1 PETRUS 3:13 - KITTA' MATANGKASA'

¹³ Inaika ero' a'gau' ja'dala' mae ri kau, punna nungai a'gau' bajika?

1 PETRUS 3:13 ပူးပေါင်းရင်းမြစ်များ

PAMMUJI 38:20

Jai siagang kassaki sikamma tau ambalianga', birisiki ke'nanga anciniki bateku attallasa'.

PANGNGEBARANG 12:21

Tau bajika talanatujuai bala; tau ja'dalaka tuli lanatujui susa.

PANGNGEBARANG 15:9

Birisiki Batara ri batena attallasa' tau dorakaya, mingka Nakamaseangi tau usahaya anggaukangi ero'Na.

PANGNGEBARANG 16:7

Punna nupakasannang pa'mai'Na Batara, musu-musunnu laNapa'jari agangi.

YEREMIA 39:12

“A'lampako amboyai Yeremia, siagang jagai baji'-baji'. Teako apa-apai; gaukangi apa nakaerokia.”

ROMA 13:3

Nasaba' inai-nai a'gau' baji' tena naparallu malla' mae ri pamarentaya. Iaji tau a'gau' kodia musti malla'. Punna erokko tena numalla' ri pamarentaya, musti a'gau' bajikko, nanuanggappa pammuji.

ROMA 8:28

Niassengi angkanaya Allata'ala ngaseng angngatoroki sikontu apa-apaya, sa'genna a'jari baji' mae ri sikamma tau angkamaseangai, iamintu sikamma tau Nakioka situru' ero' panggaukanNa.

1 KORINTUS 14:1

Usahakangi mangngamaseanga ri parannu tau siagang usahakang tongi sollanna nutarima sikamma passare battua ri RohNa Allata'ala; lomoro' se'rea iamintu nanutarima pakkullea untu' ampabattui sikamma rancanaNa Allata'ala mae ri rupataua.

EFESUS 5:1

Ikau ana'-ana'Na ngasengko Allata'ala, sannaka Nakarimangnginna; lanri kammana, paralluko mannuruki ri Allata'ala.

1 TESALONIKA 5:15

Jagai sollanna tena nanubalasa' kaja'dallanga siagang kaja'dallang. Usahako tuli a'gau' baji' mae ri massing para ikau, kammayatompa mae ri yangasenna taua.

1 TIMOTIUS 5:10

niassemmi angkanaya nangai a'gau' bajika, kammaya: le'ba'mi napakalompo baji' ana'-ana'na, nangai annarimaya toana a'bangngi ri balla'na, nalayani tau tappaka, siagang natulungi tau susaya; bodona kana, le'ba'mi nagaukang tojeng-tojeng a'rupa-rupaya jama-jamang baji'.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

3 YOHANES 1:11

Sari'battangku, sannaka kukarimangnginna; teako turuki apa-apa kodia. Iamo apa-apa bajika nuturuki. Inai-nai a'gau' baji', iami anjo taua tau battu ri Allata'ala. Na inai-nai a'gau' ja'dala', ma'nassa tenapa nale'ba' sibuntulu' siagang Allata'ala.