1 SAMUEL 10:19 - KITTA' MATANGKASA'

¹⁹ Le'ba' mako Kupassulu' battu ri kapa'risanga siagang kasessanga, mingka kamma-kamma anne nusorongbokoMa' salaku Allata'alanu, lanri nupala'na sollanna Kujo'jokangko sitau karaeng untu' ikau ngaseng. Jari baji'mi, a'rappungang mako ri dallekangKu, anne Bataranu, massing-massing situru' sukunu siagang bija-bijannu.’ ”

1 SAMUEL 10:19 ပူးပေါင်းရင်းမြစ်များ

PANGNGEBARANG 16:33

Untu' angngassengi sarenna, ammuangi taua campalle', mingka ampattantuai kale'bakkanna, Bataraji bawang.

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

PAMMILANGNGANG 11:20

mingka sibulangi lanukanre turus, sa'gennu a'jari garring siagang ta'langnge-langnge napakamma. Kammaminjo kajarianna lanri nutolla'na Batara niaka ri tangnga-tangnganu. Kammayatompa lanri angngarru'nu siagang akkunrarennu ri dallekanNa angkanaya nubokoimi Mesir.”

PAMMILANGNGANG 17:2

“Suroi tu Israel assareko sampulo anrua takkang, tasse'rei takkang untu' tasse'rei suku, ia mustia napassareang pamimping sukua. Tulisiki arenna tunggala' pamimpinna sukua ri anjo takkanga,

PAOLE 17:14

“Punna nupatammo anjo butta Napassareanga Karaeng Allata'alanu mae ri kau, siagang ammantang mako anjoreng, gassingka erokko angngangka' sitau karaeng, sangkamma bansa-bansa niaka ammantang ri tammulilinu.

YOSUA 24:1

Napasse'rei Yosua suku-suku bansa Israel ri Sikhem, nampa nasuro sikamma tau toa-toaya, sikamma pamimpinga, sikamma hakinga siagang sikamma perwira tantaraya battu andallekang. Jari battu ngasemmi ke'nanga andallekang ri Allata'ala.

HAKING-HAKING 8:23

Appialimi Gideon angkana, “Tena. Teai inakke la'jari pamimpinnu, manna anakku tena todong. Bataraji pamimpinnu”.

1 SAMUEL 10:20

Nampa nasuro Samuel sikontu sukua maju mae ri dallekang, na suku Benyamin nipile.

1 SAMUEL 12:12

Mingka nuassenna angkana lanabundukiko Nahas, anjo karaeng Amon, nusorongbokomi Batara a'jari Karaennu nampa nukana ri nakke, ‘Eroki ikambe niparenta ri se'reang karaeng.’

1 SAMUEL 14:23

A'bundu'mi ke'nanga ri sikamma aganga sa'genna allalo ri Bet-Awen. Nipasalama'mi ri Batara tu Israel anjo alloa.

1 SAMUEL 14:38

Lanri kammana nakanamo Saul mae ri sikamma pamimping ra'yaka, “Mae ngasengko anrinni, nampa nuparessa ngaseng dosa apa le'ba' nigaukang anne alloa.

1 SAMUEL 4:1

Anjo wattua napagio' ngasemmi tu Filistin sikontu tantarana untu' ambunduki Israel. Lanri kammana majumi tantara Israel ri pa'bundukanga. Appare'mi kema ke'nanga ri ampi'na Eben-Haezer. Na tantarana tu Filistin appareki kema ri Afek.

1 SAMUEL 8:19

Mingka taerokai anjo bansaya anjampangi kananna Samuel. Ba'lalo nakana ke'nanga, “Boli'mi kamma! Manna pole antekamma eroki ikambe karaeng.

1 SAMUEL 8:5

nampa nakana ri ia, “Pilangngeri bapa'. Ikatte toa maki', nampa ana'-anatta tena naturuki panggaukanta. Jari bajikangngang angngangka' maki' sitau karaeng, sollanna nia' karaenna ikambe kamma bansa-bansa maraenga.”