1 PETRUS 4:12 - KITTA' MATANGKASA'

¹² Sikamma sari'battangku, sannaka kukarimangnginna! Kamma-kamma anne sanna' sessanu lanri niujiko. Mingka teako lannasakki, sangkamma angkana nia' apa sanna' heba'na kajariang mae ri kalennu.

1 PETRUS 4:12 ပူးပေါင်းရင်းမြစ်များ

KATO'BA 5:8

Ba'lalo manna karaenga tanjeng tongi mae ri wassele' kattoa.

YESAYA 28:21

Lammentengi Batara sangkamma ri Moncong Perazim. Laberjuangi sangkamma ri Lappara' Gibeon untu' anggaukangi pattujunNa, iamintu pattujuang appakalannasaka mae ri rupataua! LaNagaukangi jama-jamanNa appakalannasaka.

DANIEL 11:35

Sipa'gang battu ri anjo pamimping-pamimping cara'deka lanibunoi, mingka anjo kammaya a'jari paccobai mae ri umma'Na Allata'ala sollanna a'jari matangkasa' ke'nanga. Anjo kammaya lakajariangi sa'genna narapi' kala'busang jammanga, iamintu jammang le'baka Napattantu Allata'ala.

1 KORINTUS 10:13

Sikamma paccoba nukasiaka, sangnging paccoba samara' ngaseng nakasia' rupataua. Mingka tuli jarre'Na Allata'ala mae ri janjinNa. Tena nalaNabalang parekangko nicobai alla'bi battu ri pakkullenu. Punna natabako paccoba, Iami lassareko kajarrekang sollannu akkulle attahang.

1 KORINTUS 3:13

Sikontu apa-apa le'baka najama taua, massing lakacinikangi sallang punna battu poleang Almasi. Nasaba' pepe' sallang lampa'nassa ngasengi apa-apa massing le'baka nagaukang rupataua. Pepe' lanipake angnguji siagang ampattantui baji'-kodina anjo jama-jamanga.

2 TIMOTIUS 3:12

Memang, lanisessa memangi sikamma tau eroka anynyomba ri Allata'ala siagang tau asse'rea siagang Isa Almasi lalang ri katallassanna;

1 PETRUS 2:11

Sikamma sari'battangku, sannaka kukarimangnginna! Ikau teaiko tuma'buttana anne linoa; ikau tau battu-battu jako. Lanri kammana, kupala' tojeng-tojengi mae ri kau sollanna tena nanuturuki hawa napasu rupataua, tuli ambundukiai nyawaya.

1 PETRUS 4:4

Kamma-kamma anne lannasa'mi tau tenaya natappa' ri Batara, lanri tenamo nuturuki ke'nanga angkasiaki panggaukang dosaya lalang kara'massanga. Iaminjo saba'na nanahina mako ke'nanga.

1 PETRUS 5:9

Jarreki tappa'nu nanuewa. Nasaba' nuassemmi angkanaya yangasenna parannu tu Karisteng ri sikontu linoa sessa ngaseng tongi sangkamma ikau.