1 PETRUS 2:15 - KITTA' MATANGKASA'

¹⁵ Nasaba' Nakellai Allata'ala sollanna lanri nugaukanna panggaukang bajika nakkullemo nujempang bawana sikamma tau a'bicara salaya.

1 PETRUS 2:15 ပူးပေါင်းရင်းမြစ်များ

AYUB 2:10

Appialimi Ayub angkana, “Sangkammako tau dongoka a'bicara! Masa' bajikaji bawang ero' nitarima battu ri Allata'ala, nampa kodia lanitollaki?” Jari, manna pole nanituju Ayub ri sikontu anjo balaya, mingka tena nappasulu' kana-kana ambaliangi Allata'ala.

AYUB 5:16

Anne kamma nia' pole pa'minasang mae ri tau tenaya pa'minasana. Na'mereki tamakkana-kana tau ja'dalaka, lanri nitongko' bawana ri Allata'ala.

PAMMUJI 107:42

Niciniki ri tau lambusuka na rannu, mingka tau ja'dalaka nitongkoki bawana.

PAMMUJI 5:5

IKatte Allata'ala tamangngaia ri kaja'dallang; tamakkulleai battu tuja'dalaka mae ri Katte.

PANGNGEBARANG 9:6

Bokoi kadongokanga, sollannu attallasa' mate'ne. Pinawangi oloanna tau cara'deka.”

YEREMIA 4:22

Nakana Batara, “tolo sikali anjo ummakKu, tamangngassengai ke'nanga ri Nakke. Rapanji ke'nanga ana'-ana' tenaya namappilangngeri tenaya pammahanna manna sike'de'; cara'deki ri kaja'dallanga, tena apa-apa nakulle ri kabajikanga.”

MATIUS 25:2

Nia' lima ri ke'nanga tolo, na lima maraengannaya cara'deki.

MATIUS 7:26

Na tau allangngerekai kana-kana Kupangngajarranga mingka tena nagaukangi, iami sanrapang tau toloa, ambangunga balla' irate ri tompo'na kassika.

ROMA 1:21

Naassengi rupataua Allata'ala, mingka taerokai rupataua ampakala'biriki salaku Allata'ala, siagang tena todong nappala' sukkuru' ri Ia. Ba'lalo apa-apa tenayaji matu-matunna nanawa-nawa rupataua; a'jari sassammi nawa-nawanna ke'nanga.

GALATIA 3:1

Sikamma sari'battangku niaka ri Galatia! Teai sipato' dongo'nu. Maka inai le'ba' angngajara' salako? Le'ba'mi kupakasingara' baji'-baji' mae ri kau battuanna anjo kamateanNa Almasi ri kayu sallika!

PAOLE 32:6

Kammaminjo batenu ambalasaki baji'Na Batara, e, sikamma tau dongoka siagang tenaya nacara'de'? Sai Iami Manggenu, Mappa'jarinu, siagang ampa'jariako se're bansa?

1 TESALONIKA 4:3

Iaminne Nakaerokia Allata'ala: Nikellaiko sollannu matangkasa' lalang tallasa'nu, untu' KalenNa siagang nupakabella kalennu battu ri a'gau' bawanga.

1 TESALONIKA 5:18

Lalang yangasenna katallassannu paralluko tuli appala' sukkuru'; nasaba' iaminjo Nakaerokanga Allata'ala mae ri kau salaku tau ampakase'reai katallassanna siagang Isa Almasi.

1 TIMOTIUS 1:13

Riolo le'baki kupitina, kusessa siagang kuhina. Mingka manna nakamma Nakamaseang tonja' Allata'ala, nasaba' anjo wattua tenapa nakutappa', jari takuassengai anjo apa kugaukanga.

TITUS 2:8

Pakei kana-kana bajika, tenaya nakkulle nacalla taua, sollanna a'jari siri'-siri' balinnu, lanri tena apa-apa kodi akkullea napake ambicara kodiki'.

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.

1 PETRUS 2:12

Musti sannaki nubajikinna panggaukannu ri tangnga-tangngana tau tenaya naassengi Batara. Sollanna punna napitinako ke'nanga angkana tau ja'dalakko, mingka musti napakkontutojengi panggaukang-panggaukang baji'nu; sa'genna lanapuji sallang ke'nanga Allata'ala, ri allo kabattuanNa.

1 PETRUS 3:16

Mingka gaukangi anjo siagang tuna pa'mai'nu yareka siagang baji'. Siagang parallui ci'nong ati mailalannu, sollanna punna nipitinako lanri tappa'nu mae ri Almasi lalang tallasa'nu, lasiri'-siri'mi mae ri kalenna anjo tau ampitinayako.

1 PETRUS 3:17

Bajikangangi sessaya lanri a'gau' baji' – punna Nakaerokang Allata'ala – naia sessaya lanri a'gau' ja'dalaka.

1 PETRUS 4:2

Lanri kammana, paralluko anturuki ero'Na Allata'ala lalang tallasa' lanudallekanga pole, ri anne linoa siagang teai kaerokang rupatau nuturuki.

2 PETRUS 2:12

Mingka anjo guru-guru takontutojenga, teai sipato'! Sanrapang mami ke'nanga olo'-olo' nianakkanga untu' lanijakkala' siagang lanibunoa bawang. Tappikkirai ke'nanga, passangalinna kaerokang nyawanaji naturukiang. Sa'genna napakkanaimo ke'nanga apa-apa tanapahanga siagang kana-kana pahinaya. Lanri kammana, laposso' tommi ke'nanga sanrapang olo'-olo' sekkeka, passabakkang panggaukanna tonji ke'nanga.

YUDAS 1:10

Mingka napakka'-pakkanaimi siagang nahinami ke'nanga sikontu anjo apa-apa tanapahanga ke'nanga. Sanrapangi ke'nanga olo'-olo' tenaya pikkiranna, iamintu pakkasia'naji bawang napake untu' angngassengi apa-apaya. Mingka passabakkang iatommi anjo apa-apa kammaya naancuru' ke'nanga.