1 PETRUS 3:6 - KITTA' MATANGKASA'

⁶ Kamma tomminjo Sara, mappilangngeri mae ri Abraham siagang akkio' tuangi mae ri Abraham. Ikau kamma-kamma anne ana'-ana'na ngaseng tommaka Sara, punna nugaukang apa-apa bajika siagang tena sikali numalla'-malla' manna pole ri apa-apa mamo.

1 PETRUS 3:6 ပူးပေါင်းရင်းမြစ်များ

PA'JARIANG 18:12

Lanri kammana minjo nammakkala'mo Sara lalang ri pa'mai'na na nakana, “Maka inakke anne tau toa kammaya siagang kalumeng kammaya, lakkulle ija sikatinroang siagang bura'nengku? Nampa pole bura'nengku toa tommi.”

PA'JARIANG 18:15

Lanri malla'na Sara, assassala'mi na nakana, “Tena kummakkala'.” Mingka appialimi Batara angkana, “Ammakkala' memangko sumpaeng.”

PAMMUJI 45:11

He, Tulolo, pilangngeri kana-kanangku, kaluppaimi bansanu siagang bija pammanakannu.

YESAYA 57:11

Nakana Batara, “Inaika anjo rewata-rewata ampajariako malla', sa'gennu a'balle-balle siagang tenamo nungngu'rangi mae ri Nakke? Apaka tenamo nunynyomba mae ri Nakke lanri sallo duduKumo tamakkana-kanaya?

LAMPA-LAMPANA 4:19

Mingka appialimi Petrus siagang Yohanes angkana, “Pikkiri'mi ri kalennu ngaseng, angkanaya kereanga annaba ri dallekanNa Allata'ala: parentanu nituruki, yareka parentaNa Allata'ala.

HAKING-HAKING 19:26

Ri wattu subuna ammotere'mi anjo bainea, mingka narapi'na dallekang pakke'bu' balla'na anjo tau toaya, balla' pa'bangngianna bura'nenna, tenamo nangngu'rangi. Sa'genna ammumba alloa tuli nia'na anjoreng.