1 SAMUEL 12:17 - KITTA' MATANGKASA'

¹⁷ Lakkioka' mae ri Batara, namanna pole wattu timoroki, lappaturungi Batara gunturu' siagang bosi, a'jari pammatei angkanaya Napilangngeri pappala' doangku. Anjo wattua, lasadara' mako antekamma lompona dosanu mae ri Batara lanri appala'nu sitau karaeng.”

1 SAMUEL 12:17 ပူးပေါင်းရင်းမြစ်များ

PAMMUJI 99:6

Musa siagang Harun antamaki imang-imanna, Samuel kalase'renna tau appala' doanga mae ri Ia. Akkioki ke'nanga mae ri Batara, siagang appialimi.

KALAPPASSANG 32:30

Ammukona nakanamo Musa ri anjo bansaya, “Ikau doraka lompo ngaseng mako. Mingka kamma-kamma anne eroka' nai' poleang ri monconga untu' andallekang ri Batara; dasi-dasi na Napammopporanga' siagang Napammopporangi dosa-dosanu.”

PANGNGEBARANG 26:1

Sanrapang bosi ri wattu timoro', siagang bosi es ri wattu bambang, kamma tomminjo tasiratangai nipalece tau toloa.

YEREMIA 15:1

Nakana Batara ri nakke, “Tena nalaKukamaseang anne bansaya, manna pole nania' Musa siagang Samuel anrinni untu' ammenteng ampappalakkangi ke'nanga pangngamaseangKu. Suroi anne bansaya a'lampa, tena Kuero' anciniki ke'nanga!

YOSUA 10:12

Anjo alloa ri wattunna Nasare Batara pammetang tu Israel mae ri Amori, a'bicarami Yosua mae ri Batara. Na ri dallekanna tu Israel, nakanamo Yosua, “E, mataalloa! Ammantangko irateanna Gibeon; Na ikau bulanga! Teako a'letteki battu ri rateanna Ka'bung Ayalon.”

1 SAMUEL 12:13

Kamma-kamma anne, cini'mi, iaminne karaeng anjo nupilea. Le'ba'mi nupala', na Nasaremako Batara.

1 SAMUEL 12:19

Nakanamo ke'nanga mae ri Samuel, “Tulungi ikambe bapa'. Kipappala' doangangi ikambe anne mae ri Karaeng Allata'alanu, sollanna tamatea ikambe. Kamma-kamma anne sadara'mi ikambe angkanaya pantaranganna dosana ikambe riolo, dorakami pole ikambe lanri appala'na ikambe sitau karaeng.”

1 SAMUEL 2:10

Musu-musunNa Batara ancu'-ancuruki, mallaki ke'nanga; a'gunturuki battu ri langika. Batara angngadeli sikontu anne linoa, na Nasare koasa mala'biri' ri karaeng Nipilea.”

1 SAMUEL 7:5

Le'baki anjo nakanamo Samuel, “Pa'rappungangi sikontu bansa Israel ri Mizpa, nampa lappala' doanga' untu' ikau ngaseng.”

1 SAMUEL 8:6

Mingka tena nasannang pa'mai'na Samuel ri anjo pappala'na ke'nanga. Jari appala' doammi mae ri Batara.

1 SAMUEL 8:7

Na Nakanamo Batara, “Turukiammi sikontu pappala'na anjo bansaya mae ri kau. Nasaba' teai ikau nasorongboko ke'nanga, mingka iNakke. Tenamo naero' punna iNakke a'jari karaenna ke'nanga.