1 SAMUEL 11:1 - KITTA' MATANGKASA'

¹ Nampa Nahas, iamintu karaeng tu Amon, napagio'mi tantarana nampa nakurung anjo kota Yabesh ri daera Gilead. Angngussulu'mi panduduka mae ri Nahas kamma anne, “Appare' maki' parjanjiang siagang ikambe, nampa latundu' ikambe mae ri katte.”

1 SAMUEL 11:1 ပူးပေါင်းရင်းမြစ်များ

PA'JARIANG 26:28

Appialimi ke'nanga angkana, “Kamma-kamma anne naassemmi ikambe angkanaya Najagaiko Batara, siagang napikkiriki ikambe angkanaya bajiki punna apparekki' parjanjiang. Assumpa mako

2 SAMUEL 10:1

Siapa are wattu ribokoanganna matemi Nahas iamintu karaeng Amon, nampa Hanun ana' bura'nena a'jari karaeng.

2 SAMUEL 10:2

Nampa nakanamo Daud, “Anjo Nahas agang majarrekku. Jari musti agang tonga' siagang Hanun ana'na.” Lanri kammana anjo akkirimmi Daud tunisuro mange ri pa'rasangang Amon untu' ansaleori Hanun lanri matena manggena.

2 SAMUEL 17:27

Ri wattunna battu Daud ri Mahanaim, niruppaimi ri Sobi ana'na Nahas battu ri kota Raba ri Amon, siagang ri Makhir ana'na Amiel battu ri Lodebar, kammayatompa ri Barzilai

2 SAMUEL 2:5

akkirimmi tunisuro mange anjoreng angngerang pasang angkana, “Dasi-dasi Nabarakkaki ngasengko Batara, lanri nupappicinikanna tamamminrana pa'mai'nu mae ri karaennu, iamintu lanri nutarawanna maya'na.

1 KARAENG-KARAENG 20:34

Nampa nakanamo Benhadad ri ia, “Lakupoterangi mae ri katte kota-kota le'baka narampasa' manggeku battu ri manggeta. Akkulle tongki' ambangung tampa' pa'danggangang ri kota Damsyik sangkamma nagaukanga manggeku ri Samaria.” Appialimi Ahab angkana, “Battu ri anjo janjinta nakulappassangki'.” Le'baki anjo appare'mi Ahab parjanjiang siagang Benhadad, nampa nalappassang Benhadad.

1 PATTOTTORANG 10:11

Ri wattunna nalangngere' pandudu'na Yabesh ri Gilead anjo apa le'baka nagaukang tu Filistin mae ri Saul,

1 PATTOTTORANG 10:12

a'lampami siapa are tau kaminang barania ri ke'nanga mange angngallei maya'na Saul siagang ana'-ana'na, nampa naerang mange ri Yabesh. Natarawammi ke'nanga anjo mayaka ri tujunna se're poko' kayu lompo. Le'baki anjo appuasami ke'nanga tuju allo sallona.

AYUB 41:4

Maka akkullei appare' passitujuang siagang ikau, siagang a'janji tuli ero' allayaniko?

KALAPPASSANG 23:32

Teako appareki parjanjiang siagang anjo taua yareka siagang rewata-rewatana ke'nanga.

YESAYA 36:16

Teako pilangngeri Hizkia! Inakke, Karaeng Asyur ampalaki sollannu assulu' ngaseng battu ri kotaya numanyara. Sinampe' akkulleko angnganre rappo anggoro' battu ri koko kalennu, siagang angkasiaki rappo ara battua ri poko' ara kalennu, siagang angnginung battu ri bungung kalennu,

YEREMIA 40:11

Lalang anjo wattua sikontu tu Israel niaka ri pa'rasangang Moab, Amon, Edom, siagang pa'rasangang-pa'rasangang maraenga, nalangngereki angkanaya karaeng Babel nasaremi ising sipa'gang tu Israel ammantang ri Yehuda, kammayatompa angkanaya le'ba'mi naangka' Gedalya a'jari guburnur.

YEREMIA 40:14

nampa angkana, “Nuassenji angkanaya Baalis, iamintu karaeng Amon, le'baki nasuro Ismael untu' ambunoko?” Mingka tena natappa' Gedalya mae ri kananna ke'nanga.

YEHEZKIEL 17:13

Nampa napilei kalase'renna bijanna anjo karaeng Yehuda, appare' parjanjiang siagang ia, siagang nasuro assumpa lamajarre' mae ri karaeng Babel. Anjo karaeng Babel naallei sikamma tau pamimpinga siagang tau cara'deka

PAOLE 23:3

Tu Amon siagang tu Moab kammayatompa jari-jarina ke'nanga sa'genna makasampuloa lapisi', takkulleai a'jari anggota umma'Na Batara,

HAKING-HAKING 10:7

Jari larromi Batara mae ri umma' Israel. Sa'genna nibalang parekang ke'nanga nikoasai ri bansa Filistin siagang bansa Amon.

HAKING-HAKING 11:4

Tena siapa sallona, nibundu'mi tu Israelka ri tu Amon.

HAKING-HAKING 21:8

Jari nasalidikimi ke'nanga apaka nia' se're golongang battu ri suku bansana Israel tena na'lampa asse're ri Mizpa. Na nagappamo ke'nanga angkanaya battu ri tu Yabesh ri Gilead, tena manna sitau a'lampa mange ri Mizpa.

1 SAMUEL 12:12

Mingka nuassenna angkana lanabundukiko Nahas, anjo karaeng Amon, nusorongbokomi Batara a'jari Karaennu nampa nukana ri nakke, ‘Eroki ikambe niparenta ri se'reang karaeng.’

1 SAMUEL 14:47

A'jari karaennamo Saul ri Israel, a'bundu'mi ri kere-kere mae angngewai sikontu musunna Israel, iamintu tu Moab, tu Amon, siagang tu Edom, karaeng-karaeng pa'rasangang Zoba, kammayatompa tu Filistin. Manna kemae a'bundu', tuli anggappai pammetang.