1 PETRUS 3:11 - KITTA' MATANGKASA'

¹¹ Musti napakabellai kalenna battu ri kaja'dallanga nanagaukang kabajikanga; parallui appattujuang tojeng-tojeng untu' anggappai passiamakkanga.

1 PETRUS 3:11 ပူးပေါင်းရင်းမြစ်များ

AYUB 1:1

Ri butta Us, nia' sitau bura'ne ammantang, niareng Ayub. Anynyombai siagang majarreki tappa'na mae ri Allata'ala. Baji' akkalaki siagang tena na'gau' kodi manna sike'de'.

AYUB 2:3

Akkuta'nammi Batara angkana, “Apaka le'ba'mi nuparhatikang atangKu Ayub? Ri sikontu linoa, tena tau sangkamma baji' pa'mai'na siagang majarre'na tappa'na. Anynyombai mae ri Nakke, siagang tena sikali na'gau' kodi. Tuli majarre'na tappa'na mae ri Nakke, manna pole le'ba'Ma' nunyonyo' ampitujui bala, manna natena passabakkanna.”

AYUB 28:28

Nakana Allata'ala ri rupataua, ‘Punna ero' nugappa kacara'dekanga, musti nupakalompoi Allata'ala. Punna erokko ammahang, musti nupakabellai kaja'dallanga.’ ”

PAMMUJI 125:4

O, Batara, Kigaukammi bajika mae ri tau bajika, mae ri tau tulusu' pa'maika.

PAMMUJI 34:14

Teako appasuluki kana-kana ja'dala', siagang teako nungai akkala' annipua.

PAMMUJI 37:27

Bokoi kaja'dallanga, gaukangi bajika, na untu' satunggu-tungguna napammantangngi turungannu anjo buttaya.

PANGNGEBARANG 16:17

Tau bajika napakabellai kalenna battu ri kaja'dallanga; tau amparhatikangai batena attallasa', najagai kalenna.

PANGNGEBARANG 16:6

Tau tenaya namminra nyawana mae ri Allata'ala lanipammopporangi; tau mappilangngeria lanipalili battu ri sikontu kaja'dallanga.

PANGNGEBARANG 3:7

Teako nanukana kalennu la'bi cara'dekangangko na sitojennaya; turuki Batara siagang pakabellai kalennu battu ri ja'dalaka.

MATIUS 5:45

sollannu a'jari ana'-ana'Na Allata'ala Manggenu ri suruga. Nasaba' Napammumbai alloNa Allata'ala sollanna nasiori ngaseng rupataua, baji' natau a'gau' bajika kammayatompa tau a'gau' kodia. Kammayatompa Napaturungi bosiNa Allata'ala sollanna natuju ngaseng rupataua, baji' natau a'gau' bajika kammayatompa tau a'gau' kodia.

MATIUS 5:9

Mate'nei tau mappasiamaka paranna tau; nasaba' iami laniakui ri Allata'ala a'jari ana'-ana'Na!

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

MARKUS 14:7

Tu kasi-asia tuli nia'na ri tangnga-tangnganu ngaseng. Punna erokko tena masala wattu nakkulle nutulung ke'nanga. Mingka iNakke, tena Kutuli lania' angngagangko.

LUKAS 1:79

kammaminjo na Nasingari sikontu taua niaka lalang ri sassang siagang kamallakkang. Nauluki' mange ri oloang a'lampa mangea ri kabajikanga.”

LUKAS 6:35

Sikontutojenna takammayai anjo! Mingka musti nukamaseangi musunnu, siagang a'gau' bajikko ri ke'nanga. Musti nusarei taua angnginrang, siagang teako attayangi lanipoterangngang. Punna kamma anjo batenu, lompoi pahala lanugappaya, siagang la'jari mako ana'-ana'Na Allata'ala Kaminang Tinggia. Nasaba' baji' pa'maiki Allata'ala mae ri tau tenaya nangngasseng appala' sukkuru', kammayatompa baji' pa'maiki mae ri tau ja'dalaka.

LUKAS 6:9

Nampa akkuta'nang Isa ri tau niaka anjoreng Nakana, “Manuru' agamaya apa akkulle nigaukang ri allo Pammari-marianga? A'gau' baji' yareka a'gau' ja'dala'? Appasalama' tau yareka ancilakai taua?”

YOHANES 17:15

Tena naKupalaki ri Katte sollanna Kiallei ke'nanga battu ri anne linoa, mingka Kupalaki ri Katte sollanna Kijagai ke'nanga battu ri Kaja'dallanga.

