1 SAMUEL 1:23 - KITTA' MATANGKASA'

²³ Appialimi Elkana angkana, “Baji'mi, gaukammi apa nukanaya baji' ri pikkirannu. Ammantang mako ri balla' sa'genna narapi' wattunna nusa'la' anynyusu anatta. Siagang tapporo Napa'rupa laloi Batara janjinnu.” Jari ammantammi Hana ri balla' sa'genna narapi' wattunna akkulle nisa'la' anynyusu ana'na.

1 SAMUEL 1:23 ပူးပေါင်းရင်းမြစ်များ

2 SAMUEL 7:25

Na kamma-kamma anne, o Karaeng Allata'ala, poro mangngellaiKi' ampakajarreki janjinTa le'baka Kipau untu' satunggu-tungguna ri passala'na kalengku siagang jari-jariku. Poro mangngellaiKi' naKipa'rupa anjo apa le'baka Kipa'janjiang.

1 KARAENG-KARAENG 3:21

Ammukona bari'basa', ri wattungku ambangung naero' kupasusu anjo ana' loloku, angngapa namatemo kurapikang. Le'ba'na kuparessa baji'-baji', a'nassami angkanaya teai ana' loloku anjo.”

PAMMUJI 22:9

Nakana ke'nanga, “Lappassammi napattoang Bataraya, sollanna nipasalama' ri Batara, punna sannang Batara mae ri ia!”

YESAYA 44:26

INakke ampakajarreki kananna atangKu, siagang anggaukangi rancana napa'nyataya tunisuroKu, iNakke angkana lanipammantangngi poleammi Yerusalem, siagang kota-kota Yehuda laKubangung poleangi ammotere'; laKupakabajiki sikamma rumbanganna.

PAMMILANGNGANG 30:12

Mingka punna nipisangkai ri bura'nenna ri wattunna nalangngere' anjo passalaka, anjo bainea tenamo natassikko' ri tinja'na yareka janjinna. Lanipammopporangi ri Batara, lanri nipisangkaina ri bura'nenna.

MATIUS 24:19

Anjo allo-alloa teai sipato' appakamalla'na mae ri bai'-baine tiananga siagang bai'-baine appasusua ana' lolo!

LUKAS 11:27

Le'ba'na akkana kamma anjo Isa, nia'mo sitau baine battu ri alla'na anjo tau jaia angkana ri Isa, nakana, “Teai sipato' upa'na baine anjariangaKo siagang ampasusuaKo!”

1 SAMUEL 1:17

Nampa nakanamo Eli, “Punna kamma anjo ammotere' mako siagang salama'. Poro Naturukiangko Allata'alana Israel pappala'nu.”

1 SAMUEL 14:36

Nampa nakanamo Saul mae ri ana' buana, “Umba nakimange ambunduki tu Filistin anne bangngia, nampa niella' ke'nanga sa'genna bari'basa' na nibuno ngaseng ke'nanga.” Appialimi ke'nanga angkana, “Baji'mi nakigaukang apa kikanaya baji' karaeng.” Mingka nakana imanga, “Umba nakiappala' rolong pitunju' battu ri Allata'ala.”

1 SAMUEL 14:40

Nampa nakanamo Saul mae ri sikontu Israel, “Ammenteng ngasengko ba'leang anrinni.” Appialimi ke'nanga angkana, “Kigaukammi apa kikanaya baji' karaeng.”