1 PETRUS 4:14 - KITTA' MATANGKASA'

¹⁴ Upakko punna nihinako lanri tappa'nu mae ri Almasi. Punna kamma anjo, battuanna nia'mi ri kau Roh Mala'birika, iamintu RohNa Allata'ala.

1 PETRUS 4:14 ပူးပေါင်းရင်းမြစ်များ

1 KARAENG-KARAENG 10:8

Teai sipato' upa'na ngaseng anjo bainenta! Siagang teai sipato' upa'na sikamma pagawe-pagawe tuli anjamaya untu' ikatte sa'genna akkulle nalangngere' battu ri kalenta sikontu pangngajarang pangngassengang tinggia mabajika.

2 KARAENG-KARAENG 2:15

Anjo limampuloa na'bi naciniki anjo apa kajarianga, nampa nakana ke'nanga, “A'lette'mi koasana Elia mae ri Elisa!” Battumi ke'nanga mange ri Elisa nampa su'ju' ke'nanga ri dallekanna

PAMMUJI 146:5

Mate'nei tau manrannuanga ri Karaeng Allata'alana, ampatangai Allata'alana Yakub a'jari pannulunna.

PAMMUJI 49:9

Manna apa nasareangi talagannaki; ta'lalo ka'jala'na lanipasulukangi nyawana,

PAMMUJI 89:51

Kiu'rangi o, Batara, antekamma batena nicalla anne atanTa, kukasiaki nihinaya ri jai bansa.

YESAYA 11:2

KoasaNa Batara langngului, ampa'jari baji' akkalaki siagang cara'deki, porei angngalle kaputusang nampa nagaukang; angngassengi ero'Na Allata'ala siagang mappilangngeri ri Ia.

YESAYA 25:8

LaNaancuruki Batara Kaminang Makoasaya anjo kamateanga sa'genna satunggu-tungguna! LaNasapui sikamma je'ne' mataya battu ri rupaya, siagang Napakabella kahinanga ia natanggonga umma'Na ri sikontu buttaya. Batara anne le'ba' akkana kamma, na mattantu lakajarianna anjo passalaka.

YESAYA 51:7

PilangngeriA', he bansaKu, nuassengi apa annabaya; ajarangKu nuboliki lalang ri atinnu. Teako mallakki punna nicau-cauko ri rupataua, teako lussakki punna nahinako ke'nanga.

MATIUS 5:11

Kate'neangi punna nicallako, yareka nisessako siagang nipassalako passabakkang iNakke.

MATIUS 5:16

Kamma todong minjo alarapanna singara'nu, parallui accaya ri dallekanna tau jaia; sollanna nacini' gau' baji'nu, na napakala'biri' Allata'ala Manggenu niaka ri suruga.”

LUKAS 6:22

Mate'ne ngasengko punna nikabirisiko, punna nisorongbokoko, punna nihinako, siagang nipitinako passabakkang Ana' Ma'rupataua!

YOHANES 15:21

Lanagaukang ngasengi anjo kammaya mae ri kau, lanri amminawannu ri Nakke, siagang lanri tenana naassengi ke'nanga angkana inai assuroA'.

YOHANES 8:48

Appialimi anjo tu Yahudia ri Isa angkana, “Sai kammatojengi kananna ikambe angkanaya ikau mintu tu Samaria nasosoka setang?”

YOHANES 9:28

Napakkanaimi ke'nanga anjo taua siagang nakana, “Ikau mintu tau amminawanga ri Ia; ikambe tena! Ikambe Na'bi Musa nipinawang.

YOHANES 9:34

Appialimi ke'nanga angkana, “Apa? Ikau tau dorakaya memang battu ri pakkaramula lassu'nu ero' angngajaraki ikambe?” Pakkaramula anjo wattua tenamo nanikellai anjo taua antama' ri balla' sambayanga.

LAMPA-LAMPANA 13:45

Ri wattunna nacini' tu Yahudia anjo tau jaia, sanna'mi akkimburuna lalang atinna ke'nanga. Nahinami Paulus, siagang nageakki ngasemmi anjo apa napabattua.

