1 PETRUS 5:8 - KITTA' MATANGKASA'

⁸ Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.

1 PETRUS 5:8 ပူးပေါင်းရင်းမြစ်များ

ESTER 7:6

Appialimi Ester angkana, “Iaminne Haman ja'dala' siagang musu ansessayai ikambe!” Sanna'mi malla'na Haman anciniki karaenga siagang ratua.

AYUB 2:2

Akkuta'nammi Batara ri lapung Panggoda angkana, “Battu kemaeko?” Appialimi lapung Panggoda angkana, “Battua' a'la'bang ri kere-keremae, anjappai sikontu linoa.”

PAMMUJI 104:21

Singa-singa rungkaya ammarrammi amboyai apa lanakanrea, appala' kanre Napasadiaya Allata'ala.

PAMMUJI 109:6

Kiangka'mi se'rea tau ja'dala' untu' angngadeli, boli'mi kamma nitudu ri balinna.

PANGNGEBARANG 19:12

Larrona karaenga sanrapangi sa'ra arrunna singaya; kabajikanna karaenga sanrapangi saliu' ambasai timbo-timboanga.

PANGNGEBARANG 20:2

Larrona karaenga sanrapangi sa'ra arrunna singaya; tau ampakanassuai sangkammai nacilakai kalenna.

PANGNGEBARANG 28:15

Tau ja'dalaka ammarenta ri tau kakuranganga, sanrapangi singa ammarrunga sa'ranna yareka beruang a'bakkaya.

YESAYA 50:8

Saba' ma'reppeseki Allata'ala, Napa'nyatai angkanaya tena nakusala. Inai ero' angngaganga' a'gea'? Umba kipara maju assama-sama. Inai angngewa'? Suromi a'reppese' mae ri nakke.

YEREMIA 2:15

Ammarrummi sa'ranna musunna rapang sa'ra singa, nipa'jari roso'mi buttana natena apa-apa wassele'na, kota-kotana la'busuki nakanre pepe', nibalang parekang ta'ronang tena bonena.

YEREMIA 51:38

Ammammuki tu Babel rapang singa, siagang assa'ra kammai ana' singa.

YEHEZKIEL 19:7

Nalappoi tembo'-tembo' pattahangnganga, napanraki kota-kotaya. Annekkere'mi pandudu'na sikontu pa'rasanganga nalangngere'na sa'ranna a'gamarrunga.

YEHEZKIEL 22:25

Sikamma pamimpinna rapangi singa ammammuka ri le'ba'na angngokko' apa-apa. Nabunoi ke'nanga ra'yaka, narampasaki sikontu barang-barang siagang kakalumanynyangngang nabuntuluka siagang jai tubaine janda napakamma ke'nanga.

DANIEL 6:24

Teai sipato' sannanna nyawana karaenga siagang naparentakammi sollanna nipasulu' Daniel battu ri anjo leanga. Le'baki anjo parentaya nigaukang, a'nassami angkanaya tena manna sike'de' loko' nigappa ri kalenna Daniel, lanri tappa'na mae ri Allata'ala.

HOSEA 11:10

Nakana Batara, “UmmakKu lamminawangi ri Nakke punna ammarrung sa'rangKu rapang singa siagang Kupannekkere' musunna ke'nanga. Lakkaro-karoi ummakKu nia' battu lau' untu' anynyomba ri Nakke.

HOSEA 13:8

SanrapangA' beruang tappelaka ana'na lambakkaiko. LaKukae-kaeko. RapangA' singa lambakkaiko ri tampa'nu, siagang rapangA' olo'-olo' sekke' laKukae-kaeko.

YO"EL 3:16

Ammammuki Batara battu ri Sion, iamintu bulu'Na; battu ri Yerusalem a'gunturu' sa'ranNa. Langika siagang buttaya ta'goccangi napakamma. Mingka tuli laNaalleangngangi siagang Najagai Batara iamintu Israel, umma'Na.

AMOS 1:2

Iaminne napabattua Amos, “Ammammuki Batara battu ri Bulu' Sion, a'gamarrungi sa'ranNa battu ri Yerusalem. Sikamma parang rukuka a'jari kalotoroki, rukuka ri Moncong Karmel kalotoro' taba sikali.”

AMOS 3:4

Maka lammammuki singaya ri romanga, punna tena nanggappa kanre? Maka lammammuki ana' singaya battu ri leanna punna tenapa apa-apa nagappa?

