1 PETRUS 2:9 - KITTA' MATANGKASA'

⁹ Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.

1 PETRUS 2:9 ပူးပေါင်းရင်းမြစ်များ

PAMMUJI 106:5

Poro kucini' tollalo kacopponganna tunipileTa siagang a'rannu-rannu siagang ummatTa. Poro lompo todong pa'maikku siagang rannu siagang sikamma tua'jaria Kipatang.

PAMMUJI 118:27

Batarami Allata'ala, malammoro' pa'maiki mae ri katte. Maju mako a'barrisi' siagang tangke kayu ri limannu, siagang kulilingi tampa' pakkoro'bangnganNa Batara.

PAMMUJI 135:4

Napilei Yakub untu' KalenNa, umma' Israel Napa'jari Ia ampatangi.

PAMMUJI 22:30

Sikontu tau malompoa lasu'juki ri dallekanNa, sikontu rupatau tattallasa' satunggua lanynyombai mae ri Ia.

PAMMUJI 33:12

Mate'nei bansa mangakua ri Batara salaku Allata'alana, mate'nei umma' Napilea a'jari umma' Napatanga!

PAMMUJI 73:15

Ebara' angkana akkana kamma' anjo, kubaliammi ana'-ana' ri bokoku.

YESAYA 26:2

Sungkei sikamma pakke'bu' lompoa, sollanna antama' bansa tamamminraya, bansa anggaukangai ero'Na Allata'alana.

YESAYA 41:8

Mingka ikau, he Israel, atangKu, umma' Kupilea, ikau turunganna Abraham, sahabakKu.

YESAYA 42:16

BansaKu butaya laKurenrengi angngolo rioloang tenaya naassengi ke'nanga; laKurenrengi ke'nanga ri agang tenaya naassengi ke'nanga. Sassanga Kupa'jari singaraki mae ri ke'nanga, na oloang a'buttu-buttua Kulappari. Iaminjo laKugaukang mae ri ke'nanga, siagang attantumi laKugaukanna.

YESAYA 44:1

Nakana Batara, “Pilangngeri, he atangKu Yakub, he Israel, ummakKu Kupilea!

YESAYA 61:6

Lanigallarakko atanNa Allata'ala siagang niarengko imanNa Batarata. Lanukasiaki kakalumanynyanganna bansa-bansaya na lompo pa'mai'nu lanri barang-baranna ke'nanga.

YESAYA 62:12

Lanigallaraki ke'nanga: ‘Umma' Matangkasa'’; ‘Umma' nipasalamaka ri Batara’. Yerusalem lanigallaraki ‘Kota ninyonyoka ri Batara’, ‘Kota tenayamo nanibokoi ri Batara’.

YESAYA 66:21

Nia' siapa are jaina battu ri ke'nanga laKupa'jari imang siagang tu Lewi.

YESAYA 9:2

O, Batara, Kisarei ke'nanga karannuang lompo, Kipa'jari ke'nanga makkio' rannu. Rannui ke'nanga lanri kabajikanTa, rapang tau a'rannu-rannua wattu napasse'rena wassele' kattoanna, yareka a'bage barang nirampasa'.

MALEAKHI 3:17

Nakana Batara Kaminang Koasaya, “La'jari ke'nanga ummakKu. Ri wattungKu angngalle tindakang, la'jari ke'nanga umma' nisayangKu. Lakukamaseangi ke'nanga, rapang se'rea mangge ansayangi ana' mappakalompoa ri kalenna.

MATIUS 4:16

Bansa niaka lalang ri sassanga accini'mi singara' accaya lompoa! Ri tau niaka lalang ri sassanna kamateanga Battumi cayana singaraka assiori!”

MATIUS 5:16

Kamma todong minjo alarapanna singara'nu, parallui accaya ri dallekanna tau jaia; sollanna nacini' gau' baji'nu, na napakala'biri' Allata'ala Manggenu niaka ri suruga.”

LUKAS 1:79

kammaminjo na Nasingari sikontu taua niaka lalang ri sassang siagang kamallakkang. Nauluki' mange ri oloang a'lampa mangea ri kabajikanga.”

YOHANES 17:19

Kupassareammi KalengKu, iamintu tu nikatutuinTa, untu' kaparalluanna ke'nanga, sollanna akkulle todong ke'nanga a'jari ummatTa Kikatutuia, lanri katojenganga.

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

LAMPA-LAMPANA 26:28

Nakanamo Agripa mae ri Paulus, “Nukana gampanga' lanupa'jari tu Karisteng silalonna?”

ROMA 9:24

Ikattemi le'baka Nakio', tena nabattu ri bansa Yahudia bawang, mingka battu ri bansa-bansa maraenga pole.

1 KORINTUS 3:17

Punna nia' tau ampanraki balla'Na Allata'ala, anjo taua lanipanraki tommi ri Allata'ala. Nasaba' anjo balla'Na Allata'ala matangkasaki, naia nikanaya balla'Na Allata'ala iamintu ikau.

