1 SAMUEL 1:15 - KITTA' MATANGKASA'

¹⁵ Mingka appialimi Hana angkana, “Tena nakunasa'ring, bapa', siagang tena sikali nakuangnginung anggoro'! Nakke tappu' panrannuanga', siagang sitabanga' appala' doang ancarita ngasengi kapa'risangku mae ri Batara.

1 SAMUEL 1:15 ပူးပေါင်းရင်းမြစ်များ

AYUB 30:16

Kamma-kamma anne a'birimma' mate; tena karingangngang mae ri pa'risikku.

PAMMUJI 143:6

Kupatara limangku appala' doang mae ri Katte; sanrapang butta kalotoro', nakkuki nyawaku mae ri Katte.

PAMMUJI 42:4

Allo bangngia' angngarru', je'ne' mata mami kanre-kanreangku. Sila'busu'na alloa akkuta'nang musungku angkana, “Kemaeji Allata'alanu?”

PAMMUJI 62:8

Iami Allata'ala assarea' kasalamakkang siagang kalompoang, Iami pa'la'langangku siagang angngagangnganga' makassaka.

PAMMUJI 62:9

He, bansaku, manrannuangko ri Allata'ala lalang sikontu wattunnu; pabattui ri Ia bonena atinnu, saba' Iami tampa' pa'la'langanta.

PANGNGEBARANG 14:10

Susaya siagang rannua niaki niboli' lalang ri pa'maika; tau maraenga takkulleai amminawang angkasiaki.

PANGNGEBARANG 15:1

Pappiali lammaya, ampa'jari naungi larroa; pappiali passea appaumbai larro.

PANGNGEBARANG 25:15

Kasa'barrang nirurungangang ri kana-kana lamma akkullei napa'jari tappa' tukoasaya, siagang naancuru' sikontu angngewaya.

PIRAUNG 2:19

Ambangungko ma'mole-mole tuntung bangngi untu' akkio' ampasuluki bone atinnu ri Batara. Palaki sollanna Mangngamaseang ri ana'-ana'nu naallea cipuru' takkaluppaya ri tunggala' panyingkulu'na aganga.

1 SAMUEL 1:16

Teaki' kapangngia' angkanaya inakke anne baine sala'. Appala' doang kamma' anne lanri sanna' si'nana pa'maikku.”

1 SAMUEL 7:6

A'rappungang ngasemmi ke'nanga ri Mizpa. Anynye'ro'mi ke'nanga je'ne' nampa napatiri' salaku passare mae ri Batara, nampa appuasa ke'nanga siallo kabusu', anjo alloa. Nakanamo ke'nanga, “Dorakami ikambe mae ri Batara.” (Anjoremmi ri anjo Mizpa napakaramulai Samuel ampakabajiki sikamma parkara passisala-pasalanga ri tu Israel.)