AMOS 3:8

Punna ammammu' singaya, inaimo tena namalla'? Punna a'bicara Batara Kaminang Tinggia, inaimo akkulle ammakkang siagang taeroka ampa'la'bangi pasanNa?

ZAKHARIA 11:3

Pilangngeri piraunna sikamma tukoasaya, lanynya'mi kalompoanna ke'nanga! Pilangngeri sa'ra ammammu'na singa-singaya ri romang; nasaba' panra'mi pammantanganna ke'nanga ri sikontu birinna Binanga Yordan.

ZAKHARIA 3:1

Lalang ri paccini' maraengannaya pole, Napappicinikangi Batara mae ri nakke Imang Malompoa Yosua, sitabanga ammenteng ri dallekanna malaeka'Na Batara. Ri sa'rinna Yosua, niaki Setanga sadia untu' antudui kalenna Yosua.

MATIUS 13:39

Na ia musu appakioroka rea iamintu Billisika. Wattu pakkattoanga, iamintu Allo Kiamaka, na anjo tau akkattoa, iamintu sikamma malaekaka.

MATIUS 24:42

Jari a'jaga-jagako, nasaba' tena nuassengi ringngapanna nalabattu Bataranu.

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

MATIUS 4:1

Le'baki anjo, nierammi Isa ri RohNa Allata'ala mange ri parang lompoa, sollanna niso'ri ri billisika.

MATIUS 4:11

Kala'busanna, a'lampami Billisika ambokoi Isa. Nampa battumi malaeka'-malaekaka allayani Isa.

MARKUS 4:15

Anjo bine tu'guruka ri aganga, iaminjo pangngebaranna tau allangngerekai kabaraka ri passala'na antekamma batena ammarenta Allata'ala, mingka tanapahangai. Mingka kamma nalangngere'na ke'nanga battumi Billisika angngallei anjo apa le'baka nipakioro' lalang ri atinna ke'nanga.

LUKAS 21:34

“Jagai kalennu, gassingka sangnging assua'-suaraka, angnginung inungang terasa', yareka sangnging passala' katallassannu bawang nunawa-nawa, sa'genna tena nusadia natanusanna-sannaya nabattumo anjo wattua.

LUKAS 21:36

A'jaga-jagako, siagang tuli appala' doangko sollanna numajarre' andallekangi sikamma anjo apa lakajarianga, siagang nukkulle andallekang ri Ana' Ma'rupataua.”

LUKAS 22:31

Nakanamo Isa mae ri Simon, “O Simon, o Simon, pilangngeri sai! Nikellaimi Billisika anso'ri ngasengko. Sangkamma punna nipasisa'la' asea siagang awanna, kamma tomminjo lanipasisa'laki bajika siagang kodia.

YOHANES 8:44

Ia manggenu iamintu Billisika, naia eroka nuturuki iamintu ero'na manggenu. Battu ri uru-urunaji napabuno memang anjo Billisika. Tena le'bakai mae ri katojenganga, lanri tena katojengang ri kalenna. Punna a'balle-balle, anjo biasa memanji ri ia, nasaba' kamma memanjinjo sipa'na. Iami paballe-balle, siagang iami nakabattui sikontu balle-ballea.

2 KORINTUS 2:11

Nakugaukang anjo kammaya, sollanna takkullea Billisika anggappa kasampatang angkoasaiki'; nasaba' niassemmi sikamma ero'na anjo Billisika.

EFESUS 4:27

Teako sarei kasampatang Billisika.

EFESUS 6:11

Pake ngasengi sikontu sanjata Napassareanga Allata'ala mae ri kau; sollannu akkulle attahang angngewai sikamma akkala' salana Billisika.

1 TIMOTIUS 2:15

Mingka manna nakamma, lanipasalamaki tubainea lalang allassukanna ana', assala' napakatunai kalenna natuli tappa' mae ri Almasi, siagang tuli nakamaseangi paranna tau, kammayatompa napassareang katallassanna mae ri Allata'ala bawang.

1 TIMOTIUS 2:9

Kukellai tongi tubai'-bainea sollanna tena nata'liwa'-liwa' dudu batena a'mode yareka ammake pakeang. Teako ta'liwa' dudu batenu ammodei uu'nu yareka ambelo-beloi kalennu siagang bulaeng yareka mutiara, yareka pakeang-pakeang ka'jalaka ballinna.

1 TIMOTIUS 3:11

Bainenna ke'nanga musti tau baji' todong, teai tu nangaia appasilemba-lemba bicara. Musti naassengi ke'nanga ampakalewai kalenna, siagang musti lambusuki ke'nanga ala ri apa-apa mamo.

