1 PETRUS 4:15 - KITTA' MATANGKASA'

¹⁵ Tea' laloko niakki angkasiaki sessaya lanri ammunonu, yareka lanri a'lukka', yareka lanri a'gau' ja'dala', yareka lanri napantama'-tamakkinna urusanna tau maraenga.

1 PETRUS 4:15 ပူးပေါင်းရင်းမြစ်များ

KALAPPASSANG 22:2

Musti nasambei anjo barang nalukkaka. Punna tena apa-apanna, ia kalenna lanibalukang a'jari ata untu' ansambei anjo barang le'baka nalukka'. Punna sapi anjo barang nalukkaka, yareka keledai, yareka gimbala', nampa nipanggappai anjo taua nattallasa' ija anjo baranga, musti nasambei tassikayua olo'-olo' siagang ruang kayu olo'-olo'. Punna ri wattu bangngina nanijakkala' sitaua palukka' lalang balla', nampa nibuno anjo palukkaka, anjo tau ambunoai tena nasala. Mingka punna allo nakajariang anjo passalaka, anjo tau ambunoai salai.

MATIUS 5:11

Kate'neangi punna nicallako, yareka nisessako siagang nipassalako passabakkang iNakke.

1 TESALONIKA 4:11

Usahako sollanna nupakasannang tallasa'nu, siagang teako pantama'-tamakki kalennu ri urusanna tau maraenga. Paralluko anjama, nanuboya lanukatallassanga, sangkamma le'baka naparentakang ikambe mae ri kau ngaseng ri pirangalloang.

2 TESALONIKA 3:11

Akkana kammami anne ikambe lanri nalangngere'na ikambe angkanaya nia' siapa are jaina tau ri alla'nu a'mala'-malasa' lalang ri katallassanna. Sangnging urusannaji tau maraenga napantama'-tamakki, siagang tena manna sirupa jama-jamang nagaukang.

1 TIMOTIUS 5:13

Nampa pole napela'-pela' salami wattunna ke'nanga assulu' antama' ri balla'na taua. Siagang la'bi kodianganga pole, iamintu appilajara'mi ke'nanga ambotto'-bottoki arenna taua; siagang napantama'-tamakki urusanna tau maraenga, kammayatompa nabicarami apa-apa tenaya nasiratang nibicara.

2 TIMOTIUS 2:9

Lanri kubirittakannamo Kabara' Bajika, nakukasia'mo kasessanga; ba'lalo nirantema' sangkamma tau sannaka ja'dala'na. Mingka anjo kana-kananNa Allata'ala takkulleai nirante.

1 PETRUS 3:14

Mingka manna pole musti nukasia' kasessanga lanri nugaukanna apa-apa bajika, ikau upa' mako! Teako mallakki manna pole ri nai, siagang teako bata-batai.

1 PETRUS 3:17

Bajikangangi sessaya lanri a'gau' baji' – punna Nakaerokang Allata'ala – naia sessaya lanri a'gau' ja'dalaka.