29:1

Iaminne kana-kana parjanjiang napareka Musa siagang bansa Israel situru' parentaNa Batara, ri wattunna nia' ke'nanga ri butta Moab. Anjo parjanjianga iamintu pannambai battu ri parjanjiang Napareka Batara siagang ke'nanga ri Moncong Sinai.

PAOLE 29:2

Nasuroi Musa asse're sikontu tu Israel, nampa nakana mae ri ke'nanga, “Le'ba'mi nucini' kalennu apa Nagaukanga Batara mae ri karaeng Mesir, sikontu pagawena siagang sikontu pa'rasanganna.

IBRANI 12:29

Nasaba' anjo Allata'alata sanrapangi pepe' appakamutunga.

YOSUA 24:14

Nakanamo pole Yosua, “Jari, kamma-kamma anne pakala'biriki Batara. Anynyombako mae ri Ia silambusu'na pa'mai'nu siagang pa'mai' tamamminraya. Pakabellai rewata-rewata nasombaya riolo boe-boenu ri Mesopotamia siagang ri Mesir. Anynyombako ri Batara bawang.