1 PETRUS 3:20 - KITTA' MATANGKASA'

²⁰ iamintu rohna sikamma tau tenaya namappilangngeri mae ri Allata'ala ri jammang tallasa'na Nuh. Anjo wattua sa'baraki attayang Allata'ala lalang appare'na kappala' Nuh. Iaji bawang anjo tau niaka lalang ri kappalaka – nia' sagantuju tau – nipasalama' battu ri anjo a'ba lompoa.

1 PETRUS 3:20 ပူးပေါင်းရင်းမြစ်များ

PA'JARIANG 6:13

Nakanamo Allata'ala ri Nuh, “Le'ba'mi Kupattantu angkana laKubuno ngasengi sikontu apa-apa attallasaka. LaKuancuru' ngasengi ke'nanga siagang apa niaka lalang lino, nasaba' anne linoa rassimi panggaukang palla' nagaukanga ke'nanga.

PA'JARIANG 6:3

Nakanamo Batara, “Tena naKupa'biangi rupataua attallasa' satunggu-tungguna; musti matei ke'nanga. Appakkaramula ri kamma-kammaya anne tenamo nakkulle la'bi ri 120 taung umuru'na.”

PA'JARIANG 6:5

Naciniki Batara antekamma ja'dala'na sikamma rupataua ri lino. Tuli ja'dala'na ngaseng pikkiranna ke'nanga.

PA'JARIANG 6:8

Mingka sannangi pa'mai'Na Batara mae ri Nuh.

PA'JARIANG 7:13

Anjo alloa antama' memammi Nuh siagang bainenna ri anjo kappalaka, siagang tallua ana'na, iamintu Sem, Yafet siagang Ham kammayatompa massing ana'-ana'na ke'nanga.

PA'JARIANG 8:1

Tena nikaluppai Nuh ri Allata'ala siagang sikamma olo'-olo' niaka naagang lalang ri anjo kappalaka. Napa'nia'mi Allata'ala anging mammirika, sa'genna appakkaramulamo naung anjo je'neka.

PA'JARIANG 8:18

Assulu'mi Nuh battu ri anjo kappalaka siagang bainenna, ana'-ana'na, kammayatompa massing bainenna ke'nanga.

YESAYA 30:18

Mingka manna nakamma, Natayangi Batara wattunna untu' Napappicinikang pangngamaseanNa mae ri kau ngaseng. Sadiai langkamaseangko. Saba' Batarami Allata'ala anggaukangi apa kaminang cocoka mae ri KalenNa. Mate'nei tau manrannuanga mae ri Ia.

MATIUS 7:14

Mingka seppaki siagang sukkaraki pakke'bu' angngoloa mange ri katallassanga, nasike'de'ji tau angngolo anjoreng.”

LUKAS 12:32

“Ikau tau sike'deka, teako mallakki! Nasaba' sannangi pa'mai'Na Allata'ala assareko barakka' battu ri PamarentahanNa.

LAMPA-LAMPANA 2:41

Jaimi tau tappa' mae ri anjo napaua Petrus, nampa nije'ne'mo ke'nanga. Jari anjo alloa katambammi jaina tau tappaka a'jari tallussa'bu tau.

ROMA 9:22

Kamma tomminjo ri apa Napareka Allata'ala. Eroki ampappicinikangi pangngalarroinNa siagang kakoasanNa. Mingka sa'baraki Allata'ala mae ri anjo tau siratanga nihukkung lanri napakalarro-larrona Allata'ala.

EFESUS 5:26

NaNagaukang Almasi anjo kammaya, sollanna akkulle Natangkasi jama'aka lalang ri pangngajaranNa kammayatompa lalang ri je'ne' pa'je'ne', nampa akkulle Napassareang anjo jama'aka mae ri Allata'ala.

IBRANI 11:7

Lanri tappa'na nanatarimamo Nuh pappakainga' Napassareanga Allata'ala mae ri ia; iamintu passala'na apa-apa lakajarianga tenaya nakkulle nacini' Nuh. Naturukimi Nuh kananNa Allata'ala. Jari appare'mi se're biseang lompo. Nama'nassa iaminjo biseang lompoa ampasalamaki kalenna siagang pole sikamma ana'na siagang tubai'-bainena. Jari nihukkummi linoa, mingka Nuh nipattojemmi ri Allata'ala nikana tau baji' lanri tappa'na.

1 PETRUS 1:22

Lanri mappilangngerinnu mae ri pangngajaranNa Allata'ala, parallui nutangkasi kalennu siagang nukamaseang julu tappa'nu situlusu'na pa'mai'nu. Lanri kammana, paralluko massing sikamaseang lalang sikalepu pa'mai'nu,

1 PETRUS 1:9

Nasaba' nugappami wassele'na, iamintu kasalamakkanna nyawanu.

1 PETRUS 2:25

Riolo sanrapangko gimbala' tappelaka, mingka kamma-kamma anne le'ba' mako nierang ammotere' untu' amminawang ri Pakalawakinnu siagang Pammarakainna nyawanu.

1 PETRUS 3:19

Iaminjo RohNa a'lampa ambirittakangi biritta battua ri Allata'ala mae ri roh-roh nitarungkua:

1 PETRUS 4:19

Lanri kammana, punna nia' tau angkasiaki sessaya lanri Nakaerokinna Allata'ala kammaya anjo, parallui nabajiki tallasa'na siagang parallui napappirannuang kalenna mae ri Batara Mappa'jarina ke'nanga. Iami tuli lanrupai janjinNa.

2 PETRUS 2:5

Kammayatompa lino jammang rioloa, tena todong nalata'lappasa' battu ri hukkunganNa Allata'ala. Appabattui a'ba lompo Allata'ala antama' ri linona tau ja'dalaka anjo wattua. Nuh bawang siagang tuju tau maraengannaya nipasalama', lanri napa'la'banna Nuh biritta katallassang nipangngellaia ri atinNa Allata'ala.

2 PETRUS 3:15

Pakemi anjo kasa'barranNa Batara a'jari kasampatang Napassareang mae ri kau sollannu akkulle salama'. Kamma tomminjo le'baka napau Paulus lalang sura'na mae ri kau. Pangngajara' battu ri Allata'ala nanatulisi' Paulus anjo kana kammaya mae ri kau.