1 SAMUEL 12:11 - KITTA' MATANGKASA'

¹¹ Nampa Nasuromo Batara battu Gideon, nampa Barak, le'baki anjo Yefta, nampa kala'busanna inakke minne. Ikambemi massing allappassangko battu ri musunnu, sa'gennu tuli akkulle attallasa' siagang amang.

1 SAMUEL 12:11 ပူးပေါင်းရင်းမြစ်များ

2 KARAENG-KARAENG 13:5

Napassareammi Batara mae ri tu Israel sitau pamimping untu' allappassangi ke'nanga battu ri kakoasanna Siria sa'genna a'jari sannammo ammotere' katallassanna ke'nanga sangkamma riolo.

1 PATTOTTORANG 7:17

Ulam nia' sitau ana'na bura'ne, niarenga Bedan. Iaminjo turungang batu ri Gilead, ana'na Makhir, cucunna Manasye.

HAKING-HAKING 4:6

Ri se'reang allo, nasuro kio'mi tu niarenga Barak, ana'naya Abinoam, battua ri kota Kedes, ri daera Naftali. Nampa nakanamo ri Barak, “Iaminne parentaNa Batara, Allata'alana tu Israel mae ri kau: ‘Passe'rei 10.000 jaina tu bura'ne battua ri suku Naftali siagang suku Zebulon. Nampa nuerang ke'nanga mange ri Moncong Tabor.

HAKING-HAKING 6:14

Jari nisaremi parenta Gideon ri Batara, angkanaya “Lalang ri sikontu kagassingannu a'lampamako mange allappassangi tu Israelka battu ri kakoasanna tu Midian. INakkemi assuroko.”

HAKING-HAKING 6:31

Mingka angkanami Yoas mae ri ke'nanga, “Apaka agang maeko ri Baalka na nuero' angngalle-alleangi? Inai-nai agang mae ri Baal iami lanibuno anne alloa! Punna ma'nassa Allata'ala anjo Baal, lappassammi naia tommo kalenna larro, lanri nibongkara'na tampa' pakkoro'bangnganna.”

HAKING-HAKING 6:32

Lanri akkana Yoas, “Lappassammi na Baal kalenna angngewai Gideon, lanri nabongkara'na tampa' pakkoro'bangnganna.” Jari appakkaramulami anjo wattua nigallara'mi Gideon “Yerubaal”.

HAKING-HAKING 7:1

Ri se'reang allo, bari'basa' dudumi ambangung Gideon, siagang taunna. A'lampai ke'nanga appare' kema ri ampi'na timbuseng je'neka ri Harod. Na ia kemana tu Midian niaki ri warakkanna ke'nanga, ri lappara' ambania ri Bulu' More.

HAKING-HAKING 8:29

Le'ba'namo anjo bunduka, ammotere'mi Gideon ri kamponna, nammantang anjoreng.

HAKING-HAKING 8:35

Tena tommo nau'rangi bija-bijanna Gideon lanri jasa-jasana Gideon mae ri umma' Israel.

1 SAMUEL 3:20

Iaminjo saba'na na sikontu umma' Israel battua ri sikontu anjo pa'rasanganga namangakuimi angkanaya anjo Samuel na'biNa Batara. Kere-kere wattu na'bicara Samuel, sikontu bansa Israel mappilangngeri ngasengi. Tuli Napappicikikang iji KalenNa Batara ri Silo, ri tampa' uru NapappicinikanNa KalenNa mae ri Samuel Na'bicara siagang ia.

1 SAMUEL 7:13

Kammaminjo nanibetamo tu Filistin. TaNapa'biangai Batara antama poleang ke'nanga ri daerana Israel, lalang attallasa'na ija Samuel.