1 SAMUEL 12:2 - KITTA' MATANGKASA'

² Appakkaramula ri kamma-kammaya anne iami a'jari pamimpinnu. Ciniki, inakke anne toama' siagang kebo'mi uukku. Sallo sikalima' a'jari pamimping mae ri kau ngaseng – battu ri rungkaku iji sa'genna kamma-kamma anne.

1 SAMUEL 12:2 ပူးပေါင်းရင်းမြစ်များ

PAMMUJI 71:18

O, Allata'ala, tea' laloKi' bokoia', sa'gengku toa siagang kebo' uukku, sollanna kukabarrang koasaTa siagang kaporeanTa mae ri sikontu turungang labattua.

PAMMILANGNGANG 27:17

Sitau akkullea a'jari panglima punna a'bundu' ke'nanga. Teaki' lappassangngi anne ummatTa sanrapang gimbala' tenaya pakalawakinna.”

2 TIMOTIUS 4:6

Passala'na kalengku, narapi'mi wattungku lamate a'jari koro'bang mae ri Allata'ala. Sinampe' mami nalakubokoi anne linoa.

YOSUA 23:1

Salloi ri le'ba'na anjo Nasaremi Batara anjo umma' Israel kaamangngang; tenamo nanisusai ke'nanga ri pa'garatta'na musua. Anjo wattua toa sikalimi Yosua.

YOSUA 23:2

Jari nakio'mi sikontu anjo umma' Israel, sikamma tau toa-toaya, sikontu hakinga, sikamma pamimpinga, siagang sikamma perwira tantaraya nampa nakana mae ri ke'nanga, “Kamma-kamma anne toama'.

2 PETRUS 1:14

Nasaba' kuassengi angkanaya tasalloami nalakubokoi anne linoa, lanri le'ba'ma' Napauang baji' Batarata Isa Almasi.

1 SAMUEL 2:22

Eli sanna' dudumi toana. Tena ammarina allangngere' tau a'jamma' battu ri panggaukanna ana'-ana'na mae ri tu Israel. Naasseng tongi Eli angkanaya anjo ana'-ana'na sikatinroangi siagang sikamma bai'-baine tugasaka ri dallekanna pakke'bu' Kema KahaderanNa Batara.

1 SAMUEL 2:29

Jari angngapa nungngoa ija anciniki koro'bang-koro'bang napassareanga bansaKu mae ri Nakke situru' Kuparentakanga? Angngapako Eli, nala'bi nupakala'biri' ana'-ana'nu kala iNakke, siagang angngapa nanubalang parekang ke'nanga ampakaco'moki kalenna battu ri bageang kaminang bajika ri sikontu apa napassareanga bansaKu mae ri Nakke?

1 SAMUEL 3:10

Nampa battumo Batara, ammenteng ri anjo tampaka siagang akkio' angkana, “Samuel, Samuel!” Nappialimo Samuel angkana, “Appau maKi' Batara, nappilangngeri atanTa.”

1 SAMUEL 3:13

Le'ba'mi Kupau mae ri ia angkanaya laKuhukkungi kaluargana sa'genna satunggu-tungguna, lanri le'ba'Ma nahina ana'-ana'na. Naassengi Eli dosa-dosana ke'nanga, mingka tena nakalarroi ke'nanga.

1 SAMUEL 3:16

Mingka nikioki ri Eli, na nakana Eli, “Samuel, anakku.” Appialimi Samuel angkana, “Iye' Bapa'.”

1 SAMUEL 8:1

Ri wattunna toamo Samuel, naangka'mi ana'-ana'na a'jari haking ri Israel.

1 SAMUEL 8:20

Eroki ikambe sangkamma bansa-bansa maraenga. Karaenna ikambe musti ammarentai siagang napimpingi ikambe lalang ri pa'bundukanga.”

1 SAMUEL 8:3

Mingka tena naturuki panggaukanna manggena ke'nanga, passangalinna kaparalluang kalennaji bawang tuli naondang. Annarimai ke'nanga doe' pacoco', siagang tena naadele' ke'nanga angngadeli ra'yaka.

1 SAMUEL 8:5

nampa nakana ri ia, “Pilangngeri bapa'. Ikatte toa maki', nampa ana'-anatta tena naturuki panggaukanta. Jari bajikangngang angngangka' maki' sitau karaeng, sollanna nia' karaenna ikambe kamma bansa-bansa maraenga.”