1 SAMUEL 10:25 - KITTA' MATANGKASA'

²⁵ Nampa napakasingara' Samuel mae ri anjo bansaya antekamma ha'na siagang kawajibanna karaenga, nampa natulisi' lalang ri se'reang kitta', nampa naboli' ri tampa' matangkasaka. Le'baki anjo nasuromi Samuel anjo sikontu bansaya massing ammotere' mange ri balla'na.

1 SAMUEL 10:25 ပူးပေါင်းရင်းမြစ်များ

2 KARAENG-KARAENG 11:17

Nasuroi Imang Yoyada Karaeng Yoas siagang ra'yaka appare' parjanjiang siagang Batara angkanaya la'jari ke'nanga Umma'Na Batara. Nasuro tongi karaenga appare' parjanjiang siagang ra'yaka.

PAOLE 31:26

“Allei anne kitta' HukkunNa Allata'ala, siagang boliki ri sa'rinna Patti ParjanjianNa Karaeng Allata'alanu, sollanna tuli nia'na anjoreng salaku sa'bi mae ri anjo bansaya.

1 TIMOTIUS 2:2

untu' sikamma karaenga siagang untu' sikamma tau anna'galaka kakoasang. Pappalakangki' sollanta akkulle sannang siagang taricua kammayatompa a'gau' siratannaya lalang tallasatta ri dallekanNa Allata'ala.

TITUS 3:1

Piu'rangiangi anggota-anggota jama'anu sollanna mappilangngeri mae ri pamimping-pamimpinga siagang mae ri tau anna'galaka koasa ri pa'rasanganga; kammayatompa mannuruki siagang sadia anggaukangi sikamma kabajikanga.

YOSUA 22:6

Nampa napassareang barakka'na Yosua siagang nalappassang ke'nanga ammotere' mange ri daerana ke'nanga. Napasangi ke'nanga angkana, “Kamma-kamma anne kalumanynyang mako; angngerang mako ammotere' jai olo'-olo', pera', bulaeng, tambaga, bassi siagang pakeang. Bage-bage tongi anjo barang-barang nurampasaka lalang bundu' mange ri sikamma julu sukunu maraenga.” Jari nabokoimi suku Ruben, Gad siagang suku Manasye bageang irayaya anjo paranna tu Israel maraenga, nampa a'lampa battu ri Silo ri Kanaan mange ri butta kalenna ke'nanga ri daera Gilead. Napammantangngimi ke'nanga anjo buttaya situru' parentaNa Batara tete ri Musa. (Anjo bageruanna suku Manasye le'ba'mi natarima battu ri Musa butta niaka irayanganna Binanga Yordan, siagang bageruanna suku Manasye maraenga natarimai battu ri Yosua butta niaka ilaukanna Binanga Yordan sangkamma suku-suku maraenga.)

1 SAMUEL 11:14

Nampa nakana Samuel ri ke'nanga, “Umba ki'lampa ngaseng mange ri Gilgal na niresmikang Saul a'jari karaenta.”

1 SAMUEL 8:9

Lanri kammana anjo, turukiammi pappala'na ke'nanga; mingka pakainga' tojeng-tojengi ke'nanga, siagang pauangi angkanaya antekamma sallang lanigaukangi ri karaenga.”