1 SAMUEL 1:17 - KITTA' MATANGKASA'

¹⁷ Nampa nakanamo Eli, “Punna kamma anjo ammotere' mako siagang salama'. Poro Naturukiangko Allata'alana Israel pappala'nu.”

1 SAMUEL 1:17 ပူးပေါင်းရင်းမြစ်များ

PA'JARIANG 25:21

Lanri tena nanggappa ana' Ribka, appala' doammi Ishak ri Batara untu' bainenna. Na nisaremo pappala'na Ishak ri Batara, sa'genna attianammo Ribka.

2 SAMUEL 15:9

Appialimi karaenga angkana, “A'lampamako siagang salama'.” Nampa a'lampamo Absalom mange ri Hebron.

2 KARAENG-KARAENG 5:19

Nakanamo Elisa, “A'lampamako siagang salama'.” Nampa a'lampamo Naaman. Tena nasallo a'lampanamo Naaman,

1 PATTOTTORANG 4:10

Mingka appala' doangi Yabes mae ri Allata'ala nisombaya ri tu Israel, angkana, “O Allata'ala, Kibarakkakia', naKitambai luara'na daera kuparentaya. La'langia' siagang Kipakabella' battu ri balaya, sollanna tena nakusessa.” Na niturukiang pappala'na ri Allata'ala.

MARKUS 5:34

Nampa Nakanamo Isa ri anjo bainea, “O AnakKu, lanri tappa'nu ri Nakke, a'jari baji' mako! A'lampamako siagang salama'. Baji' sikali mako antu!”

LUKAS 7:50

Mingka Nakanamo pole Isa ri anjo bainea, “Nipasalama' mako lanri tappa'nu mae ri Nakke. A'lampamako siagang pakasannammi pa'mai'nu!”

LUKAS 8:48

Nakanamo Isa ri ia, “AnakKu, lanri tappa'nu ri Nakke, a'jari baji' mako. A'lampamako siagang salama'.”

HAKING-HAKING 18:6

Appialimi anjo imanga angkana, “Teako batai. Napangngellai Batara anne pa'lampannu.”

1 SAMUEL 1:16

Teaki' kapangngia' angkanaya inakke anne baine sala'. Appala' doang kamma' anne lanri sanna' si'nana pa'maikku.”

1 SAMUEL 1:23

Appialimi Elkana angkana, “Baji'mi, gaukammi apa nukanaya baji' ri pikkirannu. Ammantang mako ri balla' sa'genna narapi' wattunna nusa'la' anynyusu anatta. Siagang tapporo Napa'rupa laloi Batara janjinnu.” Jari ammantammi Hana ri balla' sa'genna narapi' wattunna akkulle nisa'la' anynyusu ana'na.

1 SAMUEL 20:42

Nampa nakanamo Yonatan ri Daud, “Tapporo Natulung laloko Allata'ala. LaNajamingi Batara angkanaya ikatte siagang turunganta tuli lanata'gala' jarreki parjanjianta sipa'rua ri dallekanNa Allata'ala.” Le'baki anjo a'lampami Daud, nampa a'lampa tommo Yonatan ammotere' mange ri kotaya.

1 SAMUEL 25:35

Le'baki anjo natarimami Daud anjo apa-apa naeranga Abigail, nampa nakana ri ia, “Ammotere' mako mange ri balla'nu siagang tea' mako bata-batai. Kuturukiang mako pappala'nu.”

1 SAMUEL 29:7

Lanri kammana anjo, ammotere' mako siagang salama', siagang teako anggaukangi apa-apa akkullea ampakanassui ke'nanga.”