1 SAMUEL 1:19 - KITTA' MATANGKASA'

¹⁹ Ammukona, ambangung bari'basa'mi Elkana siagang kaluargana. Na le'ba'na assambayang ri Batara, ammotere'mi ke'nanga mange ri Rama. Assikatinroammi Elkana siagang Hana, anjo bainenna, siagang niturukiammi pappala'na Hana ri Batara.

1 SAMUEL 1:19 ပူးပေါင်းရင်းမြစ်များ

PA'JARIANG 21:1

Nibarakkakimi Sara ri Batara, situru' apa le'baka Napa'janjiang.

PA'JARIANG 30:22

Nampa Nau'rangimo Allata'ala Rahel. Naturukiammi pappala' doanna siagang nasaremi pangngellai untu' allassukang ana'.

PA'JARIANG 4:1

Nampa assikatinroammo Adam siagang bainenna iamintu Hawa, sa'genna tianammo anjo bainenna. Ammana'mi sitau ana' bura'ne, nanakana, “Lanri pannulunNa Batara nakuanggappamo sitau ana' bura'ne.” Naaremmi anjo anaka Kain.

PA'JARIANG 8:1

Tena nikaluppai Nuh ri Allata'ala siagang sikamma olo'-olo' niaka naagang lalang ri anjo kappalaka. Napa'nia'mi Allata'ala anging mammirika, sa'genna appakkaramulamo naung anjo je'neka.

2 KARAENG-KARAENG 4:17

Mingka kammatojengi anjo apa napakkanaya Elisa. Taung ri boko, kira-kira ri wattu sangkammaya anjo, ammana'mi anjo bainea sitau ana' bura'ne.

PAMMUJI 119:147

Ambangunga' bari'basa' na kuakkio' appala' tulung; manrannuanga' ri janjinTa.

PAMMUJI 136:23

Tena Nakaluppaiki' ri wattunta nibeta; pangngamaseanNa sa'genna satunggu-tungguna.

PAMMUJI 25:7

Pammopporangi dosaku siagang kasalangku ri wattu rungkaku, u'rangia' situru' pangngamaseanTa siagang kabajikanTa.

PAMMUJI 5:3

Kijampangi pakkiokku na Kitulunga', o Karaengku siagang Allata'alaku.

PAMMUJI 55:17

Mingka akkioka' mae ri Allata'ala, Batara lampasalamakka'.

MARKUS 1:35

Ammukona, ri wattu subuna ija, ambangummi Isa nampa a'lampa ambokoi ballaka. Mangei ri tampa' sino-sinoa ri pantaranganna kotaya. Mangei anjoreng appala' doang.

LUKAS 23:42

Nampa nakana mae ri Isa, “Isa, U'rangi tonga' sallang punna battuKo a'jari Karaeng!”

YOSUA 18:25

Kammayatompa anne sampuloa angngappa' kota siagang sikamma desa-desa niaka ri tammulilina, iamintu: Gibeon, Rama, Beerot, Mizpa, Kefira, Moza, Rekem, Yirpeel, Tarala, Zela, Elef, Yebus (iamintu Yerusalem), Gibea siagang Kiryat-Yearim. Iaminjo sikamma butta nipassareanga mae ri kaluarga niaka lalang ri suku Benyamin, untu' a'jari pisakana ke'nanga.

1 SAMUEL 1:1

Nia' sitau bura'ne niareng Elkana, battu ri suku Efraim. Ammantangi ri kota Rama, ri daera pa'monconganna Efraim. Elkana iamintu ana'na Yeroham, na cucunna Elihu. Antamaki golonganna kaluarga Tohu, tangke passibijang battu ri Zuf.

1 SAMUEL 1:11

Nampa a'janji Hana angkana, “O Batara Kaminang Koasaya, Kiparhatikangi anne atanTa! Kiciniki kapa'risanna atanTa. Kiu'rangi siagang teaKi' kaluppai atanTa! Punna Kisare atanTa sitau ana' bura'ne, a'janji atanTa lanapassareang anjo anaka mae ri Katte lalang sikontu tallasa'na. A'janji tongi atanTa angkanaya talanipolongai uu'na.”

1 SAMUEL 15:34

Le'baki anjo a'lampami Samuel mange ri Rama, nampa Saul ammotere'mi mange ri balla'na ri Gibea.

1 SAMUEL 16:13

Angngallemi linta' Samuel minynya' zaitun nampa naminynyaki Daud ri dallekanna sikamma daenna ngaseng. Anjo wattua nikoasai memammi Daud ri RohNa Batara. Appakkaramula anjo alloa siagang situlusu'na nirurungammi ri RohNa Batara. Nampa ammotere'mo Samuel mange ri Rama.

1 SAMUEL 19:18

Lappasa'namo Daud, a'lampami mange ri balla'na Samuel ri Rama, nampa napauang ngaseng anjo apa nagaukanga Saul mae ri kalenna. Nampa a'lampami Daud siagang Samuel mange ri Nayot nammantang anjoreng.

1 SAMUEL 2:11

Nampa ammotere'mo Elkana siagang kaluargana mange ri Rama. Mingka Samuel, anjo anaka, ammantammi ri Silo siagang allayani Batara nipimping ri Imang Eli.

1 SAMUEL 25:1

Tena nasallo, matemi Samuel. A'rappungang ngasemmi tu Israel untu' anghaderi pa'gaukang kasusaanga. Nampa nitarawang Samuel ri balla'na ri Rama. Le'baki anjo a'lampami Daud mange ri parang lompo Paran.

1 SAMUEL 7:17

Punna le'baki anjo tuli ammotereki mange ri balla'na ri Rama. Anjoreng a'jari hakingi ri tu Israel, siagang pole ambangung tongi pole se're tampa' pakkoro'bangngang untu' Batara.

1 SAMUEL 8:4

Lanri kammana a'rappungang ngasemmi sikontu pamimpinna tu Israel, nampa mange andallekang ri Samuel ri Rama,

1 SAMUEL 9:26

nampa attinro. Ri wattu ammumbana alloa, nikio'mi Saul ri Samuel niaka irate ri pattongkoka; nakana Samuel, “Ambangungko, maeko nakuantarakko a'lampa.” Ambangummi Saul, nampa a'lampa siagang Samuel.