1 PETRUS 4:1 - KITTA' MATANGKASA'

¹ Lanri le'ba'mi Nakasia' Almasi kasessanga lalang ri TubuNa, musti nupakajarre' tommi kalennu ri pammetang kammaya anjo. Nasaba' inai-nai angkasiaki kasessanga lalang ri tubuna, tenamo nagaukangi dosaya.

1 PETRUS 4:1 ပူးပေါင်းရင်းမြစ်များ

YESAYA 1:16

Bissaimi kalennu sa'genna tangkasa'. Pammari ngasengi anjo sikamma kaja'dallang nugaukanga. Iyo, tea mako a'gau' ja'dalli pole,

YEHEZKIEL 16:41

Lanatunui ke'nanga sikamma balla'nu nampa nasuro sikamma tubai'-bainea anciniki anjo hukkunganga. Kammami anjo bateKu lampamariko ri gau' bawannu. Tenamo nula'bage-bage hadia mae ri sikamma tanrinnu.

MARKUS 3:3

Nakanamo Isa ri anjo tau mate sialia limanna, “Maeko anrinni, ammenteng ri dallekang.”

ROMA 6:11

Ikau ngaseng pole, musti nupasangkamma tongi angkanaya matemi kalennu lalang ri dosa-dosaya, mingka attallasa' poleang mako ammotere' nusijarreki siagang Allata'ala tete ri Isa Almasi.

ROMA 6:2

Tantu tena! Nasaba' tenamo nanakoasaiki' dosaya. Jari apa saba'na natuli lanigaukang dosaya lalang ri tallasatta?

ROMA 6:7

Nasaba' punna matemo taua, nilappassammi battu ri koasana dosaya.

GALATIA 2:20

Kamma-kamma anne teaimi kalengku attallasa' mingka Almasi attallasa' ri kalengku. Anne katallassang niaka ri nakke kamma-kamma anne, iamintu katallassang matappa' mae ri Ana'Na Allata'ala, mangngamaseanga ri nakke, siagang le'baka angkoro'bangkangi KalenNa untu' katallassangku.

GALATIA 5:24

Inai-nai a'jarimo taunNa Almasi, matemi sipa'-sipa' rupatauna siagang sikamma ero' napasu rupatauna.

EFESUS 6:13

Lanri kammana, anne kamma pake ngasemmi sikontu sanjataNa Allata'ala sollannu akkulle angngewai musua ri allo-allo kaja'dallanga anne. Sollanna punna le'ba' mako a'bundu' sa'genna kala'busang, tuli makassa' ijako.

PAOLE 27:10

Lanri kammana anjo turukimi Batara siagang gaukangi sikontu hukkunNa kupassareanga mae ri kau anne alloa.”

FILIPI 2:5

Parallui sangkamma nyawanu siagang nyawaNa Isa Almasi; iamintu:

IBRANI 12:3

Alle sai pikkiri' antekamma sessaNa Isa andallekangi sikamma tu dorakaya sannaka batena angngewa mae ri Ia! Lanri kammana, teako la'ba pa'maiki siagang teako tappu' panrannuangi.

IBRANI 4:10

Nasaba' anjo tau antamaya ri tampa' pammari-mariang Napa'janjianga Allata'ala ri ia, lammari-mari tommi battu ri sikontu jama-jamanna, sangkamma Allata'ala.

1 PETRUS 2:21

Untu' iami anjo naNakiokko Allata'ala. Nasaba' KalenNa Almasi le'ba' tommi angkasiaki kasessanga untu' ikau; na lalang kammana anjo Nasare mako conto sollanna nuturuki bateNa.

1 PETRUS 3:18

Nasaba' le'ba'mi sikali mate Almasi untu' satunggu-tungguna passabakkang dosana rupataua; Ia tena salanna mingka matemi untu' tau salaya. Nagaukammi Almasi kammaya anjo sollannu akkulle Narurungang ngaseng mae ri Allata'ala. Nibunomi tubuNa, mingka nipattallasa' poleammi ammotere' katallassang rohaniNa.