1 PETRUS 4:6 - KITTA' MATANGKASA'

⁶ Iaminjo saba'na nanibirittakang tommo Kabara' Bajika mae ri sikamma tau matea. Pattujunna iamintu sollanna anjo tau le'bakamo niadeli tubuna – sangkamma yangasenna taua laniadeli – akkullemi attallasa' rohanina ke'nanga situru' ero'Na Allata'ala.

1 PETRUS 4:6 ပူးပေါင်းရင်းမြစ်များ

MATIUS 24:9

Siagang lanijakkalakko nunipassareang nisessa nampa nibuno. Lanikabirisiko ri sikontu bonena linoa, lanri amminawangko ri Nakke.

ROMA 8:2

Nasaba' hukkung battua ri RohNa Allata'ala ampasileoki katallassanta siagang Isa Almasi; Iami allappassangki' battu ri hukkung angngerangaki' mae ri dosaya siagang kamateanga.

GALATIA 2:19

Mingka le'ba'ma' mate mae ri hukkung-hukkung agamaya – iaminjo hukkung agamaya ambunoa' – sollangku akkulle attallasa' untu' Allata'ala. Le'ba'ma' nipasisalli' siagang Almasi.

GALATIA 5:25

Nasare maki' RohNa Allata'ala katallassang beru; jari musti Ia tommi angkoasai sikontu katallassanta.

1 PETRUS 1:12

Napaumi Allata'ala mae ri anjo na'bi-na'bia angkanaya anjo apa nagaukanga ke'nanga teai untu' kaparalluang kalenna ke'nanga, passangalinna untu' kaparalluannu; iamintu apa-apa singarakamo nulangngere'na kamma-kamma anne battu ri sikamma tau ambirittakangai anjo Kabara' Baji' ri passala'na Isa Almasi. Napabattumi ke'nanga anjo kabaraka mae ri kau ngaseng lalang koasaNa RohNa Allata'ala, nikiringa battu ri suruga. Ba'lalo manna sikamma malaekaka ero' tongi angngassengi anjo kabara' nabirittakanga ke'nanga.

1 PETRUS 3:18

Nasaba' le'ba'mi sikali mate Almasi untu' satunggu-tungguna passabakkang dosana rupataua; Ia tena salanna mingka matemi untu' tau salaya. Nagaukammi Almasi kammaya anjo sollannu akkulle Narurungang ngaseng mae ri Allata'ala. Nibunomi tubuNa, mingka nipattallasa' poleammi ammotere' katallassang rohaniNa.

1 PETRUS 3:19

Iaminjo RohNa a'lampa ambirittakangi biritta battua ri Allata'ala mae ri roh-roh nitarungkua:

PAPPICINI' 14:18

Le'baki anjo, nia'mo pole se're malaeka' maraengang, iamintu malaeka' makoasaya ri pepeka, battu ri tampa' pakkoro'bangnganga. Akkio' lompomi mae ri anjo malaeka' anna'galaka kandao tarang angkana, “Soeammi kandaonu nanukere' ngaseng sikontu rapponna anggoroka ri buttaya, nasaba' ti'no' ngasemmi rapponna!”