1 PETRUS 4:2 - KITTA' MATANGKASA'

² Lanri kammana, paralluko anturuki ero'Na Allata'ala lalang tallasa' lanudallekanga pole, ri anne linoa siagang teai kaerokang rupatau nuturuki.

1 PETRUS 4:2 ပူးပေါင်းရင်းမြစ်များ

PAMMUJI 143:10

Ajaria' anggaukangi erotTa, saba' iKattemi Allata'alaku. IKatte baji' pa'mai' lanrenrenga' mange ri oloang lapparaka.

HOSEA 6:7

Mingka sangkamma Adam, nudakkai janjinnu mae ri Nakke.

MATIUS 12:50

Inai-nai anggaukangi ero'Na ManggeKu ri suruga, iami siratang a'jari sari'battangKu, siagang siratanga a'jari ammakKu.”

MATIUS 20:4

Nakanamo ri ke'nanga, ‘A'lampamako mange anjama ri koko anggorokku, nakubayarakko siapa siratanga.’

MATIUS 21:31

Jari kamma-kamma anne antekamma panggappanu? Kereanga anjo ana' ruaya anggaukangi napassuroanga manggena?” Appialimi imang-imang kapalaya siagang pamimping-pamimpinna tu Yahudia angkana, “Anjo ana'na toaya.” Jari Nakanamo pole Isa ri ke'nanga, “Patappa'mi angkanaya: Rioloangangi sallang parentea siagang bai'-baine ja'dalaka a'jari umma'Na Allata'ala kala ikau ngaseng.

MATIUS 7:21

“Tayangasenga tau akkioka ri Nakke angkana, ‘O, Batara, o, Batara,’ la'jari umma'Na Allata'ala; mingka iaji bawang tau anggaukangai ero'Na ManggeKu ri suruga.

MARKUS 3:35

Inai-nai anggaukangi ero'Na Allata'ala, iami sari'battangKu bura'ne, sari'battangKu baine, kammayatompa iami ammakKu.”

MARKUS 7:21

Nasaba' battu lalammi, iamintu battu lalang ri nyawana, ammumba ngaseng pikkirang-pikkirang kodia nakkulle taua a'gau' sala, a'lukka', ammuno,

YOHANES 1:13

teai lanri ri rupataua nanilassukang, nasaba' Allata'ala nakabattui anjo katallassang berua.

YOHANES 7:17

Inai-nai ero' anturuki ero'Na Allata'ala, lanaassengi angkanaya pangngajarang battu kemae anjo Kupangngajaranga. Apaka pangngajarang battu ri Allata'ala yareka pangngajarang battu ri KalengKu.

ROMA 12:2

Teako amminawangngi ri atorang-atoranna anne linoa. Boli'mi kamma na Allata'ala ampa'jari berui sipa'-sipa' niaka ri kalennu, sollannu akkulle tappinra. Lanri kammanapi anjo nampa akkulle nuasseng apa Nakaerokanga Allata'ala – iamintu apa nikanaya baji', siagang sukkuka ganna'na, kammayatompa nikarannuanga ri atinNa Allata'ala.

ROMA 14:7

Tenanniakka tau attallasa' untu' kalenna bawang; siagang tenanniakka tau lamate untu' kalenna bawang.

ROMA 6:11

Ikau ngaseng pole, musti nupasangkamma tongi angkanaya matemi kalennu lalang ri dosa-dosaya, mingka attallasa' poleang mako ammotere' nusijarreki siagang Allata'ala tete ri Isa Almasi.

ROMA 6:2

Tantu tena! Nasaba' tenamo nanakoasaiki' dosaya. Jari apa saba'na natuli lanigaukang dosaya lalang ri tallasatta?

ROMA 7:4

Sangkamma ngaseng tomminjo mae ri kau, sari'battangku ngaseng. Sanrapang mate ngaseng mako mae ri hukkung agama Yahudia lanri nipasileo'mi tallasa'nu siagang Isa Almasi, le'baka attallasa' ammotere' battu ri kamateanga; Iami ampatangi katallassannu. Nipattallasa' poleangi ammotere' battu ri kamateanga, sollanna akkulle a'jari a'matu-matu katallassanta mae ri Allata'ala.

