1 SAMUEL 10:27 - KITTA' MATANGKASA'

²⁷ Mingka nia'mo siapa are tau ja'dala' angkana, “Kemae lakkulle a'matu-matu anne taua mae ri katte?” Nacini' rawami ke'nanga anjo Saul siagang taerokai ke'nanga assarei hadia. Mingka assara-sarai Saul tanaassenga anjo kammaya.

1 SAMUEL 10:27 ပူးပေါင်းရင်းမြစ်များ

2 SAMUEL 20:1

Ri kota Gilgal nia' sitau apparicu niareng Seba. Anjo taua ana'na Bikri, battu ri suku Benyamin. Ri wattunna battu Daud siagang sikamma tau naaganga a'rurung, appasa'rami tarompe' Seba nampa ammarrang angkana, “Tena passisambunganta siagang Daud. Apa saba'na kilamminawang mae ri ia? He tu Israel, umba kimmotere' ngaseng!”

2 SAMUEL 8:2

Nabeta tommi Daud tu Moab. Nasuroi ke'nanga attinro ri buttaya, nampa nabuno ta'rua lalang tattallua tau. Jari, tundu'mi tu Moab mae ri Daud siagang a'bayara'mi passare ke'nanga mae ri ia.

1 KARAENG-KARAENG 10:25

Massing battui ke'nanga angngerang hadia untu' Salomo. Massing assarei ke'nanga barang-barang pera', bulaeng, pakeang, sanjata, rampa-rampa, jarang siagang keledai. Kammaminjo taung-taung.

1 KARAENG-KARAENG 4:21

Massing-massing kaluarga para nia' koko anggoro'na siagang koko arana. Lalang sikontu tallasa'na Salomo ra'yaka ri sikontu Yehuda siagang Israel, appakkaramula battu ri Dan sa'genna Bersyeba, amangi siagang sannangi tallasa'na. Nasaba', sikontu karaenga ilaukanna Efrat tundu' ngasengi mae ri ia, siagang sikontu bansa battua ri pa'rasangang-pa'rasangang niaka ri tammulilina kakaraenganna agang ngasengi siagang ia. Butta niaka ri laukanna Binanga Efrat battu ri Tifsah ri birinna Binanga Efrat tulusu' kalau' ri kota Gaza ri Filistin sa'genna ri pa'baeng-baenna Mesir, yangasenna nikoasai ri Salomo. Sikamma bansa niaka anjoreng tundu' ngasengi mae ri ia siagang a'bayaraki passare mae ri ia. Apa-apa nikanre naparalluanga Salomo allo-allona nia' 5.000 litere' labu' halusu', 10.000 litere' labu' kasara', sampulo kayunna sapi nibaraya, ruampulo sapi ri paranga, siagang sibilangngang kayunna gimbala'. Pantaranganna anjo, iamintu pole jonga, kijang, siagang olo'-olo' akka'nyika.

1 KARAENG-KARAENG 5:1

Hiram, karaeng Tirus, tuli agangi siagang Karaeng Salomo. Nalangngere'na Hiram angkanaya a'jari karaemmi Salomo ansambeangi Daud manggena, akkirimmi tunisuro mange ri Salomo.

2 PATTOTTORANG 13:7

Appasse'rei sipa'gompoang tau kurangajara' nampa ero' napassakang ero'na mae ri Rehabeam ana' bura'nena Salomo, rungka dudua anjo wattua siagang tenayapa pangalamanna untu' angngewa.

2 PATTOTTORANG 17:5

Nasarei Batara Yosafat empoang kassa' salaku karaeng Yehuda. Sikontu ra'yaka assare kabusuki hadia mae ri ia nampa a'jari kalumanynyammo siagang nipakalompoi ri taua.

PAMMUJI 38:13

Tau eroka ambunoa' natannangngia' sikko'; tau eroka ancilakaia' nagarattaka' lanatumpasa'.

PAMMUJI 72:10

Sikamma karaeng Tarsis siagang pulo-pulona langngerangi passare mae ri ia. Sikamma karaeng Arab siagang Etiopia battui angngerang passare.

KATO'BA 7:21

Teako nungai ampilangngeri bicara battu pantaraka, gassingka natunraiko se'rea palayang.

YESAYA 36:21

Nalangngere'na anjo, tenamo nappiali pandudu'na Yerusalem, saba' le'ba'mi niparentakang ke'nanga ri Karaeng Hizkia sollanna tena nakkana-kana ke'nanga.

MATIUS 2:11

Antama'mi ke'nanga ri pammantanganna anjo Anaka. Nabuntulu'mi anjo Anaka siagang Maria amma'Na. Su'ju'mi ke'nanga anynyomba ri anjo Anaka. Nampa massing nasungke roko'-roko'na ke'nanga, namassing assare koro'bang, iamintu bulaeng, kamanynyang, siagang mur.

LAMPA-LAMPANA 7:35

Iaminne Musa, tenaya niakui ri bansa Israel, siagang nisorongbokoa angkana, ‘Inai le'ba' angngangkakko a'jari pamimping siagang a'jari haking mae ri kambe?’ Mingka sitojenna, iami nisuro ri Allata'ala a'jari pamimping siagang appasalamaka, lanri bantuanna anjo malaeka' battua mae ri ia lalang ri anjo rompo' a'rinraya.

PAOLE 13:13

angkanaya nia' siapa are tau ja'dala' battu ri bansanu le'ba' ampasala oloangi pandudu'na kotaya untu' anynyomba ri rewata-rewata maraenga tenaya nanuassengi.

1 SAMUEL 11:12

Le'baki anjo akkuta'nammi bansa Israel mae ri Samuel angkana, “Kemaemi anjo tau barania angkana tena nasiratang Saul a'jari karaenta? Kipassareangi mae ri kambe anjo taua bapa', na nabuno ikambe.”

1 SAMUEL 11:13

Mingka nakanamo Saul, “Tenanniakka tau akkulle nibuno anne alloa, nasaba' anne alloa Napasalama'mi Batara Israel.”

1 SAMUEL 16:20

Nampa appasadiamo Isai sikayu keledai, na napitekeki sikayu ana' bembe, roti, siagang sipammoneang rassia anggoro'. Yangasenna anjo nasareammi Daud untu' napassareang mae ri Saul.

1 SAMUEL 2:12

Ia ana'-ana'na Eli ja'dala' sikali. Tena najampangi ke'nanga Batara.

1 SAMUEL 25:17

Lanri kammana anjo, pikkiri' baji'-bajiki anne passalaka, siagang kitappukimi apa akkullea kigaukang ibu'. Nasaba' mattantu labattuna pa'balasaka mae ri pinggawata siagang sikontu kaluargana. Terasa' dudui ulunna pinggawata sa'genna takkulleai niagang a'bicara!”