1 SAMUEL 10:22 - KITTA' MATANGKASA'

²² Lanri kammana akkuta'nammi taua ri Batara angkana, “O Batara, apaka anjo taua nia'mi anrinni?” Appialimi Batara angkana, “Accokkoi Saul ri bokona barang-barang pakkakasaka.”

1 SAMUEL 10:22 ပူးပေါင်းရင်းမြစ်များ

PA'JARIANG 25:22

Attianammi ana' akkambara'. Ri tenanapa nalassu' anjo ana'-anaka, assilutturu'mi ke'nanga lalang ri battanna. Nakanamo Ribka, “Angngapa namusti kajariang anne kammaya ri kalengku?” Nampa appala'mo pitunju' mae ri Batara.

2 SAMUEL 2:1

Le'baki anjo akkuta'nammi Daud ri Batara angkana, “Apa Kikaerokangi nakua'lampa mange angkoasai kalase'renna kotaya ri Yehuda Batara?” Appialimi Batara, angkana, “Iyo”. Akkuta'nammi Daud angkana, “Kota kereanga?” Appialimi Batara, angkana, “Hebron”.

2 SAMUEL 21:1

Ri wattu ammarentana Daud, le'baki naalle cipuru' lompo taua tallun taung sallona. Nampa appala'mo pangngunju' Daud mae ri Batara lanri anjo passalaka, na Nakanamo Batara, “Anjo bala kacipuranga passabakkang kasalanna Saul siagang kaluargana, iamintu lanri nabunona tu Gibeon.”

PAMMILANGNGANG 27:21

Yosua musti appalaki pangngunju' battu ri Imang Eleazar, nampa Eleazar musti napakkuta'nangngangi apa erokKu ammake Urim siagang Tumim. Kammaminjo carana Eleazar ampimpingi Yosua siagang sikontu bansa Israel lalang sikontu passala' nadallekanga ke'nanga.”

LUKAS 14:11

Nasaba' inai-nai ampakalompoi kalenna, iami lanipakatuna, mingka inai-nai ampakatunai kalenna, iami lanipakalompo.”

HAKING-HAKING 1:1

Ri matenamo Yosua, akkuta'nammi umma' Israel ri Batara angkana, “Batara, suku kereangami musti appakkaramula a'lampa mange ambunduki tu Kanaan?”

HAKING-HAKING 20:18

A'lampai anjo tantarana umma' Israel mange ri tampa' ibadaya ri Betel, nakkuta'nang ri Allata'ala angkana, “O, Batara, suku kereanga battu ri kambe musti uru-uru maju ambunduki tu Benyamin?” Appialimi Batara angkana, “Suku Yehuda.”

1 SAMUEL 10:21

Ri wattunna maju mae ri dallekang sikamma kaluargaya lalang ri suku Benyamin, kaluarga Matri nataba pile. Kale'bakkanna majumi sikamma tu bura'nea lalang ri kaluarga Matri, nampa Saul ana'na Kish nataba pile. Jari niboyami Saul, mingka tenai.

1 SAMUEL 14:37

Nampa akkuta'nammo Saul ri Allata'ala angkana, “Akkulleja' mange ambunduki tu Filistin? Maka laKipassareanji ke'nanga ri limanna tu Israel?” Mingka anjo alloa tena Nappiali Allata'ala.

1 SAMUEL 15:17

Nakanamo Samuel, “Sai ikattemi a'jari pamimping mae ri suku-suku Israel, manna nakikana kalenta tu tuna? Napile maki' Batara a'jari karaeng mae ri tu Israel.

1 SAMUEL 22:10

Appalaki pitunju' Ahimelekh mae ri Batara ri passala'na apa mustia lanagaukang Daud. Pantaranganna anjo napibokongi tommi Daud kanre, siagang nasareangi pa'danna Goliat, anjo tu Filistin.”

1 SAMUEL 23:9

Mingka naassemmi Daud angkanaya appikkiri' ja'dalaki Saul mae ri ia. Lanri kammana anjo nakanamo ri Imang Abyatar, “Erangi anjo efodka mae anrinni.”

1 SAMUEL 30:7

Nampa nakanamo Daud ri Imang Abyatar ana'na Ahimelekh, “Erangi anjo efodka mae anrinni!” Jari naerammi Abyatar anjo efodka mae ri ia.

1 SAMUEL 30:8

Nampa akkuta'nang Daud mae ri Batara angkana, “Apaka musti kuondangi anjo garombolanga? Maka akkulleji kurapi' ke'nanga?” Appialimi Karaeng Allata'ala angkana, “Iyo, ondammi; lanurapiki ke'nanga nampa nulappassang sikamma tau nijakkalaka.”

1 SAMUEL 9:21

Appialimi Saul angkana, “Inakke anne tau battua' ri suku Benyamin, suku kaminang ca'dia ri Israel, kammayatompa pole kaluarga kaminang tenaya anggaranna lalang ri anjo sukua. Jari angngapa nakiakkana kamma anjo mae ri nakke?”