1 SAMUEL 10:7 - KITTA' MATANGKASA'

⁷ Punna kajariang ngaseng anjo sikammaya, gaukammi apa nukanaya baji', nasaba' niaki Allata'ala anrurungangko.

1 SAMUEL 10:7 ပူးပေါင်းရင်းမြစ်များ

PA'JARIANG 21:20

Nirurungammi Ismael ri Allata'ala. Pila' a'bakka'mi lompona anjo anaka. Ammantangi ri parang lompona Paran, siagang a'jarimi pasoso' sannaka cara'de'na.

2 SAMUEL 7:3

Appialimi Natan angkana, “Gaukammi sikamma apa kikaerokia, nasaba' Natulungki' Batara.”

AYUB 31:25

yareka kupattampoang kakalumanynyangangku.

KALAPPASSANG 4:8

Nakana Batara, “Punna taeroka tappa' ke'nanga mae ri kau, yareka tena nayaking ri le'ba'namo nacini' anjo gau' malompo makase'rea, iami anne gau' malompo makaruaya lampa'jari tappaki ke'nanga.

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

YESAYA 7:14

Kamma-kamma anne, KalenNa Batara lassare tanra mae ri kau: Nia' sallang sitau tulolo latianang siagang allassukang sitau ana' bura'ne, lanaarenga Imanuel.

MATIUS 1:23

“Nia' sallang se're tulolo latianang siagang allassukang sitau ana' bura'ne. Anjo anaka lanigallaraki Imanuel.” (Imanuel iamintu bicara tu Ibrani, battuanna “Niaki Allata'ala anrurungangki'”.)

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

LUKAS 2:12

Na iaminne pammateina ri kau: Nia' lanubuntulu' se're ana' lolo nikalimbuki care-care, siagang nipatinro lalang ri pangnganreang olo'-oloka.”

YOHANES 6:14

Nacini'na tau jaia anjo gau' appakalannasa' Nagaukanga Isa, nakanamo ke'nanga, “Ma'nassa Iaminne Na'bi niminasaia labattu ri linoa!”

PAOLE 20:1

“Punna a'lampako mange a'bundu' angngewai musu-musunnu, teako mallakki anciniki kareta bundu' siagang jaranna ke'nanga jaia, kammayatompa tantarana ke'nanga jaiangnganga na ikau. Karaeng Allata'alanu, iamintu le'baka allappassangko battu ri Mesir, Iatommi lantulungko.

IBRANI 13:5

Teako eroki nikoasai ri sipa' angngondang dudua doe' lalang katallassannu, mingka parallui nukasukkurang apa-apa niaka ri kau. Nasaba' le'baki Nakana Allata'ala, “Tena nalaKubalang parekangko yareka tena nalaKubokoiko.”

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

YOSUA 1:9

U'rangi, angkanaya le'ba'mi Kuparentakang mae ri kau sollannu tappa' tojeng-tojeng siagang barani! Teako mallakki yareka teako naungi sumanga'nu, nasaba' iNakke Karaeng Allata'alanu anrurungangko ri sa'rinnu, manna pole kemae lampanu.”

HAKING-HAKING 6:12

Napappicinikammi kalenna anjo malaeka'Na Batara mae ri ia. Nampa nakana, “E, turungka patasa'! Narurungangko Batara!”

HAKING-HAKING 9:33

Ammuko bari'basa' punna ammumbami alloa, pata'bangkami nanubunduki anjo kotaya. Na punna assulu' Gaal siagang taunna ero' angngewako iamintu kasampatang baji mae ri ikau untu' ambunduki'.”

1 SAMUEL 2:34

Na la'jaria pammatei angkanaya ma'nassa lakajariang tojengi yangasenna anjo Kupaua, anjo ruaya ana'nu, iamintu Hofni siagang Pinehas lamatei lalang siallo.

1 SAMUEL 20:13

Punna erokko nacilakai, tantu lakupauang tongko, sollanna akkulle nupasalama' kalennu. Tapporo Nabunoa' Batara punna tena nakugaukang anjo kammaya. Tapporo Natulungko Batara, sangkamma ia le'ba' tommi nitulung ri Batara.

1 SAMUEL 3:19

Pila' katambammi lompona Samuel. Nirurungangi ri Batara, siagang Napa'rupami sikamma apa napaua Samuel kajariang tojeng.