1 SAMUEL 12:12 - KITTA' MATANGKASA'

¹² Mingka nuassenna angkana lanabundukiko Nahas, anjo karaeng Amon, nusorongbokomi Batara a'jari Karaennu nampa nukana ri nakke, ‘Eroki ikambe niparenta ri se'reang karaeng.’

1 SAMUEL 12:12 ပူးပေါင်းရင်းမြစ်များ

PA'JARIANG 17:7

LaKurupai janjingKu mae ri kau siagang mae ri turungannu sa'genna a'lapi'-lapisi', siagang anjo parjanjianga lamannannungangi. INakke la'jari Allata'alanu siagang Allata'alana turungannu.

PAMMUJI 74:12

Battu rioloji naiKatte Karaengku, o, Allata'ala, iKattemi ampasalamaki ikambe.

YESAYA 33:22

Sikontu pakkakasa' niaka ri kappala'na ke'nanga tena ngaseng matu-matunna; sikamma sombala'na takkulleai nipaka'rang! Sikontu kakalumanynyanganna pasukang musua lanirampasaki, teai sipato' jaina, sa'genna manna tau pesoka anggappa ngaseng bageang. KalenNa Batara la'jari karaenta; Ia lammarenta, ampaentengi hukkunga siagang ampasalamakki' battu ri musua.

YEREMIA 40:11

Lalang anjo wattua sikontu tu Israel niaka ri pa'rasangang Moab, Amon, Edom, siagang pa'rasangang-pa'rasangang maraenga, nalangngereki angkanaya karaeng Babel nasaremi ising sipa'gang tu Israel ammantang ri Yehuda, kammayatompa angkanaya le'ba'mi naangka' Gedalya a'jari guburnur.

HOSEA 13:10

Appalakko karaeng siagang pamimping, mingka kemaemi ke'nanga kamma-kamma anne? Maka akkullei ke'nanga ampasalamaki ra'ya'nu?

PAMMILANGNGANG 23:21

Tena kaja'dallang nicini' ri kalenna Yakub; tena kasukkarrang nicini' ri tu Israel. Batara, Allata'alana ke'nanga, anrurungangi ke'nanga. Akkio' rannui ke'nanga angkana: Iami Karaeng!

HAKING-HAKING 8:23

Appialimi Gideon angkana, “Tena. Teai inakke la'jari pamimpinnu, manna anakku tena todong. Bataraji pamimpinnu”.

HAKING-HAKING 9:18

Mingka kamma-kamma anne nupassalasai bija pammanakanna manggeku. Nubuno ngasengi ana'na tujupulo sikali irate ri tompo' serea batu. Na Abimelekh ana'na manggeku battu ri baine atana. Mingka nuangka'mi a'jari karaeng ri Sikhem, kalanri nia'na passisambungang cera'na siagang ikau ngaseng.

1 SAMUEL 10:19

Le'ba' mako Kupassulu' battu ri kapa'risanga siagang kasessanga, mingka kamma-kamma anne nusorongbokoMa' salaku Allata'alanu, lanri nupala'na sollanna Kujo'jokangko sitau karaeng untu' ikau ngaseng. Jari baji'mi, a'rappungang mako ri dallekangKu, anne Bataranu, massing-massing situru' sukunu siagang bija-bijannu.’ ”

1 SAMUEL 8:3

Mingka tena naturuki panggaukanna manggena ke'nanga, passangalinna kaparalluang kalennaji bawang tuli naondang. Annarimai ke'nanga doe' pacoco', siagang tena naadele' ke'nanga angngadeli ra'yaka.