EFESUS 1:14

Iaminjo RohNa a'jari pammatei mattantua, angkanaya ma'nassa lanitarimai apa le'baka Napa'janjiang Allata'ala mae ri umma'Na. Iaminne ampakajarreki tappatta angkanaya ma'nassa laNalappassangi umma'Na Allata'ala. Nipujimi Allata'ala lanri kala'biranNa.

EFESUS 1:6

Nipujimi Allata'ala lanri la'biri'na kabajikang pa'mai'Na, le'baka allumpa Napa'nyata mae ri katte ri tete Ana'Na Nakarimangngia.

EFESUS 3:21

Poro nipakala'biri'mi Allata'ala sa'genna a'lapi'-lapisi' sossorang lalang ri jama'aka, tete ri Isa Almasi. Nipujimi Allata'ala satunggu-tungguna! Aming.

PAOLE 10:15

Mingka teai sipato' lompona pangngamaseanNa Batara mae ri boe-boenu, sa'genna ikaumi Napile battu ri alla'na sikontua bansa, siagang sa'genna kamma-kamma anne ikauji umma'Na Napilea.

PAOLE 14:2

Ikaumi Napatanga Karaeng Allata'alanu; battu ri sikontu bansaya ri lino, ikaumi Napile Allata'ala untu' a'jari umma'Na.”

PAOLE 18:2

Takkulleai ke'nanga nia' buttana, sangkamma suku-suku maraenga; ia natarimaya ke'nanga salaku imang-imanNa Batara iamintu bageang battu ri passare napassareanga bansa Israel mae ri Batara, sangkamma Napa'janjianga Batara.

PAOLE 4:20

Mingka ikaumi bansa Napasalamaka battu ri butta Mesir, tampa'nu sessa dudu riolo. Naerangko assulu' battu ri anjo pa'rasanganga, sollannu a'jari bansa KalenNa sangkamma kaadaannu kamma-kamma anne.

PAOLE 7:6

Gaukangi anjo kammaya lanri ikau Karaeng Allata'alanu ampatangko. Battu ri sikontu bansaya ri anne linoa, ikaumi Napile Karaeng Allata'alanu untu' a'jari umma'Na kaminang Nangaia.

FILIPI 3:14

Lanri kammanami anjo nakulari tulusu'mo mae ri dallekang, mange ri tampa' kala'busang nitujua, sollangku akkulle ammeta, iamintu kugappai katallassanga ri suruga; untu' iaminjo naNakiokki' Allata'ala tete ri Isa Almasi.

KOLOSE 1:13

Le'ba' maki' Nalappassang battu ri kakoasanna masassanga, nampa napalettekki' antama' ri pamarentahanNa Ana'Na Nakamaseanga.

2 TIMOTIUS 1:9

Napasalamakki' siagang Nakiokki' Allata'ala untu' a'jari umma' KalenNa. Iaji naNagaukang Allata'ala anjo kammaya teai lanri apa-apa le'baka nigaukang nabilang ri kalenta, passangalinna lanri ero' KalenNa siagang lanri pangngamaseang malammoro'Na tete ri Isa Almasi, ri wattu tenanapa nanipa'jari anne linoa.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

1 PETRUS 2:5

Ikau sanrapang ngasengko batu-batu mattallasaka. Lanri kammana paralluko ampassareangi kalennu untu' nipake ambangung Balla' rohaniNa Allata'ala. Lalang kammana anjo a'jari mako imang-imang mae ri Allata'ala lalang ri katallassannu; siagang tete ri Isa Almasi angngerang mako koro'bang rohani mae ri Allata'ala, iamintu koro'bang nitarima bajika ri atinNa Allata'ala.

1 PETRUS 4:11

Inai-nai appabattu biritta, musti napabattui biritta battua ri Allata'ala; inai allayani ri paranna tau, musti allayani situru' kagassingang battua ri Allata'ala; sollanna ilalang yangaseng-ngasenna, akkullemi nipakala'biri' Allata'ala tete ri Isa Almasi. Iami Makoasa siagang siratanga nipakala'biri' sa'genna satunggu-tungguna. Aming.

PAPPICINI' 1:6

Nampa Napa'jariki' se're bansa imang-imang, allayania mae ri Allata'ala, ManggeNa. Iaminjo Isa Almasi malompoa siagang makoasaya sa'genna satunggu-tungguna. Aming!

PAPPICINI' 20:6

Maupaki sikamma tau nipattallasa' poleanga todong ri anjo wattu bungasaka. Iami ke'nanga siratang a'jari taunNa Allata'ala. Tenamo nakoasa kamateang makaruaya mae ri ke'nanga. La'jarimi ke'nanga imang-imanNa Allata'ala siagang imang-imanNa Almasi; na lammarentamo ke'nanga siagang Ia sa'genna sisa'bu taung sallona.

PAPPICINI' 5:10

Kipa'jarimi ke'nanga se're bansa nisa'laka iamintu bansa imang-imang sollanna nalayani ke'nanga Allata'alata, nammarenta irateanganna linoa.”

1 SAMUEL 12:22

Le'ba'mi assumpa Batara, angkanaya tena nalaNabokoiko, lanri le'ba'namo Napattantu angkanaya laNapa'jariko umma' KalenNa.