1 SAMUEL 10:20 - KITTA' MATANGKASA'

²⁰ Nampa nasuro Samuel sikontu sukua maju mae ri dallekang, na suku Benyamin nipile.

1 SAMUEL 10:20 ပူးပေါင်းရင်းမြစ်များ

2 SAMUEL 3:19

Assipa'bicara tommi Abner siagang tu Benyamin, siagang a'lampa tommi mange ri Hebron untu' ampauangi Daud anjo apa le'baka nasitujui tu Benyamin siagang tu Israel.

YUNUS 1:7

Wattunna nai'mo Yunus siagang anjo juraganga, massing nakanamo para ia anjo ana'-ana' kappalaka, “Umba nanigoccangi arenga sollanna naniassengi angkana inai sala sa'genta nituju ri anne balaya!” Nagoccammi arenna ke'nanga, na arennamo Yunus nai'.

PAOLE 33:12

Ri sesena suku Benyamin nakana: “Iaminne suku Nakarimangngia Batara. Nala'langngi allo bangngi; ammantangi Batara ri tangnga-tangngana ke'nanga.”

1 SAMUEL 10:19

Le'ba' mako Kupassulu' battu ri kapa'risanga siagang kasessanga, mingka kamma-kamma anne nusorongbokoMa' salaku Allata'alanu, lanri nupala'na sollanna Kujo'jokangko sitau karaeng untu' ikau ngaseng. Jari baji'mi, a'rappungang mako ri dallekangKu, anne Bataranu, massing-massing situru' sukunu siagang bija-bijannu.’ ”

1 SAMUEL 10:21

Ri wattunna maju mae ri dallekang sikamma kaluargaya lalang ri suku Benyamin, kaluarga Matri nataba pile. Kale'bakkanna majumi sikamma tu bura'nea lalang ri kaluarga Matri, nampa Saul ana'na Kish nataba pile. Jari niboyami Saul, mingka tenai.

1 SAMUEL 14:38

Lanri kammana nakanamo Saul mae ri sikamma pamimping ra'yaka, “Mae ngasengko anrinni, nampa nuparessa ngaseng dosa apa le'ba' nigaukang anne alloa.

1 SAMUEL 14:41

Appala' doammi Saul angkana, “O Batara, Allata'alana Israel, angngapai naKitaeroka ampialia' anne alloa? Appiali maKi' Batara, battu lalang ri anne batu-batu matangkasaka. Punna anjo kasalanga niaki ri nakke yareka ri Yonatan, appiali maki' siagang batu Urim, mingka punna anjo kasalanga niaki ri ummatTa Israel, appiali maki' siagang batu Tumim.” Appialimi Karaeng Allata'ala, na Yonatan siagang Saul najo'jo'. Lalang kammana anjo ma'nassami angkanaya tena nara'yaka sala.