1 PETRUS 5:9 - KITTA' MATANGKASA'

⁹ Jarreki tappa'nu nanuewa. Nasaba' nuassemmi angkanaya yangasenna parannu tu Karisteng ri sikontu linoa sessa ngaseng tongi sangkamma ikau.

1 PETRUS 5:9 ပူးပေါင်းရင်းမြစ်များ

LUKAS 22:32

Mingka le'ba' mako Kupappala' doangang Simon, sollanna jarre' tappa'nu. Na punna ammotere' mako pole mae ri Nakke, musti nupakajarreki tappa'na sikamma sari'battannu.”

YOHANES 16:33

Kupau ngasengi anne mae ri kau, sollannu anggappa salewangang lanri asse're ngasengko siagang iNakke. Lasessako lalang ri linoa. Mingka jarreki pa'mai'nu! Le'ba'mi Kubeta anne linoa!”

LAMPA-LAMPANA 14:22

Napakajarre'mi atinna sikamma tau tappaka ri Isa ri anjo kota-kotaya. Napakainga'mi ke'nanga, sollanna tuli jarre' tappa'na mae ri Isa. “Musti jai rolong pa'risi' nikasia', nampa akkulle nikasia' mate'nea lalang ri Lino BeruNa Allata'ala,” kammami anjo napangngajarrang tunisuroNa Allata'ala mae ri sikamma tau tappakamo mae ri Isa, ri anjo kota-kotaya.

1 KORINTUS 10:13

Sikamma paccoba nukasiaka, sangnging paccoba samara' ngaseng nakasia' rupataua. Mingka tuli jarre'Na Allata'ala mae ri janjinNa. Tena nalaNabalang parekangko nicobai alla'bi battu ri pakkullenu. Punna natabako paccoba, Iami lassareko kajarrekang sollannu akkulle attahang.

EFESUS 4:27

Teako sarei kasampatang Billisika.

EFESUS 6:16

Kere-kere wattu parallui tuli nupake tappaka mae ri Batara a'jari sanrapang sanjata akkullea ampasalai sanjatana musua; iaminjo katappakkanga akkulle nupake ambunoi rinrana ana' panana kaja'dallanga.

KOLOSE 2:5

Nasaba' manna pole nakisikabellai, mingka nyawaku tuli niaki ri tangnga-tangnganu. Na sanna' rannuku ancinikko a'julu ati siagang majarre' tappa' mae ri Isa Almasi.

1 TESALONIKA 3:3

Sollanna tenanniakka manna sitau battu ri kau ammono'boko passabakkang sikamma anne kasessanta ngaseng. Kalennumi angngassengi, angkanaya anjo sikamma passessaya antama' memang tongi lalang ri ero' rancanaNa Allata'ala untu' ikatte.

1 TIMOTIUS 6:12

Usaha tojeng-tojengko untu' apa nupatappaka salaku tu Karisteng, kammayatompa parallui nugappa hadia sitojennaya siagang mannannunganga. Nasaba' untu' iaminjo Nanakiokko Allata'ala ri wattunna numangakui ri dallekanna taua angkanaya tappa' mako mae ri Almasi.

2 TIMOTIUS 3:12

Memang, lanisessa memangi sikamma tau eroka anynyomba ri Allata'ala siagang tau asse'rea siagang Isa Almasi lalang ri katallassanna;

2 TIMOTIUS 4:7

Le'ba'ma' sanrapang amminawang appa'lumba sibaji'-baji'na, siagang anrapi'ma' battu mae ri bassika. Tuli anna'gala' majarreka' lalang tappakku mae ri Isa sanggenna kale'bakkanna.

IBRANI 11:33

Lanri tappa'na ngaseng ke'nanga, nanabetamo sikamma karaeng ammarentaya. Nagaukangi ke'nanga apa-apa tojenga, sa'genna natarimamo apa Napa'janjianga Allata'ala. Natongkoki ke'nanga bawana singa-singaya,

IBRANI 12:8

Punna tena nunihukkung todong sangkamma yangasenna ana'-ana'Na maraenga, battuanna teaiko ana' tojeng-tojenNa.

YAKOBUS 4:7

Lanri kammana, tundu' mako mae ri Allata'ala, siagang ewai Billisika, sollanna lari Billisika battu ri kau.

1 PETRUS 1:6

Lanri kammana, paralluko rannu ri pa'mai'nu, manna pole kamma-kamma anne untu' sinampekang musti a'jari si'nai pa'mai'nu lanri a'rupa-rupana paccoba antujuko.

1 PETRUS 2:21

Untu' iami anjo naNakiokko Allata'ala. Nasaba' KalenNa Almasi le'ba' tommi angkasiaki kasessanga untu' ikau; na lalang kammana anjo Nasare mako conto sollanna nuturuki bateNa.

1 PETRUS 3:14

Mingka manna pole musti nukasia' kasessanga lanri nugaukanna apa-apa bajika, ikau upa' mako! Teako mallakki manna pole ri nai, siagang teako bata-batai.

1 PETRUS 4:13

Ba'lalo, parallui a'jari sannang pakkasia'nu lanri amminawannu todong angkasiaki sessaya siagang Almasi. Jari sallang, punna nipa'nyatamo kala'biranNa Almasi, larannu mako.

PAPPICINI' 1:9

Inakke Yohanes, sari'battannu ngaseng, nuaganga' a'julu sessa sangkamma nakasiaka sikontu tau amminawanga ri Almasi. Sa'barakki' angkasiaki kasessanga, lanri ikatte anne umma'Naki'. Nipelakka' mange ri Pulo Patmos passabakkang kupa'la'bangi pappasang battua ri Allata'ala, Napakajarreka Isa lalang ri kasa'bianNa.

PAPPICINI' 6:11

Nampa massing nisare ke'nanga silawara' juba kebo'. Le'baki anjo nisuromi ke'nanga ammari-mari sinampe', sa'genna angganna'mo jaina sikamma julu sipanjama-jamanna ke'nanga siagang sikamma sari'battanna ke'nanga, lanibunoa todong sangkamma ke'nanga.

PAPPICINI' 7:14

Appialima' angkana, “Takuassengai Karaeng. KalenTaji antu angngassengi.” Jari nakanamo pole mae ri nakke, “Yangasemmi anne tau le'baka nipasalama' battu lalang ri passessa sannaka heba'na. Le'ba'mi nasassa jubana ke'nanga siagang cera'Na anjo Ana' Gimbalaka sa'genna a'jari kebo'.