ROMA 12:18

Usahakangi sollannu akkulle assiama' ngaseng siagang taua lalang tallasa'nu.

ROMA 14:17

Nasaba' punna lalang ri pamarentahanNa Allata'ala, tena naparallu nikanaya apa-apa akkullea nikanre yareka apa-apa akkullea niinung. Mingka ia parallua iamintu angkanaya mannuruki rupataua ri ero'Na Allata'ala, nakasiaki nikanaya salewangang ri pa'maika, kammayatompa karannuang Napassareanga RohNa Allata'ala.

ROMA 14:19

Lanri kammana, ia parallua tuli niusahakang iamintu sikamma akkullea appa'nia' passiamakkang siagang sipaenteng mae ri sikamma taua.

ROMA 5:1

Kamma-kamma anne assibajiki maki' ammotere' siagang Allata'ala, lanri tappa' maki' mae ri Ia. Siagang lanri kammana, attallasa' maki' lalang kasiamakkanga siagang Allata'ala, tete ri Batarata Isa Almasi.

ROMA 7:19

Tena nakugaukangi kabajikanga situru' apa kukaerokia; passangalinna apa-apa takukaerokia kugaukang, iamintu kaja'dallanga.

ROMA 7:21

Jari, kubodoimi kanangku angkanaya iaminjo hukkung-hukkunga angngatoroki kalengku: iamintu angkanaya punna erokka' anggaukangi apa bajika, kajarianna apa ja'dalakaji ammumba ri kalengku.

ROMA 8:6

Punna nikoasai pikkirannu ri sipa'-sipa' ma'rupataua, kale'bakkanna lanugappai kamateanga. Mingka punna nikoasai pikkirannu ri RohNa Allata'ala, kale'bakkanna lanugappai katallassanga siagang passiamakkanga siagang Allata'ala.

GALATIA 5:22

Mingka, punna nipimping ri RohNa Allata'ala taua, iaminne wassele'na: sikamaseangi ke'nanga, rannui, assiamaki, sa'baraki siagang lammoro' pa'maiki, bajiki ri paranna tau, majarreki,

GALATIA 6:10

Jari, lalang nia'na ija kasampatang ri katte, paralluki' a'gau' baji' mae ri yangasenna rupataua, la'biangampa mae ri sikamma sari'battang julu tappatta.

KOLOSE 3:15

Parallui passiamakkang Napassareanga Almasi lalang ri atinnu ampattantui apa-apa eroka nutappuki. Nasaba' Nakiokko Allata'ala untu' a'jari anggota ri se'rea tubu, sollannu akkulle attallasa' lalang passiamakkang lanri anjo Almasi. Paralluko appala' sukkuru'.

1 TIMOTIUS 6:18

Pakaingaki ke'nanga nanapa'nyata kabajikanga, namasarro anggaukangi apa-apa bajika, lammoro' pa'maiki siagang nangai assare-sarea apa-apa.

IBRANI 12:14

Usahako sollannu assiama' siagang yangasenna taua lalang katallassannu; kammayatompa usahako sollannu a'jari tangkasa' ri dallekanNa Batara. Nasaba' punna takammaya anjo tena manna sitau akkulle anciniki Batara.

IBRANI 13:16

Teako takkaluppai a'gau' baji' siagang situlung-tulung, nasaba' iaminne kammaya koro'bang-koro'bang ampakasannangai atinNa Allata'ala.

YAKOBUS 4:17

Lanri kammana, inai-nai angngassengi apa bajika, nanaasseng angkanaya musti nagaukangi anjo apa bajika mingka tena nagaukangi, anjo taua dorakami.

1 PETRUS 3:12

Nasaba' tuli Naparhatikangi Batara tau anturukiai ero'Na, tuli Napilangngeri pappala' doanganna ke'nanga; mingka Nabaliangi sikamma tau anggaukangai kaja'dallanga.”

3 YOHANES 1:11

Sari'battangku, sannaka kukarimangnginna; teako turuki apa-apa kodia. Iamo apa-apa bajika nuturuki. Inai-nai a'gau' baji', iami anjo taua tau battu ri Allata'ala. Na inai-nai a'gau' ja'dala', ma'nassa tenapa nale'ba' sibuntulu' siagang Allata'ala.

HAKING-HAKING 11:14

Nasuromi pole Yefta mange ri karaeng Amon,