LAMPA-LAMPANA 18:6

Mingka lanri tuli nigeakkinna siagang tuli nicallana Paulus ri taua, napatu'du'mi bangkenna siagang napaba'basa'mi pakeanna sollanna a'lesang limbu'bu'na; iaminjo a'jari pammatei siagang pappakainga' ri kasalanna ngaseng ke'nanga. Nakanamo Paulus, “Punna cilakako, passala' kasalannu ngaseng tonji! Pantarang limangkuko! Pakkaramula ri kamma-kammaya anne la'lampa mangema' ri bansa-bansa maraenga.”

LAMPA-LAMPANA 28:22

Mingka ero' tonjaki' anne allangngereki anjo apa nupatappaka, nasaba' nalangngere'mi ikambe antekamma batena nicalla anjo ajarang nupatappaka.”

LAMPA-LAMPANA 5:41

A'lampami anjo sikamma tunisuroNa Allata'ala ambokoi anjo sidang Pangadelang Agamaya. Sanna' ngaseng rannuna ke'nanga, lanri nipassiratammi ri Allata'ala ke'nanga angkasiaki paccallaya, lanri arenNa Isa.

2 KORINTUS 12:10

Jari kukarannuang tongi anjo sikamma kalammangku. Kukarannuang tongi punna lanri Almasi nakunitudu tarigaukku, punna natujua' susa, punna niondanga' ri kere-keremae, kammayatompa punna natujua' kasukkarang lanri Almasi. Nasaba' punna lamma kukasia', iaminjo wattua nakugassing.

2 KORINTUS 4:10

Tuli niaki nikasia' kamateanNa Isa ri kalenna ikambe. Sollanna a'nyata todong katallassanNa ri tubuna ikambe.

2 KORINTUS 4:16

Lanri kammanami anjo natena natappu' panrannuang ikambe. Manna pole pila' panra' katallassang lahere'na ikambe, mingka tuli beruna allo-allo katallassang lalanga ri atinna ikambe.

GALATIA 1:24

Jari, ammuji-mujimi ke'nanga ri Allata'ala, passabakkang inakke.

IBRANI 11:26

Naassengi Musa angkanaya la'bi lompoangangi anggaranna nipakatunaya lanri Karaeng Mappasalama' Napa'janjianga Allata'ala, naia anggappaya sikamma kakalumanynyangang battu ri butta Mesir; nasaba' pahala untu' allo ri bokoa narannuang Musa.

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

YAKOBUS 5:11

Nigallara'mi ke'nanga tau sunggu, lanri sa'bara'na ke'nanga. Nulangngere' tommi kasa'barranna Ayub, siagang nuasseng tommi antekamma batena nibarakkaki ri Batara, ri kale'bakkanna. Nasaba' teai sipato' baji' pa'mai'Na siagang lompo pangngamaseanNa Batara.

1 PETRUS 2:12

Musti sannaki nubajikinna panggaukannu ri tangnga-tangngana tau tenaya naassengi Batara. Sollanna punna napitinako ke'nanga angkana tau ja'dalakko, mingka musti napakkontutojengi panggaukang-panggaukang baji'nu; sa'genna lanapuji sallang ke'nanga Allata'ala, ri allo kabattuanNa.

1 PETRUS 3:14

Mingka manna pole musti nukasia' kasessanga lanri nugaukanna apa-apa bajika, ikau upa' mako! Teako mallakki manna pole ri nai, siagang teako bata-batai.

1 PETRUS 3:16

Mingka gaukangi anjo siagang tuna pa'mai'nu yareka siagang baji'. Siagang parallui ci'nong ati mailalannu, sollanna punna nipitinako lanri tappa'nu mae ri Almasi lalang tallasa'nu, lasiri'-siri'mi mae ri kalenna anjo tau ampitinayako.

1 PETRUS 4:16

Mingka punna nukasia' sessaya lanri Karistennu, teako siri'-siriki lanri anjo passalaka. Appala' sukkurukko mae ri Allata'ala, angkanaya nuerammi arenNa Almasi.

2 PETRUS 2:2

Mingka manna nakamma, lajai tau ampinawangi katallassanna anjo guru takontutojenga, nikoasaia ri hawa napasuna ke'nanga. Siagang lanri panggaukanna anjo gurua najaimo tau naturungang anghinai Oloang Katojengang mangea ri Allata'ala.