2 KORINTUS 5:15

Matemi Almasi untu' sikontu rupataua, sollanna punna attallasa' rupataua, tenamo nauntu' kaparalluang kalenna bawang punna attallasa'; passangalinna untu' Almasi, iamintu le'baka mate siagang nipattallasa' poleanga ammotere' untu' kaparalluanna ke'nanga.

EFESUS 2:3

Riolo sangkamma ngaseng tongki' anjo ke'nanga; amminawang turukki' mae ri sipa'-sipa' rupatauta, siagang iaji nigaukang apa akkullea ampakasannangi tubuta siagang pikkirang ja'dalatta. Anjo wattua nataba tongki' pangngalarroiNa Allata'ala, sangkamma tau maraenga.

EFESUS 4:17

Lanri kammana, nasaba' arenNa Batara, iaminne lakupaua siagang lakupattantua: tea' mako attallasa' sangkammai pole tau tenayapa natappa' ri Allata'ala, siagang tau tenaya nannaba-naba pikkiranna.

EFESUS 5:17

Teako dongoki, mingka pappilajari apa Nakaerokia Batara.

EFESUS 6:6

Teako angkanaya nijagaipako nampa nugaukang anjo kammaya, lanri ero'nuji nipalece ri rupataua. Mingka parallui nugaukang sangkamma atanNa Almasi, mannurukia ri ero'Na Allata'ala sikalepu pa'mai'.

KOLOSE 1:9

Iaminjo saba'na nakituli ampappala' doangangko appakkaramula ri nilangngere'na kabara'nu. Kipalaki mae ri Allata'ala sollannu Nasare RohNa Allata'ala kacara'dekang siagang pangngassengang sollanna nupahang baji' apa Nakaerokia Allata'ala.

KOLOSE 3:3

Nasaba' le'ba' mako mate, nataccokko tallasa'nu siagang Almasi lalang ri Allata'ala.

KOLOSE 4:12

Sallang battu ri Epafras. Anne Epafras tau battu antureng tonji. Pajama-jamaNa tongi Isa Almasi, tenaya lanrena tuli ampappala' doangangko. Sanna' napala'na mae ri Allata'ala, sollanna pila' jarre' tappa'nu siagang a'jari toa tojeng pikkirang rohaninu; sollannu a'jari sukku' mannurukinnu mae ri ero'Na Allata'ala.

1 TESALONIKA 5:18

Lalang yangasenna katallassannu paralluko tuli appala' sukkuru'; nasaba' iaminjo Nakaerokanga Allata'ala mae ri kau salaku tau ampakase'reai katallassanna siagang Isa Almasi.

IBRANI 13:21

Poro Allata'ala, iamintu kabattuanna barakka' kasalewanganga ampassukku' ngasengko siagang sikontu apa-apa baji', nuparalluanga untu' anggaukangi ero'Na. Poro tete ri Isa Almasi, naNagaukang Allata'ala lalang ri kalenta apa Nakaerokia. Poro tuli nipuji-puji Almasi sa'genna satunggu-tungguna! Aming.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.

1 PETRUS 1:14

Mappilangngeriko mae ri Allata'ala, siagang teako turukiangi ero'nu rioloa, ri wattunna tenapa nuassengi Allata'ala.

1 PETRUS 2:1

Lanri kammana, pela'mi sikontu apa ja'dalaka battu ri kalennu; tea' mako a'balle-ballei pole, siagang tea' mako assara-sarai. Teako pakimburui, siagang teako hinai parannu tau.

1 YOHANES 2:17

Anne linoa siagang sikontu apa-apa niaka lalanganna, ia nakaerokia rupataua, kamma-kamma anne lanynya'mi. Mingka inai mappilangngeri ri ero'Na Allata'ala, tuli lattallasaki sa'genna satunggu-tungguna.