1 TIMOTIUS 3:2

Se'rea pamimping jama'ah, musti tau tena callanna, se'reji bainenna, naassengi napakalewa kalenna, annabai siagang angngassengi atorang; nangai annarimaya tau ri balla'na, akkullei angngajaraki taua;

2 TIMOTIUS 4:17

Mingka Narurunganga' Batara. Nasarea' kagassingang sa'gengku akkulle ambirittakangi sikontu anjo Kabara' Bajika, sollanna akkulle nalangngere' ngaseng bansa-bansa maraenga. Siagang ta'lappasa'ma' battu ri bahayana kamateanga.

TITUS 1:8

Musti nangai annarimaya tau ri balla'na, nangai apa-apa kabajikanga, naassengi napakalewa kalenna, lambusuki, tangkasaki siagang ta'atoroki lalang ri katallassanna.

TITUS 2:12

Anjo lammoro' pangngamaseanNa Allata'ala eroki angngajarakki' sollanna tenamo nasisala katallassanta siagang ero'Na Allata'ala, siagang tenamo naniturukiang kaerokanna pakkalinoanga. Niajarakki' sollanta niasseng ampakalewai kalenta, lambusu' siagang anynyomba mae ri Allata'ala lalang ri katallassanta.

TITUS 2:2

Pakaingaki tau toa bura'nea sollanna naasseng ampakalewai kalenna ke'nanga lalang ri katallassanna, bajiki siagang napakalewai kalenna; sollanna annaba cara tallasa'na salaku tu nipangngaliki. Musti anna'gala' jarreki ri ajarang tojeng battua ri Allata'ala, attojeng-tojengi mangngamaseang, siagang sa'baraki angkasiaki kasessanga.

TITUS 2:4

sollanna lalang ri kammanami anjo nakkullemo naajara' bai'-baine loloa untu' angkamaseangi bura'nenna siagang ana'-ana'na,

TITUS 2:6

Kammayatompa, pakainga' tongi sikamma tau rungkaya sollanna a'jari tau annaba.

YAKOBUS 4:7

Lanri kammana, tundu' mako mae ri Allata'ala, siagang ewai Billisika, sollanna lari Billisika battu ri kau.

1 PETRUS 1:13

Lanri kammana, paralluko tuli a'jaga-jaga. Tutuko siagang manrannuang tojeng-tojengko mae ri barakka' lanipassareanga mae ri kau ri wattunna battu Isa Almasi sallang.

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.

PAPPICINI' 12:10

Nampa nia' kulangngere' sa'ra lompo ri suruga angkana, “Iaminne wattunna Napasalama' Allata'ala umma'Na! Kamma-kamma anne Napappicinikammi kakoasanNa Allata'ala salaku Karaeng! Kamma-kamma todong minne naNapappicinikang kakoasanNa anjo Karaeng Mappasalama' nipa'janjianga! Nasaba' nipasulu'mi battu ri suruga anjo antuduai allo bangngi sari'battanta ri dallekanNa Allata'ala.

PAPPICINI' 12:12

Lanri kammana, parallui ma'rannu-rannu surugaya siagang sikontu tau niaka ammantang lalang! Mingka cilakami buttaya siagang tamparanga, nasaba' naummi Billisika mae ri kau sanna' larrona, lanri naassenna angkana sinampe' mami wattunna.”

PAPPICINI' 12:9

Nipela'mi anjo naga lompoa assulukang! Iami anjo ulara' toaya niarenga Billisi' yareka Roh Ja'dalaka, antipuai sikontu linoa. Nipela'mi naung ri linoa siagang sikontu malaeka'na.

PAPPICINI' 20:10

Nampa nipasambila anjo Billisi' antipuai ke'nanga antama' ri tamparang pepeka siagang bara a'rinraya. Anjoremmi rolong nipela' anjo olo'-oloka siagang na'bi takontutojenga. Tammari-mariai ke'nanga lanisessa allo bangngi sa'genna satunggu-tungguna.

PAPPICINI' 20:2

Nampa najakkala' anjo nagaya, anjo ulara' toaya – iamintu Billisika yareka Roh Ja'dalaka – nampa nasikko' untu' sisa'bu taung sallona.

HAKING-HAKING 14:5

Jari a'lampami Simson siagang tau toana mange ri Timna. Lalang allalona ke'nanga ri se'reang koko anggoro', assiruppami Simson siagang sikayu singa rungka. Assa'ra ammarrummi anjo singaya,